1 KORINTIANG KVDVNG 8:1 - ANU LUGOD N. T. (BSI)

¹ Su:pak donamcm moimang kumkolo ilvgnamdcmbulum: ngolu kindo jc “Ngolu appvngc kinnam agomcm kindo.” “Kinnamc” da:li:pimpudcmpc go:sa:modag, cmpige:la aipc mc:namc mosa:do.

1 KORINTIANG KVDVNG 8:1 ပူးပေါင်းရင်းမြစ်များ

AGER KVDVNG 15:10

Su:pak cmpila kapila nolu Ru:ncpvncmc ankang kangkvla agom tadjvgla gvmvnnckvdv:dok lv:po:do jungoli:ko tulvgkvge:la okodcm ngoluk jo:la:toma:ji?

AGER KVDVNG 15:29

jc nolu okodcm murti:lo palvgtagji odokkc gertoka odokkc i:lokkc odokkc okodcm lv:polok yumna yumkedagji odokkc amikc nc:ngcm la:binamlokkc. Nolu avyc odokbulukkc odokkcm gc:rsula du:la:mvlo, nolu aincm iyc. Cdcbong.”

AGER KVDVNG 21:25

Cmpige:la Ru:ncmc kinma:nc tani:kvdv:dokkcpc sc:kobulu mc:jvgtoji, ngoluk mcngkampc do:jvgkko mclvgto jc bulu murti:lo palvgnammcm dopcma:namc lv:podok yumkenam kvdv:dcm odokkc amikc nc:ngcm aima:si:ma:nc agercm germa:pc du:dopc.”

ROMANKVDVNG 11:25

Ckvma:mvlo nolu agom kinncpa:ncpc imvlo noluk avkc bottcpc mc:sunamkokki, ngo nolum scm mcngkinla:ma:nam agomscm mcngkintoka cmna mc:dag, bvrrangkvdvnga: tornamko Israeldok atakkolo lenkang, Angun Tani:kvdv:dc pv:namkopc gvanggamma:sisscm, odokkc cdcmpc Israel appv:dcm mopvtyc;

ROMANKVDVNG 12:16

Akonkc lcdulo akonc lckolakko:pc du:ladaglangka; bottc bottcpc mansuyoka, cmpige:la ame:nc kvdv:dokki lcko-lakko:langka; cdvlosin av avyc bottcpc kinnc cmna mc:suyoka.

ROMANKVDVNG 14:10

Nolu kapila aidag-aimang cmna agomcm noluk bvrokvdv:dcm ludang? Cdcmanggom, nolu kapila noluk bvrodcm yoppakdon? Kapila:nc ngolu appvngc Ru:ncpvnckc kcbang bangkodo daga:paycku;

ROMANKVDVNG 14:14

Ngo kindag odokkc Ru:tum Jisukolo luyirla luto jc okkosin av avdc narc:ma:ncpc imang; cmpige:la sc:ko narc:mang cmna mc:dagji odokkcpc akomumkolokkcpci narc:mang.

ROMANKVDVNG 14:19

Kajc cmpcmvlo okodc mcnganmodagji luyirra lubilai odokkc lckolakkopc owudpc mosa:dagji.

ROMANKVDVNG 14:22

Mc:jvgdc nokkolo okodc du:nc, nokkclang Ru:ncpvnckc pongkokdo lc:tok; mc:poncdc bv sc:kobv avycm aidag-aimang cmna lusupc lcgangc kama:ji okodok lcgangc bv aidag cmna lusudoji.

ROMANKVDVNG 14:3

Sc:ko dodagji bvm sc:ko doma:ji doma:ncdcm tayum moyoka, odokkc sc:kobv doma:pc du:dagji bvm sc:ko dodagji cdcm aidag aimang cmna lumoyoka. Kapila:nc Ru:ncpvncbv bvm gogrvgsuto.

ROMANKVDVNG 15:14

Ngo av avyc noluk agomcm mc:tv:sudag, ngok bvrokvdvnga jc nolu av avkvdv:dc ainammc pv:namkopc dung, appvng kinnam-pa:namc bi:la dung, odokkc akoncm akonc luyirla:dag.

1 KORINTIANG KVDVNG 1:5

Jc appv:pc nolum Bvkkolo mircmmotagai appvng agomlo odokkc appvng kinnam pa:namlo–

1 KORINTIANG KVDVNG 10:15

Ngo aipc kinnc mcngc-sagc kanc tani:kvdv:dcmpc ludo; nolu avkcpc avyc mcngcsagcla ka:sutoka ngo okkom ludoji.

