1 KORINTIANG KVDVNG 6:9 - ANU LUGOD N. T. (BSI)

⁹ Nolu kinma:nci jc dormokama:nckvdv:dc Ru:ncpvnckc migom doko mo:pvdo dungkuma:yc? Yadkosuyoka; ager gernckvdv:dcmba aisi:ma:nc moimang kumnckvdv:dcm, cdcmanggom ami yamnc langgo:nckvdv:dcm, cdcmmanggom la:tcr la:tcr langgo:nc kvdv:dcm,

1 KORINTIANG KVDVNG 6:9 ပူးပေါင်းရင်းမြစ်များ

METIU 19:29

Odokkc sc:ko sc:kobvi okumkvdv:dcm mctonc cdcmanggom bvrrangcm cdcmanggom bvrmangcm cdcmmangcm abbom cdcmanggom anncm cdcmanggom ommangcm cdcmanggom amongcm, ngok amin lcgang, cdcmyam lvngkokopc, pa:ycku odokkc lo:dvscm turra dungkunam turnamdcm pa:ycku.

METIU 25:34

Odo cdc Migomdc alag lagbvgpc du:nckvdv:dcm luyc, ‘Kajc, ngok Abukc aipai pa:nckvdvnga, noluk lcga:pc mosv:la lc:nam migom mo:pvdcm dungkonsubomtoka tani:amo:scm mododokkcbong.

LU:KKC 21:8

Odo Bv luto, “Nolumjen gvyodla gvbopckc ansutoka; kapila:nc bojcrungc ngok aminno scmpc lula: lula gvyc, ‘Ngo Bv!’ Odokkc ‘Ayirdc aninpc pvnga:dandu:bong!’ Buluk lcdulo gvyoka.

AGER KVDVNG 20:32

Odokkc Bvk ayang abonamdok agomdo:pc tolvgdung, okodc nolum mosa:pc mosa:ladagji odokkc nolum sc:kobulum narc:pc mopu:tonc buluk du:tcngcm du:bomdopc imola:dagji.

AGER KVDVNG 24:25

Odokkc bv aropc kcba: ba:namc, avyc motumsula du:namcm odokkc ro:yampokc kcba:ba:nam agomcm svgka:mvnsunammc, Pelikbv aglvng sangkang odokkc luto, “Su:pakkcpc gc:rpongkang; cdvlo ngo tadmo:ycnc ngo nom goga:ycku.”

ROMANKVDVNG 1:18

Taycng amo:tokkc Ru:ncpvnckc aglvngcm lcngkanto tani:kvdv:sok appvng dormo agerkvdv:dok lcgangc lcngkanto odokkc aima:nc agerkvdv:dok lcgangc sc:kobulu bvk aima:nc agerkvdv:dokkc arodcm motumla du:doji.

1 KORINTIANG KVDVNG 15:33

Yadkosuncpc iyoka: “Aima:nc ajonc ainc mc:jong asincm momvgdag.”

1 KORINTIANG KVDVNG 15:50

Ngo scm nolum lubidung, bvrrangkvdvnga: adinclang i:yc Ru:ncpvnckc migomdokodcm pa:mvnmang, cdcmpcmanggom yogpagpcncdc yogpakpcma:ncdcmpc pa:tcng itc:mvnmang.

1 KORINTIANG KVDVNG 3:16

Nolu kinma:nci nolujc Runcpvnckc Yalodc:jc nolukkolo du:dag cmna?

1 KORINTIANG KVDVNG 5:1

Aropakpc cdcmpc lubidung jc noluk ara:lo aisi:ma:pc imvngvmvnsutung, odokkc cdcmpc inamc ui-inc kvdv:dok ara:lo:sinci ka:begmang; Kapila:nc tani:akonc bvk abudok nc:lok lcdulo du:mvndung.

1 KORINTIANG KVDVNG 5:10

cmpcsinci sc mo:pvsok aisi:ma:nc agerkvdv:dokki cdcmanggom dorvdonyonc odokkc rodkutnc kvdv:dokki, cdcmanggom moimang kumnc kvdv:dokki, odokkc cmpcmvlo nolu mo:pvsokkc gvlenpa:yc.

