1 KORINTIANG KVDVNG 4:5 - ANU LUGOD N. T. (BSI)

⁵ Cdcmpidag ayirdok po:pcbong kcba:ba:namcm, Ru:tumbv gvkuma:dapc lulenyoka, sc:kobv su:pak kcmolo lc:nam attarkvdv:dcm pva:lo:pc la:lenycji odokkc asinlok mc:nam sagnam kvdv:dcm lenabmoyckuji. Odo appvng tani:yc Ru:ncpvnckolokkcm aipai cmnam pa:suycku.

1 KORINTIANG KVDVNG 4:5 ပူးပေါင်းရင်းမြစ်များ

METIU 10:26

“Cdcmpidag bulum pcsoyok; kapila:nc okkomsin takkomla lc:mang okodcm la:lenna lcngkanma:ycnc, cdcmanggom kinma:nammcm kinma:pc du:ma:ycpc.

METIU 24:30

odo tani:kc Awodok kanggodc taycng amo:to lenyc, odokkc mo:pvso tani: appvng opvnkvdv:dc kaptakri:taksuyc, odokkc bulu tani:kc Awodcm do:mvrtok mukkang tayc:lo tornamki odokkc bottcru:nc migangki gvdokupc ka:begyc.

METIU 24:46

Cdc ager gerya:ncdc aipai pa:nc sc:kom bvk ru:tumdc cdcmpc ila du:dopc bvk gvdokudo pa:yckuji.

METIU 25:21

Bvk ru:tumdc bvm luto, ‘no adjiodo:sin mc:dap darapto, ngo nom bojcru:lokkcp togc:lvgyc; nok ru:tumkc mc:podo mc:pomvntoka.’

METIU 25:23

Bvk ru:tumdc bvm luto, ‘Aroru:pc aipc ito, ainc odokkc mc:dap-darapnc ager gerya:na; no adjio:doksin mc:dapdarapto, ngo nom bojcru:lokkcpc tolvgyc; nok ru:tumkc mc:pokolo mc:pomvntoka.’

LU:KKC 6:37

“Kcbangcm momvnsuyoka, nolumsin kcbangcm moma:ycpc: aimang cmna lugc:yoka, nolumsin aimang cmna luma:ycpc; mc:yinsulangka, nolumsin mc:yinsuycpc; bilangka, odo cdcmv:pc nolumsin biycpc;

JO:N 21:22

Jisubv bvm lubito, “Cdcm mc:mvlo bv dungka:lang ngok gvlatkuma:sisscm, cdc nokkcpc kapc idang? Ngok lcdulo gvmvntok!”

JO:N 21:23

Bvrrang kvdv:dok ara:lo cdc agomdc cdc ngombungkang jc cdc agom tadjvgla gvmvnna gvnc tani:dc sima:yc; cmpige:la Jisubv bvm lumangai jc bv sipcma:namc, cmpige:la, “Cdc ngok mc:namkomvlo bv ngo gvkuma:sisscm du:mvlo, cdc nokkcpc okopc iycn?”

JO:N 5:44

Nolu kapc mc:jvgycn, sc:kobv akon akonnokkcm aidag cmnamcm mancdcm odokkc Ru:ncpvnckolokkc gvinc aidag cmnamdcm mama:ncdcm?

ROMANKVDVNG 14:4

No sc:kobv:n amikc ager gerya:nckoncm aidag aimang cmna lupcncdc? Cdc bvk avkc ru:tumdok kcra:do:mvn bv dagdo cdcmanggom otabdo. Odokkc bvm bottcmoyc, kapila:nc Ru:tumdc bvm dagmola:dag.

ROMANKVDVNG 2:1

Cdcmpidag nolum mcma:yc, C:i taniya, no sc:kovcidaggom, cdvlo no sc:koiycm kcbangcm ba:doji; kapila:nc bvm kcbangcm ba:dodcm no avycm avyc aima:nc cmna lukesuto, kapila:nc, kcbang ba:nckvdv:dc, cdc agerv:dcm ila dung.

