1 KORINTIANG KVDVNG 3:10 - ANU LUGOD N. T. (BSI)

¹⁰ Ngom Ru:ncpvnckc ayangabbom bikamdcmpc, aipc kangkanpc mojo:nc okum monncmpc ngo mosangkoko mogablvgto, odokkc akon tani:konc odok taycdo mosetdung. Appvng tani:ycm bvkkc bvkkc monamcm ka:sv:sumotoka.

1 KORINTIANG KVDVNG 3:10 ပူးပေါင်းရင်းမြစ်များ

1 KORINTIANG KVDVNG 3:11

Kapila:nc oko mogabnamdcm mosa:tobo:ji odokkc angupc sc:kosin oko mogabkowcmsin mogabla:mang okodcm mogabtagbo:ji cdcm angupc, okodc Jisu Kristobv:ji.

IPESIANG KVDVNG 2:20

mclvgla ager germonam odokkc lungor lunckvdv:dok tayclo mosa:nammc, Kristo Jisubv avdci su:kdok vlv:pc ila:yam,

ROMANKVDVNG 15:20

cdcmpidag tadponc lutaddcm lugo:pc ngok owudpc mc:la gerpvtpc cmna mc:la, okolo Kristomc amincm mintoji odoma:pc,

METIU 24:45

“Sc:kon cmpcmvlo mc:dapnc odokkc kinnc ager gerya:ncdc, sc:kom bvk ru:tumdc bvk okumcra:d togc:lvgtonc, buluk apincm dodvdo bidopc?

LUNGOR LUNAM 21:19

Bare:dok mosa:namkvdv:dc nogor dokkc appvng mukutangkokki mobulvgnamai; cdc mopongarnamdc dognc do:nycmpc dornai, akondc kvnggv:pc arc kanc genc dognckai, awumdc arc kanc ta:m dogncki, appi:dc genc vlvngki,

1 KORINTIANG KVDVNG 9:2

Ngo amikcpc mclvgla ager gerncmanggom, cmmangargom nolukkcpci ngo ido; Kapila:nc nolu ngok mclvgla ager gernam aminnok Ru:tumkolo tubojedc.

METIU 7:24

“Appvngc cdcmpila sc:koi sc ngok agomkvdv:scm taddonc oddokkc cdcmbulum lukamdcmpc agercm gerdonc cdc kinncpa:nc tani:koncmpc iyc sc:ko bvk okumdcm rakud adi: taycngkolo modagnc;

1 PITOR 4:11

sc:kobv agom ludonc, kapc akonc Ru:ncpvnckc gombug bukkampc; sc:kobvi agercm gerbidonc, kapc akonc gergabbomdonc tornamki okodcm Ru:ncpvncbv bidonc; cdcmpc ipc jc appv:lo Ru:ncpvncmc Jisu Kristokokki amin gvmoycpc. Bvkkcpc amin gvnamdc odokkc migomdonamdc lo:dv longkvpc dungka:langka. Amen.

2 TIMOTI 2:15

Noluk aiyanggerncm gertoka nolu avyc avycm Ru:ncpvnckolo tolvgnam akoncmpc, ager gerncko sc:kobv anyi:supcnammc kama:dopc, aropc aro agomdcm gagdopc.

KOLOSIANG 4:17

Odokkc Arkipu:mc lulang, “Ka:langka jc nolu migom agerdcm gerpvnnang okodcm Ru:tumkolokkcm nolu pa:toji.”

ROMANKVDVNG 12:3

Kapila:nc ngom binam ayangabodokki nolukkolok appvngcm lulvgko lulvgdung av avyc cddvko mc:pcnammcji cdcmyam mc:ya:ma:dopc, cmpige:la mc:jupmcngkabo:pc kcbangcm ba:la mcdopc, appvngcm Ru:ncpvncbv bvm mc:jvgcm mc:monam mc:dopc binamdcmpc.

ROMANKVDVNG 1:5

sckkokki ngolu ayangcm pa:toji odokkc appvng ope:lo:pc bvk amin lcgangc mc:jvgdok lukampc gvdopc mclvgla ager gerncpc ila lubidopc,

AGER KVDVNG 18:27

Odokkc bv cdvlo Akkaia:dop kongko:pc cmna mc:to, bvrrangkvdv:dc bvm lusv:lvgto, odokkc agom tadjvgla gmvnnckvdv:do:pc bvm torvgsudopc adlvgto. Cdvlo bv gvpv:toji, sc:kobulu ayangkokki mc:jvgtoji bv aipakpc ka:dumsuto;

LU:KKC 11:35

Cdcmpidag ansulangka ckvma:mvlo nokkolo du:nc pva:dc kcmoyc.

JAKOB 3:1

Nolukkolok bojcrungcm poyirncpc ingapmoyoka, ngokkc bvrokvdvnga, kapcnc nolu kindag jc ngolu sc:kobulu poyirdonc kvnggv:pc ncrgabla ngolum kcbangcm ba:ycku.

1 TIMOTI: 4:16

No avyc-avycm ansulangka odokkc nok poyirnam kvdv:dcm; cdcmbulum gagbomna du:toka, kapcnc cdcmpc itvla du:la no avyc motusuyc odokkc tadnckvdv:dcmsin.

KOLOSIANG 1:29

Kapcnc scm ngo du:g gvla gerdung, appvng bo:lki anla ka:dung okodcm bv ngom kvnggv:tarv:dopc mca:lvgla bitu:ji.

ROMANKVDVNG 15:15

Cmpige:la agom asudkolok lcgangc ngo nolum adtung mc:pa:mokunam lambcki airu:pc migang ga:la adto,

LU:KKC 21:8

Odo Bv luto, “Nolumjen gvyodla gvbopckc ansutoka; kapila:nc bojcrungc ngok aminno scmpc lula: lula gvyc, ‘Ngo Bv!’ Odokkc ‘Ayirdc aninpc pvnga:dandu:bong!’ Buluk lcdulo gvyoka.

LUNGOR LUNAM 21:14

Odokkc nogordok bare:dc mogablvgnamc vyvngkolang anyiko dungai, odokkc odobulu Awome:r sobendok vyvngkolang anyi mclvgla ager germonam kvdv:dok amincm adlvgtungai.

2 KORINTIANGKVDVNG 10:15

Ngolu lutcr kama:pc bottcpc lusumang, angu amilok ager gernamlo; cmpige:la ngoluk mc:tindc scmpc jc noluk mc:jvgdc mc:jvgbarycpc, ngoluk ager gerkodc noluk ara:do kvnggv:pc bottala gvycpc cmna,

1 TISSALONIANG 3:2

odokkc ngolu Timoti:mc mclvgto, ngoluk bvrodcm odokkc Ru:ncpvncmc ager gerya:ncdcm Kristokc tadponc lutaddo, noluk mc:jvglo nolum mcjv:sudopc odokkc nolum lusv:mosv:pc,

2 PITOR 3:15

Odokkc ngoluk Ru:tumkc mentumsula du:tedpo:la du:namdcm mopvnammc cmna kvlangka. Cdcmv:pc ngoluk aipc mc:bomsunam Bvro Poulbv:sin nolukkolo:pc bvm kinnam agom binamdcmpc adka,