1 KORINTIANG KVDVNG 2:10 - ANU LUGOD N. T. (BSI)

¹⁰ Ru:ncpncbv ngolum Yalodokki lcngkanto. Kapila:nc Yalodc appvngcm mago:dag, Ru:ncpvnckc orv:nc agom kvdv:dcmci.

1 KORINTIANG KVDVNG 2:10 ပူးပေါင်းရင်းမြစ်များ

JO:N 14:26

Cmpige:la cdc Luyirncdc, Angunnc Yalodc, sc:kom cdc Abudc ngok aminno mclvgycnc, bv nolum appvng agom luyiryc, odokkc ngok lunam agom appv:dcm nolum mc:pangammoycku.

IPESIANG KVDVNG 3:5

Okodcm tani: awokvdv:dcm kinmomangaji ake opvn kvdv:dcm kapc su:pak cdcm Bvk angunnc mclvgla ager germonam tani:kvdv:dcm lungor lunckvdv:dcm Yalodokki lcngkantoji;

LU:KKC 10:21

Odo ayirdo Bv angunnc Yalodokki mc:pokang odokkc luto, “Ngo nom aipai bidung, Abba, taycng amongcla: mo:pvsok Ru:tuma, no sc agomkvdv:scm kinnc-pa:nc kvdv:dokkcmlang mcngkinnc kvdv:dokkcm lc:suto odokkc kowawkvdv:dcm lcngkan to; c: Abba, kapila:nc cdcmpinna:ncna nok aipc mc:namdok mcngkamdc.

IPESIANG KVDVNG 3:3

Kapc mcngapla:ma:namdcm ngom kinmotungaji kangor ka:namki, kapc ngo andc:pc adtoji.

GALATIANG KVDVNG 1:12

Kapila:nc ngo cdcm tani:lokkcm pa:mangai, cdcmanggom cdcm ngo poyirmangai, cmpige:la cdc Jisu Kristokc lungor lunamkokki pv:do.

METIU 16:17

Odokkc Jisubv bvm luto, “No aipai pa:nc, Simon Bar-Jonanga! Kapila:nc i:adinki cdcm nom lukanbimang, cmpige:la taycngamo:tok ngok Abubvc: lumoto.

METIU 13:11

Odokkc Bv bulum lubito, “Nolukkcpc taycng amo:tok migom mo:pvdok lc:sula lc:nam agom kindopc lubitagbong, ckvdaggom bulum cdcm bima:da.

JO:N 16:13

Cdvlo arodok yalodc gvycnc, Bv nolum appvng arodo:pc gvyirboyc; kapila:nc Bv avkc ilang gvlangkokki agomcm luma:yc, cmpige:la oko okkomci tadycji Bv luyc, odokkc Bv nolum a:pcnc atv agomkvdv:dcm lukanna lubiyc.

1 PITOR 1:12

Cdc bulukkcpc lcngkansukang jc bulu av avkc lcgangc agercm gersumangai cmpige:la noluk lcgangcmvn, cdcmpinc agerkvdv:do okodcm nolum su:pak lu tadla lubitagbo:ji cdc sc:kobulu tadpon lutaddcm lubitoji nolum Angunnc Yalodokki tayc:tokkc mclvgla, oko agomkvdv:dcm taycng lutadkvdv:dc ka:lv:la dungai.

1 JO:N 2:27

cmpige:la nolu Bvkkolok oko yonnvgnamdcm pa:tonc nolukkolo du:tvmvnyc, odokkc nolukkc manam kama:yc jc nolum sc:kosin poyir pcnam kama:yc; kapc Bvk yonnvgnamdc nolum appvng agomcm poyirdagnc, odokkc cdc arro, odokkc poyirtonc, Bvkkolo du:mvntoka.

1 KORINTIANG KVDVNG 2:11

Kapila:nc oko amidc tani:akolok mc:namcm kindon tani:dok bvk ara:bok du:nc yalodcwongma:mvlo? Cdcmv:pc Ru:ncpvnckc mc:namsagnamdcm sc:kosin mingkinmang Ru:ncpvnckc yalodcwongma:mvlo.

1 JO:N 2:20

Cmpige:la nolu Angunnc Akodokki yontobong, odokkc nolu appvngc kindag.

1 KORINTIANG KVDVNG 14:30

Lcngkannamko jodi kcra:dok du:nc ako lcngkantomvlo, dunga:po:ncdcm aso:pc du:motoka.

LU:KKC 2:26

Odokkc Angunnc Yalodokki bvm lcngkantungai jc Ru:tumkc Kristomc ka:ma:sisscm bv sinamcm sima:yc.

LUNGOR LUNAM 1:1

Jisu Kristokc lungor lukannamdc, okodcm Ru:ncpvncbv bvm bitungaji Bvk ager gerya:nc kvdv:dcm lcngkanpc okodc mcna:pc lenycru:ji; odokkc Bvk ager gerya:nc Jo:nkolo:pc mclvgla:yam, Bvk taycng among lutadlunckvdv:dcm Bv cdcm kinabmoto.

1 TIMOTI: 4:1

Su:pak Yalodc lulendanna ludag jc lcdukc ayirkvdv:do akke mc:jvglokkc gvpakycku yadgo:nc yalokvdv:dok agomcm tadla odokkc uikvdv:dok lukamcm orv:n ncrkvg agomkvdv:dcm tadla,

LUNGOR LUNAM 2:24

“Cmpige:la Tiatira:dok nolu akedo:pc, sc:kobulu sc poyirdcm gagla du:ma:nc, sc:kobulu poyirsuma:nc okodcm Satandok orv:nc ager cmna ludagnc, nolukkolo:pc ngo ludung, ngo nolukkolo atv angu jo:namko jonggclvgmang;