ROMANKVDVNG 2:16

ngok tadponc agomdcmpc, Ru:ncpvncbv tani:lok lc:sinam kvdv:dcm kcbangcm Kristo Jisukkokki ba:dag.

ROMANKVDVNG 2:29

Bv Jiwuyc sc:kobv arang arangbokkcji, odokkc aroru:pc gadpuknamdc asin ara:bok agomcmvn, yalodokkc odokkc lukam lukamardcmpcmang. Bvk lubondc tani:kvdv:dokkcmang cmpige:la Ru:ncpvnckolokkc.

ROMANKVDVNG 2:7

ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;

1 KORINTIANG KVDVNG 1:7

ja:te cdcmpinamc nolu yalodok amanno okodo:sinci pv:rammang, nolu ngoluk Ru:tum Jisu Kristokc kapc toya:la du:ji du:tvla;

1 KORINTIANG KVDVNG 11:16

Sc:kai akonc pamvnsupc cmna mc:yc, ngolu oko iyit-gvyitkodasin torvgsumang, cdcmanggom Ru:ncpvnckc mondoli:dc:sin.

1 KORINTIANG KVDVNG 11:26

Kapila:nc cddvko mc:na:-mcna:pc sc pita:scm doycnc odokkc ko:pscm tv:ycnc, nolu Ru:tumkc sinamdcm lutadbido Bv gvlatkuma:dodo:pc.

1 KORINTIANG KVDVNG 15:23

Cmpige:la appvngcm bvkkc bvkkc lukamdcmpc:--Kristobv e:pongarnc a:yckvdv:dokkc, odokkc Bvk gvdokudodo cdc sc:kobulu Kristokcpc inckvdv:dc.

1 KORINTIANG KVDVNG 3:13

vsvngkokki, sannc ncsinkokki, amrongkokki momvlo– tani: appv:dok agerkvdv:dcm ka:begamycku; kapila:nc cdc Longcdc cdcm lenapmoycku, kapila:nc cdcm vmvkokki romnenamycku, odokkc vmvdc ukka:la ka:ycku kapinc agercm sc:ko sc:ko gerkaji.

1 KORINTIANG KVDVNG 3:14

Mogablvgkodo tani:konc agerdcm gergablvgmvlo du:tvyc, bv amanko pa:ycpc.

1 KORINTIANG KVDVNG 3:8

Sc:kobv ledagji odokkc sc:kobv asscm pvlvgdagji c:mo:pidag; odokkc anyipakdc gerrcdcm pa:yc bvk ager gernamdcmpc,

2 KORINTIANGKVDVNG 10:18

Kapila:nc cdc avdcm avyc bottapc lusuncdcmmang torvgsunamdc, cmpige:la Ru:tumbv aidag cmna lunamdcmmvn.

2 KORINTIANGKVDVNG 10:9

Ngo nolum ngok do:jvg-kvdv:sokki pcsomoma:dopc ka:dung.

2 KORINTIANGKVDVNG 4:2

Ngolu anyv:pcnam, lc:sila gernam lambckvdv:dcm mcpagamtobong; ngolu Ru:ncpvnkc agomlo aima:n agercm cdcmanggom lutcmlubangcm luge:ma:bong cmto cmpige:la aropc lunam mo:rong agomdokki ngolu av avyc appvng tani:lok mc:nam sagnamcm aidag cmna Ru:ncpvnckc kangkolo luyc.

2 KORINTIANGKVDVNG 5:10

Kapila:nc ngolu Kristokc kcbang bangko tedkodo appvngc aincmnang aimangcm pa:ycpc, bv okkom amvrki ikaji cdcmpc.

1 TISSALONIANG 5:2

Kapila:nc nolu av avkvdv:dc kinsudag aiyo:pc jc Ru:tumkc longcdc pvngayc yummcm dopsongko gva:nammcmpc.

