1 KORINTIANG KVDVNG 2:12 - ANU LUGOD N. T. (BSI)

¹² Su:pak ngolu rcngamsok yalodcm pa:mang, cmpige:la cdc Yalodcm okodc Ru:ncpvnc kolokkcji jen odomvlo ngolu Ru:ncpvnckokki ngolum binam amankvdv:dcm mcngkinycpc cmna.

1 KORINTIANG KVDVNG 2:12 ပူးပေါင်းရင်းမြစ်များ

1 JO:N 2:27

cmpige:la nolu Bvkkolok oko yonnvgnamdcm pa:tonc nolukkolo du:tvmvnyc, odokkc nolukkc manam kama:yc jc nolum sc:kosin poyir pcnam kama:yc; kapc Bvk yonnvgnamdc nolum appvng agomcm poyirdagnc, odokkc cdc arro, odokkc poyirtonc, Bvkkolo du:mvntoka.

1 JO:N 2:20

Cmpige:la nolu Angunnc Akodokki yontobong, odokkc nolu appvngc kindag.

ROMANKVDVNG 8:1

Cdcmpila odo kcba:ba:la mokenammc kama:bong cdc sc:kobulu Kristo Jisukolo du:ji.

2 KORINTIANGKVDVNG 4:4

Buluk agomdo sc mo:pvsok uidc mc:jvgma:nckvdv:dok asinkvdv:dcm migluammoto, bulum amin gvnc Kristokc tadponc lutaddcm kamoge:mang cmna, sc:kobv Ru:ncpvncbv kapc idagji cdcmpc incdc.

JAKOB 4:5

Cdcmanggom cdcm nolu mcngka:la ka:donci jc astro:dc arusu:ma:pc lutag cmna, “Bv ka:ruka:ma:la ngoluk ara:lo yalodcm du:motung cmna?”

ROMANKVDVNG 8:32

Sc:ko Bv Bvk avkc Awodcm cmmumpc mctoma:ji cmpige:la ngoluk appvngkcpc bipaktonc, Bv ngolum appvng attarcm Bvkkokki bima:yclang?

LUNGOR LUNAM 22:6

Odokkc Bv ngom luto, “Sc agom kvdv:sc mc:jvgpcnamc odokkc arro. Odokkc Ru:tumbv, yalokvdv:dok odokkc lungor lunckvdv:dok Ru:ncpvncbv, Bvk ager gernckvdv:dcm okodc lomdanna lenpcru:nammcji lcngkanpc Bvk taycng among lutad lunckvdv:dcm mclvgtag.”

1 KORINTIANG KVDVNG 3:22

Kapila:nc appvng attarkvdv:dc nolukkc, Poulbv:dagbai Apollo:bv:dagbai; cdcmanggom Kepa:bv:daggomba: mo:pvsc cdcmanggom turnamsc cdcmanggom sinamc cdcmanggom silomclo cdcmanggom ro:yampo, appv:dc nolugongkc;

IPESIANG KVDVNG 2:2

Sc mo:pvsok rcngam gvkolo gvmvnka, csardok migom awodok ilang-gvla:dok gvkolo gvmvnka, cdc yalodc su:pak agercm idung lunam tadma:nckvdv:dok aowangkvdv:dok ara:lo.

1 KORINTIANG KVDVNG 2:6

Ckvdaggom sv:batsunckvdv:dok ara:do ngolu kinnam pa:namcm cdcmanggom sc rcngam ayirsok migomdonckvdv:dc, sc:kobulu siycrung cmna pelvgnammcji.

1 KORINTIANG KVDVNG 1:27

ckvdaggom Ru:ncpvncbv okodc monba:ba:ncji cdcm ballenna la:to kinncpa:nc kvdv:dcm anyi:sumopc cmna, Ru:ncpvncbv okodo ilang gvla:modagji rcngamso balenna la:to ilang gvla:nckvdv:dcm anyi:sumopc cmna,

LUNGOR LUNAM 12:9

Odokkc cdc bottcru:nc alapkanc tabvdcm crpakletto, cdc leke:to:dvkc tabvdcm, okodcm Uiyc odokkc Satanc cmna ludagaji, mo:pv appv:sok yadgo:ncdc bvm mo:pvso:pc crpakletto, odokkc bvk taycng lutadkvdv:dcm bvk lcdulo crredtc:mvnto.