1 KORINTIANG KVDVNG 14:3 - ANU LUGOD N. T. (BSI)

³ Odok kekonpc, sc:kobv lungorcm ludoji tani:kvdv:dcm buluk mosa:nam lcgangc odokkc asin pvtadopc mcnggcnam lcgangc odokkc lckko:pc du:nam lcgangc.

1 KORINTIANG KVDVNG 14:3 ပူးပေါင်းရင်းမြစ်များ

1 KORINTIANG KVDVNG 14:12

Cdcmpidag noluk avkcpc; nolu Yalodok lcngkansunamdcm kvnggv:pc mc:dag, mondoli:do mosa:lvgpc aipakpc mcma:ru:pc akoncmyam akonc gvgctoka.

1 TIMOTI: 4:13

Ngok gvlatkuma:sisscm, tani:kvdv:dok dungkolo astrong agom ponamdcm potvlangka, lutadcm luyirtvlang, poyirlang.

JU:D 1:20

Cmpige:la nolum mc:bomsunamkvdvnga, av-avyc nolu mosa:sutoka noluk airu:pc angunnc mc:jvgnam kvdv:dokki; Angunnc Yalodo Kumnangka;

TITUS 1:9

bv aroru:nc agomdcm kapc poyirkanc cdcmpc gagtvla du:pa:ru:yc odomvlojen bv airu:nc astrong agomdcm luyirbila:ycpc odokkc cdc sc:kobulu cdcm lumeyc cmna luyotla luka:mvnsudagji.

IPESIANG KVDVNG 6:22

Ngo nolukkolo:pc bvm mclvgtung sc mc:namsokpak lcgangc, jc nolu kinycpc ngolu kapc idagji, odokkc jc bv noluk asinkvdv:dcm kvnggv:moycpc.

2 TIMOTI 4:2

agomdcm lutadbitoka, ayirro odokkc ayirkama:dowycmsin mcna:ya:pc cmna ilangka, mcnga:motoka, ge:langka, odokkc tadponc luyir agomcm lulang, mentumsunamcm ilang-gvla:ma:pc iyoka odokkc poyirnamlo.

TITUS 2:6

Cdcmv:pc ya:me:kvdv:dcm bulu avkvdv:dcm montumsula du:jo:dopc.

1 KORINTIANG KVDVNG 14:31

Kapila:nc nolu appvngc lungorcm akon lcdulok akonc lula:dag, odomvlojen appvngc tadyirsuycpc odokkc appvngc bottapc mc:suycpc;

1 KORINTIANG KVDVNG 14:26

Cmpcmvlo okkon, bvrrangkvdvnga? Cdvlo nolu gvkumsudonc, appvngkc mc:jvg ni:tomko du:do, luyir agom ako, lungor agomko, gomug lunamko, cdcmanggom lukur lule:la lunamko. Appvng agercm aiya:la gvnamlcgangc gerka:langka.

ROMANKVDVNG 14:19

Kajc cmpcmvlo okodc mcnganmodagji luyirra lubilai odokkc lckolakkopc owudpc mosa:dagji.

AGER KVDVNG 13:15

Lujvglurodcm poge:la odokkc lungor lunam kvdv:dcm kumko okumdok ka:sv:mosv:nc kvdv:dc bulukkolo:pc tani:ycm scmpc lula mclvgto, “Bvrokvdvnga, nolukkc tani:kvdv:dokkcpc atv luyir agomko du:mvlo, cdcm lutok.”

TITUS 2:9

Pagbokvdv:dcm buluk ru:tumkvdv:dcm agom lukam taddopc lulvgtoka odokkc appvng agerlo mc:lvgsudopc; bulu agom lunam tadma:pc ipcnamma:yc, cdcmanggom ame:-are:nc attarcm dopso:ma:dopc,

1 TISSALONIANG 2:3

Kapila:nc ngoluk kumna lunamdc imurgvmurlokkc cdcmanggom napv-narc:manamlokkc lenncmang, cdcmanggom cdcm lume:lula lunamki lunammang;

1 KORINTIANG KVDVNG 10:23

“Appvng attarc lujvg-luro lukamdcmpc idag,” ckvdaggom appvng attarc idum-gvdumsumang. “Appvng attarc lujvg-luro lukamdcmpc idag.” Ckvdaggom appvng attarc tayc:pc mosa:lvgmang.

1 PITOR 5:12

Silbanu kolokkc, aipc mc:jvg jvrvgnc bvrokopc kapc ngo mcnggabdagnc bvm, ngo nolukkolo:pc andcngo:pc adtobong, luyirra lula odokkc lulenbila jc cdc Ru:ncpvnckc aropc ayangdc; oddong nolu du:di:di:la du:toka.

HIBRIUKVDVNG 13:22

Ngo nolum kumna:sola: ludung, bvrrangkvdvnga, ngok lujvgpc luyirra lunam agom kvdv:scm mcnggcmvntoka, kapcnc ngo nolukkolo:pc andcngo:pc attobong.

HIBRIUKVDVNG 10:25

lckopc rvgsunammcm mc:yamc:sama:pc, akke kapc iyitdagji, cmpige:la akoncm akon lusv:lvgla, odokkc appv:dcmyam nolu ka:toka Longcdc aninpc pvnga:du:bong.

TITUS 2:15

Sc appv:scm lutadgo:toka; luyirtoka odokkc ge:yirtoka appvng ilang-gvlangki. Sc:komsin nom lupakluyakkosuyok.