HIBRIUKVDVNG 4:13

Odokkc Bvk kcra:lo oko ru:namcsin lc:sisula:mang, cmpige:la appv:dc moge:nammc odokkc Bvk amiglo ka:de:pc lc:tag okodokki ngolu ipcnammcji.

JAKOB 4:11

Akonc akoncm aima:nc agomcm luka:mvnsuyoka, bvrokvdvnga. Bvrrang akoncm aima:pc luka:mvnsunamdc cdcmanggom bvk bvrodc kcbangcm ba:yc, lujvg lurodok birudi:pc ludo odokkc lujvg lurodcm kcbangcm ba:do. Cmpige:la nolu jodi lujvglurodcm kcbangcm ba:do, nolu lujvglurodok lukampc agercm gerncmang cmpige:la kcbang ba:nckodan.

JAKOB 5:7

Menrasula du:toka, cdcmpidag, bvrokvdvnga, Ru:tumkc gvdoku longcdo:pc. Ka:toka, mo:pvsokkcm airu:pc arckanc a:ycm pa:yc cmna arvg inckvdv:dc, cdc opongarnc odokkc lcddarkc pcdo:dc oma:sisscm menrasula toya:la du:dopc toya:la du:do.

JAKOB 5:9

Jcngka:mvnsuyoka, bvrrangkvdvnga, akonkc birudi:pc akonc, jen nolum kcbangcm ba:ma:ycpc; ka:toka, kcbang ba:ncdc yabgo kvdv:do dagla dung.

1 PITOR 1:7

cdcmpc jc noluk mc:jvgdok mc:jupmcngkamdc, avncmyam arc kaya:dag okodcm jitpakpcnc daggom vmvlo romka:dagji, aipai binapc lenycpc odokkc amin gvnamdc odokkc mcnggcnamdc Jisu Kristokc lendokudo mcnggcycpc.

1 PITOR 5:4

Odokkc cdvlo cdc Me:r soben kanggabncdok bottarya:ncdc lcngkansuycnc nolu cdvlosin yogma:nc amin gvnc dumlupdcm pa:yc.

2 PITOR 3:12

toya:la odokkc mcnka:mvnsula Ru:ncpvnckc angkupcnc longcdcm, kapila:nc okodok lcga:dokki taycng kvdv:tcm monotyc odokkc momvgla jitpakmoyc, odokkc dungabla ncrkvgpc du:nckvdv:dcm vmvki jitpagammoyc!

2 PITOR 3:4

“Bv gvkunamdok pesubinamdc okolon? Cmna lula: lula, kapcnc cdvlokkcbong abukvdv:dc singapka:ji, appvng attarkvdv:dc cdcmv:pc itvla dung kapc cdcbulu ru:lendodokkc idagaji.”

JU:D 1:14

Cdc odogbulungvngkai jc Inosbv Adamkolokkc kvnvd opvndo scmpc lula, lungorlubika, “Ka:toka, Ru:tumbv Bvk appvng kvla kvngapla:ma:nam kokki kcbangcm bangkakupc gvka,

LUNGOR LUNAM 1:7

Ka:toka, Bv mukka:lo gvdoku odokkc appvng amigc Bvm ka:begyc, Bvm pvtkenc appv:dc; odokkc mo:pvso appvng opvnc Bvk lcgang v:tombangki:la kabycku. Cdc cdcmv:pc iyc. Amen.

LUNGOR LUNAM 20:12

Odokkc ngo adji:nclang bottcncm, sinckvdv:dcm ka:begto, migom tedko kcra:do, odokkc potinkvdv:dcm tamge:dopc. Potin borkonkoda tamge:to, okodc turnckvdv:dok potindc:ji. Odokkc cdc sinckvdv:dcm kcbangcm ba:to okodcm potindo attagji, okodcm bulu gerkaji.