1 KORINTIANG KVDVNG 7:28 - ANU LUGOD N. T. (BSI)

²⁸ Cmpige:la no midangko momvlo, no pa:bcm imang, odokkc ko:ncng akonc midangko moycmvlo bv pa:bcm imang. Ckvdaggom cdc sc:kobulu midangcm moycnc mo:pvsok mc:dvrmc:songcm pa:yc, odokkc ngo nolum cdcm mcpakbiyc.

1 KORINTIANG KVDVNG 7:28 ပူးပေါင်းရင်းမြစ်များ

HIBRIUKVDVNG 13:4

Noluk ara:lo yamnc gvnam-la:namc aipc mcnggcsuka:langka, odokkc midang monamdok asubc narc:pc:scng ka:langka; kapcnc Ru:ncpvncbv aima:pc asin gcnckvdv:dcm odokkc ami miycng langgo:nckvdv:dcm kcbangcm ba:ycku.

1 KORINTIANG KVDVNG 7:26

Ngo mc:dag jc silo mclokc ka:nam mc:dvrmc:songdcmpc, cdc tani: akolokkcpc kapc bv du:ji cdcmpc du:namv:dc aidag.

2 KORINTIANGKVDVNG 1:23

Cmpige:la ngo Ru:ncpvncmc ngok birudi:pc lukan lubidopc gogdo– cdc nolum aya:pc mc:namc du:langci ngo Korinto:pc gvma:pc dung.

METIU 5:32

Cmpige:la ngo nolum ludungkc sc:kobvi avkc nc:ngcm mcpakdokunc, aima:nc ka:bo-mc:bomvnsunamlok ma:mvlo, bvm amikc milbongkokki la:mvngvmvnsumonampc idag; odokkc sc:kovi mcpakkunam nc:ngcm la:donc, amikc nc:ngcm bv:sin la:nampc idag.

1 KORINTIANG KVDVNG 7:27

No yamncm la:tagnci? Mcpakkupc cmna mc:yoka. Nokkc yamnc kama:nci? Midangko mopc cmna mc:yoka.

1 KORINTIANG KVDVNG 7:29

Ngok lunamdc bvrokvdvnga, tola lc:nam ayirdc airu:pc aninpc pvnga:du:bong; su:pakkolokkc, sc:kobulukkc yamnc du:ji bulukkc akosin kamangv:ncmpc du:motoka,