1 KORINTIANG KVDVNG 6:20 - ANU LUGOD N. T. (BSI)

²⁰ Nolu noluk avkcmang; nolum arckokki rctung. Cdcmpidag Ru:ncpvncmc noluk amvrkvdv:do amin gvmotoka.

1 KORINTIANG KVDVNG 6:20 ပူးပေါင်းရင်းမြစ်များ

1 KORINTIANG KVDVNG 7:23

Nolum arckokki rcnamc; tani:lok pagbopc iyoka.

1 PITOR 2:9

Cmpige:la nolu balennam opvnko, migom dormoager gernclok bottcnc incpc, angunnc opvnko, Ru:ncpvnckc avkc tani:yc, jen nolu Bvk mcngapla:ma:nam ager gernam kvdv:dcm lutadbiycpc sc:kobv nolum Bvk ka:rvgsula:ma:nam pva:do:pc goglentoji.

ROMANKVDVNG 12:1

Ngo nolum cdcmpila kumna:sola: ludung, bvrrangkvdvnga, Ru:ncpvnckc mc:yinsunamkokki, noluk adin-amvrkvdv:dcm turpc palvgnammcmpc palvgdopc, angunnc odokkc Ru:ncpvnckcpc torvgsula:dopc, okodc noluk yalo dokki kumnamdc:ji.

1 PITOR 1:18

Nolu kindag jc nolu arvsu:ma:nc lambcdokkc gvlatkunckvdv:dok du:pakncdci noluk abukvdv:dokkc dungkonsubomna, yogpakpcnc attarkokkimang cdc silborc cdcmanggom avnc,

PILIPIANG KVDVNG 1:20

Cdcm kapc ngo kvnggv:pc toka:la mc:doji odokkc mc:dag jc ngo cmpcsin anyv:suma:yc, cmpige:la jc asinc kvnggv:pc migang ga:la su:pak lo:dvpc kapc Kristomc mcnggcycnc ngok amvrro, turnamkokki cdcmanggom sinamkokki.

AGER KVDVNG 20:28

okodo Angunnc Yalodcm nolum kanggabya:ncpc itu:ji, Ru:ncpvnckc mondoli:dcm ka:sv:mosv:dopc okodcm bv Avkc Awodok i:kokki pa:tokuji.”

HIBRIUKVDVNG 9:12

sc ru:nampvnam kvdv: sokkcmang,) Bv lo:dvlokkcpc Angunnc Dungkodo:pc gva:to, sobenlokkcmba: so:bo awolok i:ycm la:ma:pc cmpige:la Bvk avkc i:ycm langge:la, cdcmpc lo:dvlongkvlcgangc rclennapc ito.

GALATIANG KVDVNG 3:13

Kristobv ngolum lujvg lurodok pelvgnamdokkcm rcpvtto, ngoluk lcga:pc pelvgnampc ige:la–Kapila:nc cdcm attak, “Vsv:lo sc:kom ragsa:donc bv pelvgnampc ika:langka.”

1 KORINTIANG KVDVNG 10:31

Cdcmpidag, nolu dodaggomba tv:daggom, cdcmanggom okodcmci no idonc, Ru:ncpvnckc amin gvnam lcgangonc itoka.

LUNGOR LUNAM 5:9

odokkc bulu scmpc lula: lula, anu ni:tomko moto: “No yednam potindcm bompc arc kannc odokkc odok tubjetnam kvdv:dcm mopenpc, Kapcnc nom palvgto odokkc nok i:dokki Ru:ncpvnckc lcgangc tani:kvdv:dcm mogvt momatnamlokkcm rcpvtnato appvng rcngamlokkc odokkc agom lunclokkc odokkc tani:kvdv:lokkc odokkc opvnnokkc.

METIU 5:16

Noluk pvangcm tani: kvdv:dok kangkolo pva:motoka, odomvlo bulu noluk ainc agerkvdv:dcm ka:begycpc odokkc taycngamo:tok du:nc noluk Abumc bottaru:nc cmna kumycpc.

2 PITOR 2:1

Cmpige:la lume:pc lungor lunckvdv:dc:sin tani:kvdv:dok ara:lo lenkang, kappar noluk ara:lo lume:pc luyir lunnc lenycnc, sc:kobulu kinmango:pc momvgmosvgpcnc dormokama:nc agomcm lua:biycji, cdcmo:mang Ru:tumdcmsin lupaksula sc:kobv bulum rctoji, buluk avkc ara:lo mcna:pc lomdanna momvnsunamcm.

ROMANKVDVNG 6:19

Ngo tani: lukampc ludung, kapila:nc noluk mo:pvsok tadkino:la:namdokki. Kapila:nc noluk lckoncm alc-alagkvdv:dcm napv:narcmangkolo:pc mclvgnamdcmpc odokkc bottcyangkolokkc bottcya:nc asi:ma:nc agerlo:pc, cdcmpila su:pak noluk alc alakkvdv:dcm dormoagerlo:pc mclvgtoka angunnammcm pa:dopc.