1 KORINTIANG KVDVNG 10:28

Cmpige:la nom sc:kaiyc jodi luyc, “Scm palvgkolo bitungai,” odo tani:dok lcga:pc mc:bila sc:kobv nom lubitoji, odokkc mcngkub-tablapnam lcgangc–

1 KORINTIANG KVDVNG 14:20

Bvrrangkvdvnga, noluk asinc ko:ka:pc iyoka; aima:nc agerlo onam kowawpc ilang, cmpige:la mc:namsagnamlo sv:titsunncmpc itoka.

1 KORINTIANG KVDVNG 15:34

Noluk yvgcmnc asindo:pc mc:toka, odokkc lckoda pa:bcm iyobongka. Kapila:nc akelokkc Ru:ncpvnckc kinnam agom kamang. Ngo scm nolum anyi:sudopc ludung.

1 KORINTIANG KVDVNG 4:10

Ngolu Kristokc lcgangc monba:ba:nc, cmpige:la nolu Kristokolo kinncpa:nc. Ngolu ilang gvla:ma:nc ckvdaggom nolu ilang-gvla:nc. Nolum mcnggcla du:namc, cmpige:la ngolum amin aima:pc gvmonammc.

1 KORINTIANG KVDVNG 4:18

Akke ngowwong cmna mc:sudag, ngo nolukkodo:pc gvkvma:pc ige:la:sin.

1 KORINTIANG KVDVNG 4:6

Ngo sc appv:scm avkcpclang Apolo:kcpc tolvgamsudung noluk ainam lcga:pc, bvrokvdvnga, jc nolu ngolukkokki kinycpc okodcm adtu:ji odokkc gvbarma:dapc, jc nolukkolok akoncsin da:lipimpudcmpc akonkc lcgangc akonc go:puta:yok.

1 KORINTIANG KVDVNG 5:2

Odokkc nolu ngolluong cmna mc:sunc tani:yc! Nolu cdcmyam mc:dvrra kappc-ripcnammangalang? Sc:kobv cdcm itoji noluk ara:lokkcm la:pakmotok.

1 KORINTIANG KVDVNG 5:6

Noluk bottapc lusu lusunamdc aimang. Nolu kinma:nci jc komirang adjio:dc alumpakdcm go:sa:modag cmna?

1 KORINTIANG KVDVNG 8:2

Akonc jodi mcngkvla mc:yc jc bv o:kai kindo, bvk kinpcnamdcm cmpidaggom kinmang.

1 KORINTIANG KVDVNG 8:4

Cdcmpidag, monam moimangcm binamcm donamcm donamdcm, ngolu kindag “Jc monam moimangdokkc aro:ru:pc du:namc kamang,” odokkc “Ru:ncpvnc kamang cmpige:la akkongko.”

1 KORINTIANG KVDVNG 8:7

Cdcmpc idag-imanggom, appvngc sc kinnamscm kinmang. Cmpige:la akelokkc, siddv longckopc monam moimangcm kumnamcm kumyitla aropakpc monam moimangcm binam donamkvdv:dcm dodag; odokkc buluk asin mcngc-saggc, mc:murra mc:ncpc idag.

IPESIANG KVDVNG 4:16

Kristokolo, sckkolokkc amvr appv:dc, morvgsutagji odokkc morvgsuko appv:dcm morvgsutagji okodokki cdcm mclvgtagji, cdvlo appvng intung kvdv:dc aiyo:pc ager gerdagji, amvrpc sv:sa:modag odokkc aipc mc:namlo avdc avyc mosa:dag.

KOLOSIANG 2:18

Nolum sc:komsin arckama:ncpc atvma:nckopc imoyoka, avyc aima:pc itvsula odokkc taycng lutadkvdv:dcm kumla, bvk kangorkvdv:dcm ka:la, lugodkama:pc go:puta:sa:la bvk adinamvr mcnggodlok mc:nc asindokki.

LUNGOR LUNAM 2:14

Cmpige:la ngokkc asudowko nok birudi:pc lupcnammc dung: nokkc akke sc:kobulu Balamkc luyir gagdagji dung, sc:kobv Balakmc poyirtoji Israel ommang kvdv:dcm lcsutsunam sv:tungcm dvngkomtoji, jc bulu murti:ycm binam donamcm dola:dopc cmna odokkc aisi:ma:nc agercm gerdopc.

LUNGOR LUNAM 2:20

Cmpige:la sc nok birudi:pc ngokkc dung, jc no Jejebel nc:dcm mc:yinsuto, sc:kobv av avdc lungor lunnc cmna lusudagji odokkc ngok ager gerya:nc kvdv:dcm aisi:ma:nc agercm geryiddopc odokkc moimang kvdv:dok kcra:lo tvlvgnam donamcm dodopc luyirdung odokkc yaddag.