1 KORINTIANG KVDVNG 15:20 - ANU LUGOD N. T. (BSI)

²⁰ Cmpige:la ncrkvgpc Kristomc sikolokkcm turmotoku, cdc sc:kobulu sika:bo:nc odokbuluk e:pongarnc a:ycdc.

1 KORINTIANG KVDVNG 15:20 ပူးပေါင်းရင်းမြစ်များ

1 KORINTIANG KVDVNG 15:23

Cmpige:la appvngcm bvkkc bvkkc lukamdcmpc:--Kristobv e:pongarnc a:yckvdv:dokkc, odokkc Bvk gvdokudodo cdc sc:kobulu Kristokcpc inckvdv:dc.

AGER KVDVNG 26:23

jc Kristobv ipusire:ycm pa:pcru:nammc, odokkc jc, odokkc turnckvdv:dok turpongarkuncpc ila:yam, bv tani:kvdv:do:pc odokkc Angu tani:kvdvdvng anyipakdo:pc pvangcm lutadbiyc.”

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

1 PITOR 1:3

Ngoluk Ru:tum Jisukc Abudc akirba:d pa:ncpc ika:langka! Bvkkc bottcru:nc aya:pc mc:namki ngolu anupc turkangku Jisu Kristokc sikolokkc lckoda turkunamdokki mc:tintvla du:tvnamdo:pc,

KOLOSIANG 1:18

Bv amvrdok mittukdc, mondoli:dokkc; Bv lenpo:dc, sikolokkc opongarnamdc, jc appvngloi Bv bottarya:ncpc iycpc.

ROMANKVDVNG 8:11

Bvk yalodc sc:kobv Jisumc sikolokkcm turmotokuji nolukkolo du:mv-dagmvlo, sc:kobv Jisumc sikolokkcm turmotokuji noluk sikunc amvrkvdv:dcmsin turnamcm Bvk Yalodokki biyc okodc nolukkolo du:do dagdoji.

1 KORINTIANG KVDVNG 15:6

Odokkc lvngko anggoko bojcya:ngcm bvrokvdvngcm lckoatcro:lo, odokbuluk akedc singapka:bo:daggom.

AGER KVDVNG 2:24

Ckvdaggom Ru:ncpvnbv Bvm turmotoku, sinamlok kinamcm moturtoku, kapila:nc cdc Bvkkcpc odokki yc:tumnamna:mang.

1 TISSALONIANG 4:16

Kapcnc Ru:tumbv avdc taycng amongtokkc bottcpc lulvgnamko lula togycku, taycng lutad lunc bottarya:nc kvdv:dokki gognamki, odokkc Ru:ncpvnckc tu:lu: mudnam bc:namdokki. Odokkc Kristokolo sinckvdv:dc darobpo:danna darobycku;

LUNGOR LUNAM 14:13

Odokkc ngo taycngtokkc scmpc gomugko lunamko tadbegto, “Scm attoka: su:pakkolokkc sc:kobulu Ru:tumkc lcgangc sidagnc cdc sinckvdv:dc akirba:d pa:nc.” Yalodc ludag, “jc buluk ager gernamkvdv:dokkc du:rasunamcm pa:ycpc, kapcnc buluk ager gernamkvdv:dc buluk gerkamdcmpc pa:to!”