1 KORINTIANG KVDVNG 15:54 - ANU LUGOD N. T. (BSI)

⁵⁴ Cdvlo jitpakncdc jitpakma:ncdcm gcycnc, odokkc sikuncdc sikuma:ncdcm molvgsuycnc, odo okodcm adla lc:tu:nc cdc pvnga:yc: “Sinamcm mopvla mcpakto.”

1 KORINTIANG KVDVNG 15:54 ပူးပေါင်းရင်းမြစ်များ

LUNGOR LUNAM 20:14

Odokkc Sinamclang Uiamongcm siycngcmpinc vmv pa:ta:lo crpaklvgto. Cdcna lckon sikunamdc cdc siycngcmpinc vmv pa:ta:dc;

LUNGOR LUNAM 21:4

Bv buluk appvngkc amiglok migscm tidpagambiyc odokkc cdvlosin sinam kama:ycbong, cdcmanggom mc:dvr-mc:songc cdcmanggom kabnamc cdcmanggom kinamc cdvlosin kakuma:bong, kapcnc po:pckc attarkvdv:dc gvpagamkang.”

LU:KKC 20:36

kapila:nc bulum taycng among lutad lunckvdvngcla Ru:ncpvnckc ommang kvdv:dcmpc imotagbong.

2 KORINTIANGKVDVNG 4:11

Kapila:nc cdvlo ngolu turra du:donc ngolu lo:dcm sinamlo jen Jisukc turnamdc ngoluk sipcnc adinso lenycpc.

ROMANKVDVNG 2:7

ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc;

2 TISSALONIANG 1:10

cdvlo Bv gvyckunc odo longcdo Bvk aipc mc:namkvdv:dok ara:lo amin gvycji, odokkc mcngapla:ma:pc appv:lo ikakupc sc:kobulu mc:jvgtonc, lcga:dc ngoluk nolukkolo lukanbinamdcm mc:jvgto.

ROMANKVDVNG 8:11

Bvk yalodc sc:kobv Jisumc sikolokkcm turmotokuji nolukkolo du:mv-dagmvlo, sc:kobv Jisumc sikolokkcm turmotokuji noluk sikunc amvrkvdv:dcmsin turnamcm Bvk Yalodokki biyc okodc nolukkolo du:do dagdoji.

ROMANKVDVNG 6:12

Cdcmpidag pa:bcm noluk mo:pvsok amvrdo migomdomoyoka, nom buluk aima:-si:ma:pc mc:nam kvdv:dcmpc ila taddopc.

ROMANKVDVNG 1:23

bulu okkomsin kinma:ncpc ikang, odokkc cdvlosin sima:nc Ru:ncpvnckc amin gvnamdcm sinc tani:lok moimangcmpinc gcsunckokki bikonsuto cdcmanggom pcttangkokki cdcmanggom simvnkvdv:dokki cdcmanggom ngcnggo:la gvnckvdv:dokki.

2 KORINTIANGKVDVNG 5:4

Kapila cdvlo ngolu sc tombu okumso du:tv:du:nc, ngolu mcnggu:-mcnga:ma:la sagvgvdo; ngolum jc attar pvdyc cdcmpcmang, cmpige:la jc ngolum odokkcsin attarcm molvgyc, odomvlo jen okodo sikupcnncnc turnamdokki metpakycpc.