1 KORINTIANG KVDVNG 5:11 - ANU LUGOD N. T. (BSI)

¹¹ Cmpige:la ngo cdcmyam nolum sc:komsin jonsuma:dopc adto sc:kobv bvro aminko ka:ycji bv aisi:ma:nc ager germurkoba: dorv-dongyoko domurmvlo, cdcmanggom, moimang kumnckomvlo, cdcmanggom rotkudnckomvlo–cdcmpinckokki dobotv:boisuyoka.

1 KORINTIANG KVDVNG 5:11 ပူးပေါင်းရင်းမြစ်များ

ROMANKVDVNG 16:17

Ngo nolum kumna ludung, bvrokvdvnga, cdc sc:kobulu agomcm luyot-lumatla odokkc aima:pc imodagnc bulum kanggablang, nolum lubinam ncrkvg agom kvdv:dcm nolum lu:latpc luyirnamkvdv:dokkcm; bulum mcpaklang.

2 TISSALONIANG 3:14

Akonc jodi tadge:mang cmna okodcm ngolu sc do:jvgscm attu:ji luyc, cdc tani:dcm kanggaplangka, odokkc bvkkokki okkomsin ipcnam kamang, ja:te bv anyi:suycpc.

2 TISSALONIANG 3:6

Su:pak ngolu lulvgdung nolum, bvrokvdvnga, ngoluk Ru:tum Jisu Kristokc amino, jc nolu lo:bagla du:nc bvro akonmumlokkc angupc du:langka odokkc itcng-gvtc: dokkcmpc cdc nolu ngolukkolokkcm pa:namdcmpc.

METIU 18:17

Bv bulumsin tadma:mvlo, cdcm mondoli:ycm lubilang; odokkc bv mondoli: agomcmsinci tadma:mvlo, bv nolukkcpc amikc opvncmpc odokkc migom bipcnam murkong urkumnc akoncmpc imolang.

1 KORINTIANG KVDVNG 5:13

Ru:ncpvncbv cdc mo:rongkc du:nckvdv:dcm kcbangcm ba:dag. “Aima:nc ager gernc tani:dcm noluk ara:lokkcm mcnnennvgtok.”

2 JO:N 1:10

Sc:kaiyc jodi nokkolo:pc gva:yc odokkc sidc ncrkvg agomscm gva:bomma:yc, bvm okumdc torvgsuyoka cdcmanggom atvko kumtadsuyoka;

LUNGOR LUNAM 22:15

Mo:rongkc kvdv:dc iki: kvdv:dc odokkc morunc kvdv:dc odokkc ami nc:ng lango:nckvdv:dc odokkc monam moimang kumgo:nc kvdv:dc, odokkc appv:dc sc:kobulu lume:lunamc ludagji odokkc aipc mc:dagji cdcbulu.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

1 TIMOTI: 3:3

amin gvnc, mibobolv:nc, agom kinnc poyirncko, apong tvngvrsugo:ma:nc, momvnsugo:ma:pc cmpige:la asin ansv:ncpc, pamvnsugo:ma:ncpc odokkc murkongcm mc:boma:nckopc.

METIU 23:25

“Hai Hai nolu mc:tapsupcnammc, poyirnclang Parisi:kvdvnga, agom lc:sila lu:nckvdvnga! Agom kinnckvdvnga! Kapila:nc nolu ko:pdok odokkc arcm bati:dok ru:yikvdv:dcm bc:pu:do, cmpige:la odok arangkvdv:dc samjcmna murko: la:namc odokkc yawo:pc ka:bomc:bonammc bi:la dung.

LUNGOR LUNAM 2:20

Cmpige:la sc nok birudi:pc ngokkc dung, jc no Jejebel nc:dcm mc:yinsuto, sc:kobv av avdc lungor lunnc cmna lusudagji odokkc ngok ager gerya:nc kvdv:dcm aisi:ma:nc agercm geryiddopc odokkc moimang kvdv:dok kcra:lo tvlvgnam donamcm dodopc luyirdung odokkc yaddag.

IPESIANG KVDVNG 5:5

Scm arorung cmna mc:toka, jc oko ami nc:ng la:nc cdcmanggom narc:ma:nc tani:yc, cdcmanggom sc:kobv ka:bo mc:bodagji cdc, monam moimang kumnc, kapcsin Kristokc migom doko amo:dcm pa:mvnkuma:yc odokkc Ru:ncpvnckcdcm.

LU:KKC 21:34

“Cmpige:la nolu avyc avkc lcgangc ansutoka ckvma:mvlo noluk asinkvdv:dc dose-doyela:lang tvngvr:dowursunam mcngkolo mc:dutsuyc odokkc sc turnamkvdv:sok agomcm mc:yoka, odokkc cdc longcdc nolum vgcmpc ketelebcmpc scbgabyc;

1 KORINTIANG KVDVNG 6:10

cdcmanggom dopsongkvdv:dcm, cdcmanggom dorvkvdv:dcm, cdcmanggom rotkudnc kvdv:dc Ru:ncpvnckc migom doko mo:pvdok du:sonsukuncpc ima:yc. Odokkc noluk akke cdcmpinnckkai.

