1 KORINTIANG KVDVNG 4:12 - ANU LUGOD N. T. (BSI)

¹² odokkc ngolu agercm gerdung, ngoluk avkc alakkokki gagsula. Cdvlo aisi:ma:pc ludoji, ngolu akirba:dcm bido; cdvlo irvsinyom idoji, ngolu mentumsula du:do:

1 KORINTIANG KVDVNG 4:12 ပူးပေါင်းရင်းမြစ်များ

1 PITOR 3:9

Aima:nc ager gernam lcgangc aima:nc agercm germvnsuyoka cdcmanggom ge:la lunam lcgangc ge:namcm; cmpige:la cdcmyam akirba:d bitoka, kapcnc odok lcga:pc nolum gogto, jen nolu akirba:dko pa:ycpc.

METIU 5:11

“Nolum aipc luitpcnamc cdclo tani:kvdvngc nolum ngok lcgangc luka:la luycnc, ipusire:la iycnc odokkc lume:pc appvng aima:nc agomcm jc:la luycnc odo.

ROMANKVDVNG 12:14

Sc:kobulu nolum ipusire:ycm idagnc bulum akirba:d bilangka; aipai bilangka cmpige:la bulum pelvgyoka.

ROMANKVDVNG 12:20

Ma: cddo:mang, “nok mirudc kcno:dagmvlo, bvm tv:namko bitoka; kapila:nc no cdcmpc imvlo bvk tukkudok ugla du:nc vrga:nc mcrudcm gingkumsula lc:yc.”

AGER KVDVNG 18:3

odokkc bv c:mo:pinc rcnam-konam ager gerla:yam buluk lcdulo bv du:mvnto, odokkc bulu agercm gerto, kapila:nc bulu rcnam-konam agerlok bulu tombu omnai.

LU:KKC 6:28

sc:kobulu nolum aisi:ma:nc cmna ludagnc buluk lcgang kumnang.

1 PITOR 3:14

Cmpige:la jodi nolu dormokanam lcgangc geryc, nolu akirba:d pa:ncpc iyc. Nolu bulum pcsola kcngcrcjayok, cdcmanggom mc:dvrmc:so:la ogo:suyok,

1 PITOR 2:23

Cdvlo Bvm aima:pc lutoji, Bv tu:latsula aima:pc lutomang; cdvlo Bv ipusire:ko pa:toji, Bv pcsodopc momvgmangai, cmpige:la Bvm Bv mc:jvgto sc:kobv aipc kcbangcm ba:toji.

LU:KKC 23:34

Odo Jisubv luto, “Abba, bulum mc:yinsutoka; kapila:nc okkom idu:song bulu kinmang.” Odokkc bulu Bvk gcnam attarkvdv:dcm orpansupc cmna ko:riycm crto.

METIU 5:44

Cmpige:la ngo nolum ludung, noluk ka:ruka:mangcm aya:mvnsulangka odokkc sc:kobulu nolum ipusire:la idagnc buluk lcgangc kumnangka,

AGER KVDVNG 7:60

Odokkc bv lcbvng tumangge:la bottcru:pc jc:la luto, “Ru:tuma, sc pa:pscm buluk aminno adlvgyoka.” Odokkc bv cdcm lunamci, bv migjcmkang.

JO:N 15:20

Ngok nolum lunam agomkvdv:dcm mcpa:lang, ‘Ager gerya:nc tani:konc bvk ru:tumdcm bottaya:mang.’ Bulu ngommci ipusire:ycm itomvlo, bulu nolum ipusire:ycm iyc; bulu ngok agomcm tadgabla lc:mvlo, nolukkcmsin tadgabyc.

JU:D 1:9

Cmpige:la cdvlo ru:tum taycng lutad lunc Mikaelbv aima:nc uidokki pa:pc cmna rotka:mvnsutonc, Mosc:kc sima:dok lcgangc pamvnsula, bv aima:pc luka:mvnsunam kcbangko bvm ba:pc cmna mcngka:la ka:no:mangai, cmpige:la luto, “Ru:tumbv nom ge:dag.”

1 TIMOTI: 4:10

Kapcnc su:paklo:pc ngolu agercm gerdung odokkc kvnggv:pc ankvla ka:dung, kapcnc ngolukkc ngoluk mc:tincm turla du:nc Ru:ncpvnckolo mc:tintung, sc:kobv tani:appv:lok Moturncji, anggo-scscmpc cdc sc:kobulu mc:jvgdagji.

2 TISSALONIANG 3:8

ngolu lo:si lo:bagmangai, ngolu sc:kok pitangcmsin rcma:pc dobimangai, cmpige:la kvnggv:pc mc:dapla gerla odokkc ila:-sa:la ngolu yummcmna longgcm gerto, odojc ngolu nolum sc:komsin bvjcmpcnnampc ipcma:dopc.

1 TISSALONIANG 2:9

Kapcnc nolu ngoluk ager gernamclang kvnggv:pc ager gernamcm kindag, bvrokvdvnga; ngolu yummcmnang longgcm agercm gerto, odomvlo nolukkolok sc:komsin jo:namko jo:dopc ima:dopc, cdvlo ngolu Ru:ncpvnckc tadponc lutaddcm nolukkolo lubitoji.

1 KORINTIANG KVDVNG 9:6

Cdcmpcmanggom cdc Barnaba:bv:lang ngowo:ma:lang sckkc turra du:pc ager germa:pc du:namc du:la:nammc kama:nc?

AGER KVDVNG 20:34

Nolu avdc av avkvdv:dc kinsudag jc sc ngok alagsc ngoluk manam kvdv:dcm la:lenamto, odokkc cdcm ngok lcdulo du:mvnnc kvdv:dok lcgangc.

1 PITOR 4:19

Cdcmpidag Ru:ncpvnckc mcngkampc cdc sc:kobulu du:gcm gvdonc ainc agercm imotoka odokkc buluk atmang kvdv:dcm mc:jvgnc Ru:ncmc tosv:lvgtoka.

ROMANKVDVNG 8:35

Ngolum sc:ko Kristokc aipc mc:namdokkcm la:pansula:ycn? Asin mc:dvrc la:pansuycnc, cdcmanggom ipusire:yc cdcmanggom mogvtomomatnammc, cdcmanggom dobegtv:begma:namc, cdcmanggom gcbeg bombegma:namc, cdcmanggom sipcturpcnammc, cdcmanggom madsvgc?

2 KORINTIANGKVDVNG 11:8

Ngo amikc mondoli:ycm rotkutka bulukkolokkcm idumsunamcm torvgsuge:la nolum ka:nam lcgangc.

IPESIANG KVDVNG 4:28

Dopso:dcm dopso:moyobongka, cmpige:la cdcmyam bvm agercm germotoka, bvk alakdokki ainc agerko imola, odomvlo jen bv cdc sc:kobulu modagji bisula:ycpc.