1 KORINTIANG KVDVNG 16:13 - ANU LUGOD N. T. (BSI)

¹³ Ansula du:langka, noluk mc:jvgnamno kvnggv:pc du:la daglangka, asin pvtalangka, torlangka.

1 KORINTIANG KVDVNG 16:13 ပူးပေါင်းရင်းမြစ်များ

IPESIANG KVDVNG 6:10

Lcddarpc, Ru:tumkolo kvnggvngtarv:toka odokkc bvk tornamlo ilang gvlangkokki.

1 KORINTIANG KVDVNG 15:58

Cdcmpidag, aipc mc:bomsunam bvrrang kvdvnga, mcmang ke:ke:pc du:tok, cngunma:pc, lo:dvscm Ru:tumkc agerlo gertvla, kinnang kinna jc Ru:tumkolo noluk ager gernamdc cmmumpc gvma:yc.

GALATIANG KVDVNG 5:1

Kapila:nc ami kcvglo du:ma:nam lcgangc Kristobv ngolum motuto; kvnggv:la du:toka cdcmpidag, odokkc pagbolok jungoli:lo tuogsuyoka.

PILIPIANG KVDVNG 4:13

Bvkkolo ngo appvng agercm gerra:dag sc:kobv ngom kvnggv:modagji.

2 TISSALONIANG 2:15

Cdcmpila odokkc, bvrokvdvnga, kvnggv:la du:toka odokkc itcng-gvtcngcm gagtvla du:toka okodcm ngolukkokki nolum luyirbitungaji, agomkokki cdcmanggom nappangkokki cdcmanggom do:jvgkokki.

PILIPIANG KVDVNG 1:27

Ngoluk turnamlok inamsa:nam kvdvngo:dcm Kristokc tadponc lutaddok arckamotoka, odomvlojen ngo gvla ka:do cdcmanggom du:manggom, ngo noluk agomcm tadbegycpc jc nolu yaloakko:lo kvnggv:la dagdo, asin akkongki tadponc lutaddok mc:jvgdok lcgangc atakkolo:pc,

1 PITOR 5:8

Asinc agamnangka, ansula du:langka. Noluk miru uidc ngvrgo:nc inggompc, sc:kaiycm gampc ngvrgo:la dung.

PILIPIANG KVDVNG 4:1

Cdcmpidag, ngok bvrokvdvnga, sc:kobulum ngo aipc mc:donc odokkc asinang ola du:nc, ngok mc:pobadnamc odokkc migom dumlubc, Ru:tumkolo kvnggv:pc ngok mc:bomsunamkvdvnga dagtoka.

1 TISSALONIANG 3:8

Kapila:nc ngolu su:pak turdo, nolu jodi Ru:tumkolo cngunma:pc du:yc.

2 TIMOTI 4:7

Ngo bottarya:n mimagdcm moto, ngo dugnamdcm dugamto, ngo mc:jvgdcm mc:tvto.

2 KORINTIANGKVDVNG 1:24

Cdc cdcmang jc ngolu noluk mc:jvgdok tayc:do ru:tumpc imang; ngolu noluk lcdulo agercm gerto noluk mc:ponam lcganc, kapila noluk mc:jvglo nolu kvnggv:la dung.

METIU 26:41

Darra du:toka odokkc kumtoka nolum unkang ka:namc pa:ma:dopc; asindc aropakpci du:lvdag, cmpige:la adindc rcmakdag.”

KOLOSIANG 4:2

Mcmangke:ke:pc kumtvla du:langka, aipai binamdcm bitvla;

1 PITOR 4:7

Appvng attarlok du:tcrdc pvnga:dandu:bong; cdcmpidag noluk kumnam lcgangc mcngkintvla odokkc mc:jupmcngkapla du:langka.

1 TIMOTI: 6:12

Ainc mc:jvgdok lcgangc silvg-siya:la mc:toka lo:dv-longkvpc turnamdcm gagtvla du:toka okodo:pc nolum gogtoji cdvlo no ainc lude:sunamdcm bojcrung lukanbinclok kcra:lo lusukaji.

1 KORINTIANG KVDVNG 14:20

Bvrrangkvdvnga, noluk asinc ko:ka:pc iyoka; aima:nc agerlo onam kowawpc ilang, cmpige:la mc:namsagnamlo sv:titsunncmpc itoka.

KOLOSIANG 4:12

Ipapra:bv sc:kobv nolukkologvng akoncji, Kristo Jisukc pagbo akoncji, nolum kumtadsudag, lo:dv:scm airu:pc bvk kumkolo mc:pa:la, jc nolu kinncpa:ncpc du:ycpc odokkc Ru:ncpvnckc appvng mcnggodlo pv:namkopc arro cmna mc:la.

2 TIMOTI 2:1

No cmpcmvlo, ngok aowa, aya:do kvnggv:toka cdc Kristo Jisukolo du:ncdcm,

KOLOSIANG 1:23

nolu mc:jvgla du:lvmvlo, du:tvla odokkc cngunma:pc du:la, tadponc lutaddok mc:tindokkc mcngcrma:pc nolu okodcm tadtoji, taycngamong kcyvgsok appvng ru:namcm okodcm lutadbitoji, odokkc okodokkcpc ngo, Poulbv, mclvgla ager gernc migom ager gerncpc ika:ji.

1 TISSALONIANG 5:6

Cdcmpidag kajc ngolu yubla du:yoka, kapc akke du:dagji, cmpige:la kajc darra du:lai odokkc asinc ansv:la du:lai.

IPESIANG KVDVNG 3:16

jen Bvk mitc-mircmdok amin gvnamdcmpc Bv:jen nolum tornamki kvnggv:modopc Bvk Yalodokki asin arangkc amibo,

LUNGOR LUNAM 16:15

(“Ka:toka, ngo dopsongkoncmpc gvdoku! Sc:kobv darra toya:la du:nc akirba:d pa:nc, Bvk gcnam attarkvdv:dcm gctvla odomvlo jen bv pvtsula gvma:ycpc odokkc ka:de:pc ka:begma:ycpc!”)

2 TIMOTI 4:5

Nokkcdan, lo:dcm du:tvdagtvncpc itoka, du:g-gvnamcm gvlangka, lutad lubinc tani:lok agercm gerlangka, nok migom ager gernamcm gerpvtlang.

LU:KKC 21:36

Ckvdaggom appvng ayirro ka:sula du:langka, nolujen cdc appv:dc lendodcm dugpvtsunanc tornamcm pa:dopc kumna du:langka, odokkc tani:kc Awodok kcra:lo dagkansula:dopc.”

METIU 25:13

“Darra toya:la du:lang cdcmpidag, kapila:nc nolu Longcdcm cdcmanggom ayirdcmsin kinmang.