1 KORINTIANG KVDVNG 16:11 - ANU LUGOD N. T. (BSI)

¹¹ Cdcmpidag sc:komsin bvm lupakmoyaka. Bvk lambclo mcnganpc bvm lommolang, bv:jen ngokkoso:pc gvlatyckupc; kapila:nc ngo bvm bvrrangkvdv:do dungkolo ka:lv:dung.

1 KORINTIANG KVDVNG 16:11 ပူးပေါင်းရင်းမြစ်များ

1 TIMOTI: 4:12

Nok ya:me sv:sangcm sc:komsin lupak-luyakkosuyok, cmpige:la mc:jvgnc kvdv:dcm agom lunamko odokkc du:nam-dagnamlok kanggotpc imotoka, aipc mc:namlo, mc:jvglo, angunno.

AGER KVDVNG 15:33

Odokkc bulu asudko du:namc, bulum bvrokvdv:dokki mcnganpc mclvgtoku sc:kobulu bulum mclvgtungaji.

TITUS 2:15

Sc appv:scm lutadgo:toka; luyirtoka odokkc ge:yirtoka appvng ilang-gvlangki. Sc:komsin nom lupakluyakkosuyok.

1 KORINTIANG KVDVNG 16:10

Timoti:bv cdvlo gvyckunc ka:langka noluk ara:lo bvm aikampopc du:molangka, kapila:nc bv Ru:tumkc agercm gerradung, ngok gerkampc kapc gerdu:ji.

1 KORINTIANG KVDVNG 16:6

odokkc ngo noluk lcdulo du:mvnciycsong cdcmanggom dvgvndo du:yc, odomvlojen ngok lambc gvdodcm lommoycpc, okolopci ngo gvycji.

3 JO:N 1:6

sc:kobv nok aipc mc:namdcm mondoli:do lukanbitoji. No bulum ainc agercm Ru:ncpvnckcpc geryc bulum gvmokunamdo.

1 TISSALONIANG 4:8

Cdcmpidag sc:kobv:i cdcm tadka:ma:ycnc, tani:ycm mcnggcma:pc imang cmpige:la Ru:ncpvncmcmvn, sc:kobv Bvk Angunnc Yalodcm nolum bitoji.

LU:KKC 10:16

“Sc:kobv noluk agom taddagji bv ngok agomcmsin taddag, odokkc sc:ko nolum lupaksuycji ngomsin lupakdag, odokkc sc:ko ngom lupaksudagnc ngom mclvgncdc sc:konc Bvm bv lupakdag.”

AGER KVDVNG 15:3

Cdcmpila, mondoli:dc bulum buluk lambcdo mclvgnammc, bulu Poenisiangdoklang Samaria:dok gvpatla gvto, Angu tani:kvdv:dcmsin asin mc:latsulangkula gvangkunamdok agomcm lubi lubila, odokkc bulu bvrrangkvdv:dcm kvnggv:pc mc:pom bito.

2 KORINTIANGKVDVNG 1:16

ngo nolum ngok Makedonia:pc gvdodcm gvka:la ka:lv:tagai, odokkc nolukkolo:pc Makedonia:dokkc gvlatlangkula odokkc ngok Judia:pc gvko lambcdok ngom gvlvgkosupc.