1 KORINTIANG KVDVNG 13:4 - ANU LUGOD N. T. (BSI)

⁴ Aipc mc:namdc mentumsula du:namc odokkc aya:pc mc:namc; Aipc mc:namdc amigdvgncmang cdcmanggom pirtapc mansuncmang; cdc ngowong cmna mc:suncmang cdcmanggom ikat-siyatla incmang.

1 KORINTIANG KVDVNG 13:4 ပူးပေါင်းရင်းမြစ်များ

1 PITOR 4:8

Appv:dcmyam akoncm akonc aipc mc:namdcm mcngasuma:pc mc:lv:lang, aipc mc:namdc bojcrung pa:bcmsin kupkomdag.

IPESIANG KVDVNG 4:32

Akonc akoncm asin ansv:pc mc:mvnsula ansv:n asinkokki, akonc akonc mcyinsula, kapc Ru:ncvbv nolum Kristokolo mcyinsutoji.

KOLOSIANG 3:12

Cdcmpcmvlo gctoka, Ru:ncpvnckc balennam akoncmpc, angunncpc odokkc aipc mc:nampc, aya:sitapc mc:ncpc, ayangabopc mc:ncpc, ansv:nc asin gcnamc, rcmakpc asin gcnamc, odokkc mentumsula du:namc,

1 JO:N 4:11

Mc:bomsunam kvdvnga, jodi Ru:ncpvncbv ngolum aipc mc:to, ngolusin akoncm akonc aipc mc:mvnsupa:do.

1 PITOR 3:8

Adtcrso, nolu appvngc, yalo atcrongkopc ilangka, aya:sitapc mc:mvnsunamlo, bvrokvdv:dcm aipc mc:namlo, rcmakpc asin gcnamlo odokkc asinc rcmago:la ila.

1 TISSALONIANG 5:14

Odokkc ngolu nolum luyircm ludung, bvrokvdvnga, lo:bagnckvdv:dcm luyirrang, Pcsonckvdv:dcm asincm bottcpc mc:molang, bo:lkama:nckvdv:dcm idumgvdumsulang, bulu appv:dok lcdulo mentvlang.

2 PITOR 1:7

odokkc dormokanamdc bvrrangpc aipc mc:namki, odokkc bvrrangpc aipc mc:namdc aipc mc:namki.

IPESIANG KVDVNG 4:2

appvng adji:sula du:namki odokkc asin ansv:la, mentumsunamki, aipc mc:la akoncm akonc mc:yinmvnsula,

2 KORINTIANGKVDVNG 6:6

Napv-narcngkokki, kinnamkokki, menya:sula du:namkokki, asin aya:pc mc:namkokki, Angunnc Yalodc, narc:pc:sc:nc ayangc, aropaknc agom lunamc, odokkc Ru:ncpvnckc tornamdc;

KOLOSIANG 1:11

Nolu appvngc appvng ilang gvlangkokki kvnggvnka:langka, amin gvbu:nc tornamdokki, kapcnc appvng mentumsula du:namclang menya:sula du:namki mc:pobadnamki,

GALATIANG KVDVNG 5:26

Kajc ngolu asinc bottaya:pc mcsuyoka; akoncm akonc aglvng sa:moyoka, akoncm akonc ncka:mvnsuyoka.

1 KORINTIANG KVDVNG 4:6

Ngo sc appv:scm avkcpclang Apolo:kcpc tolvgamsudung noluk ainam lcga:pc, bvrokvdvnga, jc nolu ngolukkokki kinycpc okodcm adtu:ji odokkc gvbarma:dapc, jc nolukkolok akoncsin da:lipimpudcmpc akonkc lcgangc akonc go:puta:yok.

2 TIMOTI 4:2

agomdcm lutadbitoka, ayirro odokkc ayirkama:dowycmsin mcna:ya:pc cmna ilangka, mcnga:motoka, ge:langka, odokkc tadponc luyir agomcm lulang, mentumsunamcm ilang-gvla:ma:pc iyoka odokkc poyirnamlo.

2 TIMOTI 3:10

Cmpige:la no su:pak ngok poyircm tattobong, ngok du:nam-dagnamcm, ngok turnamsok mc:la gvnamdcm, ngok mc:jvgcm, ngok mentumsula du:namcm, ngok aipc mc:namcm, ngok mcmangke:ke:pc du:tv-dagtvla du:namcm,

1 PITOR 2:1

Cdcmpidag appvng ka:ru-ka:mangnammcm mc:pagamtoka odokkc yadgo:pagongcm odokkc mc:jubmcngkabma:nc asincm odokkc Ka:ruka:mangcm odokkc appvng lume:pc lujcmnam lunamcm.

