1 KORINTIANG KVDVNG 6:2 - ANU LUGOD N. T. (BSI)

² Nolu kinma:nci jc angunnc tani:kvdv:dc mo:pvscm kcbangcm ba:yc cmna? Odokkc mo:pvscm nolukokki kcbangcm ba:mvlo, nolu adjio:nc ajcngkvdv:dcm ba:pc ba:la:ma:nci?

1 KORINTIANG KVDVNG 6:2 ပူးပေါင်းရင်းမြစ်များ

METIU 19:28

Jisubv odo bulum lubito, “Aroru:pc, ngo nolum lubidung, anu mo:pvdo, cdvlo tani:kc Awodc Bvk amin gvnc migom dungkodo du:ycnc nolu sc:kobulu ngok lcdu lcdulo gvmvnnc kvdv:dc:sin vyvngkolang anyilok tedkolo tedmvnycku, Israeldok vyvngkolang anyi opvndok kcbangcm ba:langkula.

LU:KKC 22:30

migom doko mo:pvko, okolo nolusin dola:-tv:la:ycpc ngok tcbuldo ngok doko mo:pvdo, odokkc Israeldok vyvngkolang anyi opvndcm kcbangcm ba:ycku migom dungkodo tedge:la.

ROMANKVDVNG 6:16

Nolu kinma:nci jc nolu sc:koikc lukamdcmpc tadycmvlo odok pagbopc idag cmna, no sc:kokc lukamdcmpc taddoji odok pagbopc ido, pa:blokkcpc, okodc sinamlo:pc gvbodagji, cdcmanggom agom lukamdcmpc tadnamdcmpc, okodc dormo inamlo:pc gvbodagji?

1 KORINTIANG KVDVNG 1:20

Kinncpa:nc tani:dc okolon? Agom poyirncdc okolon? Sc ayirkvdv:sok agom svgka:mvnsula luka:mvnsunc kvdv:dc okola:n? Ru:ncpvncbv mo:pvsok kinnampa:namkvdv:dcm Ru:ncpncbv monba: ba:ncpc imoma:lang.

1 KORINTIANG KVDVNG 1:21

Kapila:nc, Ru:ncpnckc kinnam-pa:namdo, rcngamsc kinnampa:nam kokki Ru:ncpvncmc kinma:pc inamc, cd Ru:ncpvncmc mcngkin-mc:parang ma:namdokki mc:lvgsumoto okodcm ngolu lutadbidonc sc:kobulu moturpc mc:jvgdonc.

1 KORINTIANG KVDVNG 6:4

Nolu cdcmpinc ajcngcm la:domvlo, kapila cdcmbulum nolu mondoli:dok adji:oko mcnggcnam kvdv:dokbuluk kcra:do lubidang?

2 KORINTIANGKVDVNG 4:18

Kapila:nc ngolu ka:begnam attarkvdv:do:pc ka:mang cmpige:la ka:begma:nam attarkvdv:do:pc; kapila:nc ka:begnam attarkvdv:dc lo:tungongko du:nc, cmpige:la ka:begma:nam attarkvdv:dc lo:dvpc du:tvnc.

1 TISSALONIANG 3:13

odomvlo jc Bv noluk asinkvdv:dcm lujckko kama:dopc angunno ngoluk Ru:ncpvnckc odokkc Abukc kcra:lo, ngoluk Ru:tum Jisukc Bvk aipc kumnc tani: appv:dokkc gvdokudo.

LUNGOR LUNAM 20:4

Odokkc ngo migom dungkokvdvngcm ka:to, odokkc odokbuluk tayc:do tednc kvdv:dc cdcbulu sc:kobulum kcbangcm ba:dopc tolvgtoji. Ngo cdc yalokvdv:dcmsin ka:to sc:kobulu Jisumc buluk lukanbinam kvdv:dok lcgang mittukkvdv:dcm papvrtoji odokkc Ru:ncpvnckc gomug lcgangc, odokkc sc:kobulu simvndcm kumtoji cdcmanggom odok monam moima:dcm odokkc odok mogoddcm bulu tuptakvdv:do cdcmanggom buluk alakkv:dv:do torvgsutoma:ji. Bulu turkangku, odokkc Kristokc lcdulo lv:ying dv:takkopc migomdomvnto.

LUNGOR LUNAM 3:21

Sc:kobv mopvdonc, ngo bvm ngok migom dungkodo du:mvndopc du:mvnmoyc, kapc ngo avycsin mopvtoji odokkc ngok Abudokki bvk migom dungkodo teddoji.