1 KORINTIANG KVDVNG 5:11

Cmpige:la ngo cdcmyam nolum sc:komsin jonsuma:dopc adto sc:kobv bvro aminko ka:ycji bv aisi:ma:nc ager germurkoba: dorv-dongyoko domurmvlo, cdcmanggom, moimang kumnckomvlo, cdcmanggom rotkudnckomvlo–cdcmpinckokki dobotv:boisuyoka.

1 KORINTIANG KVDVNG 6:10

cdcmanggom dopsongkvdv:dcm, cdcmanggom dorvkvdv:dcm, cdcmanggom rotkudnc kvdv:dc Ru:ncpvnckc migom doko mo:pvdok du:sonsukuncpc ima:yc. Odokkc noluk akke cdcmpinnckkai.

1 KORINTIANG KVDVNG 6:18

Aisi:ma:nc ager gernamcm mcpaktoka. Tani:akonc inam ake pa:p appv:dcm amvrdok ru:yido idag; cmpige:la aisi:ma:nc ager gernc tani:dc bvk avkc amvrdok birudivpc gerdag.

1 KORINTIANG KVDVNG 6:19

Nolu kinma:nci jc noluk amvrkvdv:dc Angunnc Yalodok kumko cmna noluk arangv:do okodcm nolu Ru:ncpvnckolokkcm pa:toji?

1 KORINTIANG KVDVNG 9:24

Nolu kinma:nci jc dukka:mvnsukolo dugnc appv:dc dugdo cmna, cmpige:la akkongkonc amandcm pa:do cmna?

2 KORINTIANGKVDVNG 12:21

Ngo pcsopc mc:dag jc ngo cdvlo lckoda gvycnc ngok Ru:ncpvncbv noluk kcra:lo ngom asincm ansv:moycpc, odokkc ngo cdc bojcrungko sc:kobulu po:pc pa:bcm ikanc odokbuluk lcgangc mc:dvrra kappa:ycpc odokkc narc:ma:nam lcgangc asinc mc:dvrra mc:lattokuma:ji, aisi:ma:nc ager gernam kvdv:dok lcgangc, odokkc nc:ng ka:bogo:namc okodcm bulu idaggvdagji.

GALATIANG KVDVNG 6:7

Yadkosuyoka; Ru:ncpvncmc moyomoka:nammang, kapila:nc tani:akonc okodcmci piddonc cdcmvng bv:sin gadycku.

KOLOSIANG 3:5

Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

HIBRIUKVDVNG 12:14

Appvng tani:kokki mc:nganna du:pc kvnggv:pc ilang sa:langka, odokkc angunnam lcgangc okodc:ma:mvloi sc:kosin Ru:tummc ka:begma:yc.

HIBRIUKVDVNG 12:16

jc sc:kosin aima:n ager gerncpc cdcmanggom Esaukcmpc dormo kama:pc ipcma:namc, sc:kobv bvk ododokkcbong pa:nam onam sottom apin kosak lcgangc kopaksutonc.

HIBRIUKVDVNG 13:4

Noluk ara:lo yamnc gvnam-la:namc aipc mcnggcsuka:langka, odokkc midang monamdok asubc narc:pc:scng ka:langka; kapcnc Ru:ncpvncbv aima:pc asin gcnckvdv:dcm odokkc ami miycng langgo:nckvdv:dcm kcbangcm ba:ycku.

JAKOB 1:16

Ngok aipc mc:bomsunam bvrokvdvnga, yadkosuyoka.

1 JO:N 3:7

Ameo:nc ommang kvdvnga, nolu sc:kosin yadkosuyoka. Sc:kobv aro agercm gerdonc dormokannc, kapc Bv dormokadagji.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

LUNGOR LUNAM 22:15

Mo:rongkc kvdv:dc iki: kvdv:dc odokkc morunc kvdv:dc odokkc ami nc:ng lango:nckvdv:dc odokkc monam moimang kumgo:nc kvdv:dc, odokkc appv:dc sc:kobulu lume:lunamc ludagji odokkc aipc mc:dagji cdcbulu.