TITUS 3:3

Kapila:nc av avycsin po:pc lcko monsi-monba:dagai, agom tadmangai, gvyodla gvdungai bojcrung ilvng-sa:lv:lok mc:bo-ka:bolok pagboai, ngoluk longckvdv:dcm ncka:mvnsula odokkc ncgopogola mclvgla, tani:kvdv:dc tayumna odokkc akoncm akonc tayumla;

1 KORINTIANG KVDVNG 3:3

Kapila:nc nolu su:paksin adinamvrdokkc. Kapila:nc cdvloi ncka:mvnsunammclang pamvnsunamc nolukkolo du:ji nolu adin amvrdokkcma:lang, odokkc cmmum tani:ycmpc ima:sa:ma:lang?

AGER KVDVNG 7:9

“Odokkc cdc abukvdv:dok abukvdv:dc, Josepmmc ncla, bvm Igiptolo kolvgto; ckvdaggom Ru:ncpvncbv Bvk lcdulo du:mvndungai,

2 TIMOTI 2:25

airu:nc poyirncpc, mc:yinsuncpc, ainc agomki bvk biruddi:ncm lugabdopc lulangka. Ru:ncpvncbv kapcjila cdcm tolvgciycsong jc bulu asinc mc:dvrra mc:latsuyckupc odokkc arodcm kinkapc gva:ycpc,

1 TIMOTI: 6:4

bv ngo:kc cmna bottcpc mc:bomsula mc:namki mc:bomsudag, bv okkomsin kinmang; bvkkc aima:nc kinamcmpc agom luker luyernamko dung, okodc ncka:mvnsunammcm lenmodagnc, pamvnsunamc, lume:pc lugc:lvgnam, mc:monam mc:sa:modagji,

1 KORINTIANG KVDVNG 8:1

Su:pak donamcm moimang kumkolo ilvgnamdcmbulum: ngolu kindo jc “Ngolu appvngc kinnam agomcm kindo.” “Kinnamc” da:li:pimpudcmpc go:sa:modag, cmpige:la aipc mc:namc mosa:do.

ROMANKVDVNG 1:29

Bulukkc appvng aisi:ma:nc ager gernam ipa:ma:nam ager, ka:bomc:bonam, ncnamc pv:namkopc dungai. Mirupc mc:namongc bi:la, tani:mokenc, pamvnsunamc, yadnamc, cmpcsin ka:lv:mvnsuma:namc, bulu pvsvpasapc agom luka:mvnsunc,

JAKOB 4:5

Cdcmanggom cdcm nolu mcngka:la ka:donci jc astro:dc arusu:ma:pc lutag cmna, “Bv ka:ruka:ma:la ngoluk ara:lo yalodcm du:motung cmna?”

1 KORINTIANG KVDVNG 4:18

Akke ngowwong cmna mc:sudag, ngo nolukkodo:pc gvkvma:pc ige:la:sin.

ROMANKVDVNG 13:13

Kajc ngolu avyc pva:lokkcmpc ilang-gvlai, apo: tv:ladola: tvngvrsunc ajon jongo:ma:pc, amikc mimc langgo:la odokkc ka:bomc:bogo:ma:pc, pamvnsugo:ma:pc odokkc ncka:mvnsuma:pc.

KOLOSIANG 2:18

Nolum sc:komsin arckama:ncpc atvma:nckopc imoyoka, avyc aima:pc itvsula odokkc taycng lutadkvdv:dcm kumla, bvk kangorkvdv:dcm ka:la, lugodkama:pc go:puta:sa:la bvk adinamvr mcnggodlok mc:nc asindokki.

PILIPIANG KVDVNG 1:15

Akkedan buluk amik ka:la:ma:namki odokkc ngo:pcya:-bv:pcya: cmnamkokki Kristomc lutadbigo:dag.

2 KORINTIANGKVDVNG 12:20

Kapila:nc ngo pcsopc mc:dag jc kapcji ila ngo okodcm mc:ma:ji cdcm nolum pa:ycpc, odokkc nolujen ngomjen pa:ycpc nolu okodcm mc:ma:ji; jc kapcji ila pamvnsunamc lenycpc, ka:lv:ma:namc, aglvngc avyongkcpc mc:namc, lume:pc aima:p lunamc, luman manna lunam agomc, ngo:na cmna lusunammc; odokkc u:jeru:yerra du:namc.

1 KORINTIANG KVDVNG 5:2

Odokkc nolu ngolluong cmna mc:sunc tani:yc! Nolu cdcmyam mc:dvrra kappc-ripcnammangalang? Sc:kobv cdcm itoji noluk ara:lokkcm la:pakmotok.

METIU 27:18

Kapila:nc bv kindagai bulu ncla bvm lvgto cmna.