1 KORINTIANG KVDVNG 8:3 - ANU LUGOD N. T. (BSI)

³ Cmpige:la akonc Ru:ncpvncmc aipc mc:mvlo, Bvkkokki akonc kinnampc idag.

1 KORINTIANG KVDVNG 8:3 ပူးပေါင်းရင်းမြစ်များ

2 TIMOTI 2:19

Cmpige:la Ru:ncpvnckc kvnggv:nc dunggabkodc du:dag, sc muhorscm bomna: “Ru:tumdc kindag cdc sc:kobulu Bvkkcji,” odokkc, “Kajc appvngc sc:ko Ru:tumkc amindcm mindagji aima:nc agerlokkc germa:pc du:la:jc.”

1 KORINTIANG KVDVNG 2:9

Cmpige:la cdcm adla lc:tag, Okodcm oko amigcsin ka:begtoma:nc, cdcmanggom yerungc tadbbegtoma:nc, cdcmanggom tani: asinc mcnga:toma:nc, okodcm Ru:ncpvncbv mosv:tonc cdc sc:kobulu bulu Bvm aipc mc:toji.

GALATIANG KVDVNG 4:9

Cmpige:la su:pak nolu Ru:ncpvncm kintobong, cdcmanggom Ru:ncpvnckokki cdcmyam kinnampc ika:bong, kapc nolu lckoda ilang gvlang ma:ncdo:pc odokkc opannc ncrkvg yalodo:pc gvlatyckun, sckkcpc lckoda nolu pagbopc ilv:dagji?

LUNGOR LUNAM 2:19

Ngo kindag nok agerkvdv:dcm, nok aipc mc:namdc odokkc mc:jvgdcm odokkc ager gernamcm odokkc mcyinsula mentumsula du:namdcm, odokkc jc nok lcdukcdc ipongarnamdcm aiya:dag.

JAKOB 1:12

Ipusire:ycm menrasula du:nctani:dc akirba:d pa:nc, kapcnc cdvlo bv ankang kangkvnamdcm dagrasutonc bv turnamdok migom dumlupdcm sc:kobulu Bvm aipc mc:dagji okodcm Ru:ncpvncbv pesubitoji pa:yc.

JO:N 10:14

Ngo:na ainc bera soben ka:sv:ncdc; ngo avkckvdv:dcm kindag odokkc ngok avkckvdv:dc ngom kindag,

METIU 7:23

Odo bulum ngo appvng kindopc lutadla lubiyc, “Ngo cdvlosin nolum kinmangai; ngokkolokkc gc:ramkang, nolu aisi:ma:nc ager gernckvdvnga.”

1 JO:N 4:19

Ngolu aipc mc:dag, kapila:nc Bv ngolum aipc mc:po:to.

LUNGOR LUNAM 2:9

“Ngo kindag nok asinc mc:dvrra mcnggcsula du:namdcm odokkc nok opannammcm kindag (cmpige:la no mircmdag) odokkc lume:pc lugc:namdcm sc:kobulu ludagji jc bulu Jiwuyc odokkc cdcmpige:la Jiwumang, cmpige:la Satandok kumko okumcbulu.

1 PITOR 1:8

Bvm ka:begma:pci Bvm nolu aipc mc:dag; su:pak nolu Bvm ka:begmanggomci nolu Bvm mc:jvgdag odokkc mcngkinla odokkc mc:pobadsula mc:podag.

LUNGOR LUNAM 2:13

Ngo kindag no okolo dagdoji, okolo Satan migom dungkodc:ji; Antipaskc longcdo ngom lukan lubinamdo:sinci no ngok amincm gagtvla dung odokkc no ngok mc:jvgcm lupaksutomang, ngok mc:jvgnc okodc sc:kom nolukkolo moketoji, okolo uidc du:doji.

JO:N 21:17

Bv lckoda lcumnapc tawuto, “Simona, Jo:nkc aowa, no ngom aipc mc:dagyc?” Pitorbv mc:nyv:la mcngkang lcga:dc bvm “No ngom aipc mc:dang?” cmna lcwumkopc tawula:yam. Odokkc bv Bvm luto, “Ru:tuma, no appvngcm kindag; no kindag jc ngo nom aipc mc:dag.” Jisubv bvm luto, “Ngok bera sobenkvdv:dcm kanggabla dogo:molangka.

JAKOB 2:5

Tattoka, ngok aipc mc:nam bvrrangkvdv:nga. Ru:ncpvncbv cdc sc:kobulu opandagnc Balenna mc:jvglo mircmdopc la:ma:lang odokkc migom doko amo:dok du:sonsuncpc sc:kobulu Bvm aipc mc:dagji okodcm cdcmbulum pesubitoji?

ROMANKVDVNG 11:2

Ru:ncpvncbv Bvk tani:kvdv:dcm aimang cmna mcpakto sc:kobulum Bv kinpo:dagaji. Nolu kinma:nci Elijangkc agomcm Ru:ncpvnckc agom jvggabdc okkom cmdagaji, kapc Israeldok birudi:pc Ru:ncpvncmc lujvgcm lutoji.

1 KORINTIANG KVDVNG 13:12

Kapila:nc su:pak ngolu arsilo ka:soka:mola ka:do, cmpige:la odo dagrvgsudanna ka:begyc. Ngo su:pak intagongko kindag; odo ngo appv:dcm kinyc, ngo kapc appv:scmci kintoji

1 JO:N 4:7

Aipc mc:bomsunam kvdvnga, kajc akoncm akonc aipc mc:mvnsulai; kapcnc aipc mc:namdc Ru:ncpvnckc, odokkc sc:kobv aipc mc:dagji Ru:ncpvnckolokkc lennc odokkc Ru:ncpvncmc kindag.