1 KORINTIANG KVDVNG 15:10 - ANU LUGOD N. T. (BSI)

¹⁰ Ckvdaggom Ru:ncpvnckc ayangkokki ngokkc ngo sc:kobv:ji, odokkc ngokkolo:pc Bvk aya:dc cmmumtomangai. Odok luyotpc, buluk akoncmmam akoncm agercm torya:pc gerto, cdc ngo:manggom, cmpige:la Ru:ncpvnckc aya:dc okodc ngokkolo dungaji.

1 KORINTIANG KVDVNG 15:10 ပူးပေါင်းရင်းမြစ်များ

PILIPIANG KVDVNG 4:13

Bvkkolo ngo appvng agercm gerra:dag sc:kobv ngom kvnggv:modagji.

2 KORINTIANGKVDVNG 3:5

Ngolukkolokkc jc atvko lensula lusula:ncko cdcmang; ngoluk lula:namdc Ru:ncpvnckolokkc,

PILIPIANG KVDVNG 2:13

Kapila:nc Ru:ncpvncbv noluk ara:lo agercm gerradung, Bvk aipc mc:monam lcgangc mc:namclang odokkc agerpc anyipakdcm.

GALATIANG KVDVNG 2:8

(Kapcnc sc:kobv Pitorkokki mclvgla gerpcnam agerdcm gertoji gadpuk-ma:namkvdv:dok lcgangc ngokkokkisin gerto Ru:ncmc Kinma:nc tani:kvdv:dok lcgangc.)

ROMANKVDVNG 12:3

Kapila:nc ngom binam ayangabodokki nolukkolok appvngcm lulvgko lulvgdung av avyc cddvko mc:pcnammcji cdcmyam mc:ya:ma:dopc, cmpige:la mc:jupmcngkabo:pc kcbangcm ba:la mcdopc, appvngcm Ru:ncpvncbv bvm mc:jvgcm mc:monam mc:dopc binamdcmpc.

2 KORINTIANGKVDVNG 12:11

Ngo monba:-ba:ncpc dungai! Nolu cdcmpc imoto, kapila:nc ngo nolukkokki aidag cmna lukosupcnammai. Kapcnc ngo kapcsin sc bottcya:nc mclvgla ager gernamkvdv:scm adji:ya:ncmang.

2 KORINTIANGKVDVNG 6:1

Bvkkokki lckopc agercm gerbosula, odokkc, ngolu nolum kumna:sola: ludung Ru:ncpvnckc ayangabodcm cmmumpc torvgsuyoka.

1 KORINTIANG KVDVNG 4:7

Kapila:nc sc:ko nolukkolo atvko anguko ka:begdang? Nolukkc okko du:n nolu okodcm pa:toma:ji? Nolu cdcm pa:tomvlo, kapila nolu bottapc mansudon cdc aman kama:ncpc?

1 KORINTIANG KVDVNG 15:2

okodokki nolu turdu:ji, cdcm nolu kvnggv:pc gagla du:mvlo–ckvma:mvlo nolu cmmumpc mc:jvgto.

ROMANKVDVNG 11:1

Ngo cmpcmvlo, tawudung, Ru:ncpvncbv Bvk tani:kvdv:dcm aimang cmna mcpaktonci? Kapcsinmang! Ngo avavyc Israel tani:ko, Abrahamkolok lennc, Benjaminkc ope:dok akonc.

METIU 10:20

Kapila:nc cdc sc:ko ludagnc nolumang, cmpige:la cdc Yalodc noluk Abukc nolukkokki agom luncdc.

1 KORINTIANG KVDVNG 3:6

Ngo lelvgto, Apollo:bv asidcm pvlvgto, cmpige:la Ru:ncpvncbv sa:moto.

1 KORINTIANG KVDVNG 3:10

Ngom Ru:ncpvnckc ayangabbom bikamdcmpc, aipc kangkanpc mojo:nc okum monncmpc ngo mosangkoko mogablvgto, odokkc akon tani:konc odok taycdo mosetdung. Appvng tani:ycm bvkkc bvkkc monamcm ka:sv:sumotoka.

1 KORINTIANG KVDVNG 15:11

Cdc ngowa:mvlo cdcmanggom buludaggom, cdcmpidag ngolu lutadbido odokkc nolu cdcmpc mc:jvgto.

1 TISSALONIANG 5:12

Cmpige:la ngolu kumna:sola: ludung nolum, bvrokvdvnga, cdc noluk ara:lo ager gernckvdv:dcm mcnggcdopc odokkc nolum Ru:tumkolo noluk tayc:lo odokkc luyirgvyirdagji,

1 TIMOTI: 4:10

Kapcnc su:paklo:pc ngolu agercm gerdung odokkc kvnggv:pc ankvla ka:dung, kapcnc ngolukkc ngoluk mc:tincm turla du:nc Ru:ncpvnckolo mc:tintung, sc:kobv tani:appv:lok Moturncji, anggo-scscmpc cdc sc:kobulu mc:jvgdagji.

METIU 25:16

Sc:ko cdum pvngoko pa:tagaji lomdanna gvla odokbulukki beparcm moto; odokkc bv cdum pvngokoda molento.