KOLOSIANG 3:5

Cdcmpidag nolukkolo okodc mo:pvsokkcji moketoka: aminc:ngcm la:binammc, napvnarc:ma:namc ilvnggvlvngc, aima:nc ager gerrvngc, odokkc ka:bonammc, okodc uikumnamcji.

1 KORINTIANG KVDVNG 8:11

Odokkc noluk kinnamkokki cdc mcngkinma:nc tani:dcm moketo, oko bvrodok lcgangc Kristobv sika:ji.

1 KORINTIANG KVDVNG 6:6

cmpige:la akolok birudi:pc bvrro lujvglurolo:pc gvdonci, odokkc mc:jvgma:nckvdv:dok ara:lo?

ROMANKVDVNG 13:13

Kajc ngolu avyc pva:lokkcmpc ilang-gvlai, apo: tv:ladola: tvngvrsunc ajon jongo:ma:pc, amikc mimc langgo:la odokkc ka:bomc:bogo:ma:pc, pamvnsugo:ma:pc odokkc ncka:mvnsuma:pc.

LUNGOR LUNAM 2:14

Cmpige:la ngokkc asudowko nok birudi:pc lupcnammc dung: nokkc akke sc:kobulu Balamkc luyir gagdagji dung, sc:kobv Balakmc poyirtoji Israel ommang kvdv:dcm lcsutsunam sv:tungcm dvngkomtoji, jc bulu murti:ycm binam donamcm dola:dopc cmna odokkc aisi:ma:nc agercm gerdopc.

1 TIMOTI: 6:5

odokkc tani:kvdv:dok ara:do agomcm luker luyermvnsula sc:kobulu asinbo aisi:ma:pc idagji odokkc bojc longcko arolo du:ma:ji, mcngkvla ka:dagjc dormokala du:namdc atvko la:bpc pa:namc.

IPESIANG KVDVNG 5:18

Odokkc apongcm tv:la tvngvrsuncpc iyoka, kapcnc cdc aima:nc ka:bo-mc:bonammc;

GALATIANG KVDVNG 2:12

Kapila:nc Jakobkolokkc tani: akonc gvmangadapc, bv Ru:ncmc kinma:nc tani:kvdv:dok lcdulo domvnto; cmpige:la cdvlo bulu gvlattokunc bv ngetsuk sukang, odokkc avdc, gadpuknc kcrc:dcm pcsola angupc angukang.

1 KORINTIANG KVDVNG 11:21

Kapila:nc dododcm, appvngc bvkkc bvkkc donamcm dopangcidagbong.

1 KORINTIANG KVDVNG 10:14

Cdcmpidag, ngok mc:bomsunam ajonkvdvnga, monam moimang kumnamdcm mcpaktoka.

1 KORINTIANG KVDVNG 7:15

Cmpige:la mc:jvgma:nc ajondc gvpansupc mc:ycmvlo, cdcm cdcmpc imotoka; cdcmpinc agerdo cdc bvrodcma:m bvrmcdcm yc:tummang. Kapila:nc Ru:ncpvncbv ngolum gogto mc:pomcngan lcgangc.

1 KORINTIANG KVDVNG 7:12

Du:nc akedcm ngo ludung, Ru:tumbv:mang, jc bvro akolokkc nc:ngkonc du:ycmvlo sc:kobv mc:jvgma:nckonc, odokkc bv bvk lcdulo du:mvnpc cmna luyc, bv bvm mcpakpa:mang.

AGER KVDVNG 9:17

Cdcmpila Anania:bv gvkang odokkc okumdo:pc gvangkang. Odokkc bvk tayc:do bvk alagcm pigabge:la bv luto, “Bvro Soula, no oko lambcdokki gvkanc cdc odo Ru:tum Jisubv sc:kobv nom lcngkansukaji, bv ngom mclvgtung no:jen nok amigc ka:begyckupc odokkc Angunnc Yalodcm pa:ycpc.”

LU:KKC 18:11

Parisi:dc dagrobge:la avdc scmpc kumsuto, ‘Ru:ncpvnna, ngo nom aipai cmdung jc ngo amitani:ycmpc imang, yadla attar lango:binckvdv:dcmpc, kaboma:pc kcba:ba:nc, aminc:ng langgo:nc, odokkc sc migom murkong urkumsunc scmpcsinci imang.

AGER KVDVNG 1:15

Odo longckvdv:do Pitorbv bvrokvdv:dok ara:do dagrobto (tani:kvdv:dc lckko:pc lvngkokolang yi:nyikai,) odokkc luto,

1 KORINTIANG KVDVNG 6:9

Nolu kinma:nci jc dormokama:nckvdv:dc Ru:ncpvnckc migom doko mo:pvdo dungkuma:yc? Yadkosuyoka; ager gernckvdv:dcmba aisi:ma:nc moimang kumnckvdv:dcm, cdcmanggom ami yamnc langgo:nckvdv:dcm, cdcmmanggom la:tcr la:tcr langgo:nc kvdv:dcm,