1 TIMOTI: 6:2

Cdc sc:kobulukkc mc:jvgnc ru:tumc du:ji bulum mcnggcma:pc ipc lagimang jc bulu bvrrangc; cdcmyam bulu aiya:pcrung agercm gerpcnammc buluk ager gernamkvdv:dcm arc kama:nckvdv:dc mc:jvgnc odokkc aipc mc:ncpc ila:yam. Poyirtoka odokkc lusv:toka sc gerpcnam agerkvdv:dcm.

1 TIMOTI: 1:4

cdcmanggom bulu av avkvdv:dc leke do:yvngc odokkc kvtcr kama:nc ope:ncgvng do:yvngcm kvla du:ma:dopc okodc mc:namcm mcnggo:modagnc taycng agom luyirnamdcmyam ima:pc okodc mc:jvglo:ji,

2 TISSALONIANG 3:12

Su:pak cdcmpinc tani:kvdv:dcm ngolu lulvgcm ludung odokkc Ru:tum Jisu Khristokolo luyircm ludung buluk agercm aso:pc gerdopc odokkc buluk avkc turnamcm malensudopc.

1 TISSALONIANG 4:18

Cdcmpidag akoncm akonc mc:pomvnsumotoka sc agomkvdv:sokki.

1 TISSALONIANG 4:1

Adtcrso, bvrokvdvnga, ngolu kumna odokkc luyirla ludung nolum Ru:tum Jisukolo, jc nolu kapc ngolukkolokkcm kapc turpcnammcnc odokkc Ru:ncpvncmc mc:lvgsumopcnamcnc kinto, kappar nolu ila du:nc, nolu asudkoda bojc bojcyangko itvtoka.

1 TISSALONIANG 3:2

odokkc ngolu Timoti:mc mclvgto, ngoluk bvrodcm odokkc Ru:ncpvncmc ager gerya:ncdcm Kristokc tadponc lutaddo, noluk mc:jvglo nolum mcjv:sudopc odokkc nolum lusv:mosv:pc,

1 TISSALONIANG 2:11

Kapcnc nolu kindag kapc, bvk ommang kvdv:dok lcdulo abukoncmpc,

KOLOSIANG 4:8

Ngo bvm nolukkolo:pc cdc agomru:dok lcgangc mclvgtung, jc nolu kinycpc kapc ngolu idagji odokkc jc bv noluk asinkvdv:dcm bottapc mc:moycpc.

IPESIANG KVDVNG 4:29

Noluk nappang kvdv:dokkcm oko aima:nc agomcmsin lenmoyoka, cmpige:la mosa:la:dopc okodc aidagji cdcmpincdok ma:mvlo, ayirdok manamdok aincdcmmong, jc cdc sc:kobulu tadycnc ayangcm mcnga:moycpc.

2 KORINTIANGKVDVNG 2:7

Cdcmpidag nolu cdcmyam bvm mc:yintoka odokkc ni:toka, ckvma:mvlo bv mc:dvrc abaya:la mctapsupckc.

2 KORINTIANGKVDVNG 1:4

sc:kobv ngoluk ipusire: pa:do appv:lo ngolum ni:dagji, odomvlo sc:kobulu atv ipusire: pa:ycmvlo ngolu ni:la:ycpc, oko ni:namdokki ngolum avycsin Ru:ncpvnckc ni:namdokki ni:doji.

1 KORINTIANG KVDVNG 14:17

Kapila:nc no pv:namkopc aipai biycipc, cmpige:la akon tani:dc kinmvnma:da.

1 KORINTIANG KVDVNG 8:1

Su:pak donamcm moimang kumkolo ilvgnamdcmbulum: ngolu kindo jc “Ngolu appvngc kinnam agomcm kindo.” “Kinnamc” da:li:pimpudcmpc go:sa:modag, cmpige:la aipc mc:namc mosa:do.

ROMANKVDVNG 15:2

ngoluk appvngc kajc bvkkc bvkkc kumrvko:rcm bvk ainam lcgangc bvm aikampomopc cmna aipc mc:molai.

ROMANKVDVNG 12:8

sc:kobv ainc agomcm luyir mc:yirdag, bvk luyirmc:yirkolo, sc:ko murkongcm bidumsudoji, mc:pomcnganna; sc:kobv bidumsunamcm bidonc, kvnggv:pc mc:bola: sc:kobv ayang agercm lcngkandonc, mc:tv:sula, mc:yumsula mc:pomcnganna.

AGER KVDVNG 15:32

Odokkc Juda:lang Sila:bv, sc:kobulu av:kvdv:dci lungor lunna:nc, bvrokvdv:dcm bojcrungko agomki luyircm luto odokkc bulum kvnggv:moto.

AGER KVDVNG 14:22

agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

AGER KVDVNG 9:31

Cdcmpila mondoli:dc Judiang appv:do odokkc Galildo odokkc Samaria do mc:pomcnganna dunggai odokkc mosa:tungai; odokkc Ru:tummc pcsola du:dungai odokkc Angunnc Yalodok aipc du:bonamki bojc bojcla gvdungai.

LU:KKC 3:18

Cdcmpc, bojcrung luyir agomki, bv tadponc lutaddcm luyirgo:to.

HIBRIUKVDVNG 3:13

Cmpige:la akoncm akonc longgcm longgcm luyirmvnsulang, cddvlo:pc “silo” cmna luycji, jc nolukkolok sc:kosin pa:pdok yadnamdokki asin torma:ycpc.

AGER KVDVNG 4:36

Cdcmpc Josepbv sc:kom mclvgla ager germonamkvdv:dc Barnaba cmna mintcmna amincm mintagaji (okodc a:ng pvtadopc luncdok Awo cmdaganc,)