1 KORINTIANG KVDVNG 13:2 - ANU LUGOD N. T. (BSI)

² Odokkc ngokkc lungor lunanc ilang gvlangc jodi dung, odokkc appvng kinnam agom kinyc, odokkc ngokkc appvng mc:jvgc dung, adi: kvdv:dcm ncrpakla:namc, cmpige:la ayang ka:ma:mvlo, ngo okosinmang.

1 KORINTIANG KVDVNG 13:2 ပူးပေါင်းရင်းမြစ်များ

1 JO:N 4:8

Sc:kobv aipc mc:ma:ji Ru:ncpvncmc kinnang; Kapcnc Ru:ncpvncbv aipc mc:namc.

1 KORINTIANG KVDVNG 13:3

Ngokkc okko du:nc jodi ngok amvrcm rompakdopc bipakyc, ckvdaggom aipc mc:namc kama:mvlo, ngo okkomsin pa:pc pa:mang.

METIU 17:20

Bv bulum luto “Noluk mc:jvgnammc adj:iola:na.

1 KORINTIANG KVDVNG 16:22

Sc:kaikc jodi Ru:tummc aipc mc:namko kama:mvlo, bvm pelvgnampc ika:kangka. Ngoluk Ru:tuma, gvtokuk.

METIU 21:21

Odokkc Jisubv bulum lubito, “Aroru:pc, ngo nolum lubidung, nolukkc mc:jvgc du:ru:mvlo odokkc cdvlosin mc:moma:mvlo, nolu tajvg vsv:dcm kapc itonc cdcmo:pc ima:yc, cmpige:la sc adi:scmci lumvlo, ‘Gvpakla sokkc siycngolo ojvngkangka cmmvlo,’ cdcmpc iyc.

IPESIANG KVDVNG 3:4

Cdvlo nolu scm pola:ycnc nolu ngok asin ara:bok mc:namdcm mcngkinycpc Kristokc mcngapla:ma:nam agomdo:pc.

1 KORINTIANG KVDVNG 13:1

Ngo jodi tani:kvdv:doklang taycng lutad lunckvdv:dok agomkokki agomcm luyc, ckvdaggom aipc mc:namc kama:yc, ngo bc:la du:nc bottcnc arcm aborko cdcmanggom tubla bc:nc lu:pe.

GALATIANG KVDVNG 5:16

Cmpige:la ngo ludung, Yalodokki lambcm gvtoka, odokkc amvrdok mcngkamkvdv:dcm mc:lvgsumoyoka.

KOLOSIANG 1:26

dv:takkvdv:do odokkc opvnkvdv:do mcngapla:ma:nam agomdcm lc:sila lc:namdcm cmpige:la su:pak Bvk aipc kumnc tani:kvdv:dcm lcngkanambito.

GALATIANG KVDVNG 6:3

Kapila:nc jodi akonc mc:yc bv atvko, cdvlo atvkosincimang, bv avdcm avyc yadsudo.

GALATIANG KVDVNG 5:22

Cmpige:la Yalodok apva:yckvdv:dc aipc mc:namc, mcnganc, mentumsula du:namc, ayangabonammc,

1 KORINTIANG KVDVNG 12:28

Odokkc Ru:ncpvncbv Kristokc mondoli:do mclvgla ager germonamkvdv:dcm bia:danna bitung, lckondo lungor lunckvdv:dcm, lcumdo poyirnckvdv:dcm, odokkc mcngapla:ma:nam ager gernckvdv:dcm, odokkc csa:mokunckvdv:dcm, ager gerdumsunc-kvdv:dcm, migom donc kvdv:dcm, angu angupc agom lunckvdv:dcm.

1 KORINTIANG KVDVNG 7:19

Bvm gadpuknammcm mamoyoka. Kaila:nc gadpuknamdc:sin atvkosin kvtc:mang cdcmanggom gadpukma:namdc:sin, cmpige:la Ru:ncpvnckc kvnggv:pc lulvgnamdc.

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

IPESIANG KVDVNG 6:19

odokkc ngok lcgangcsin, jc ngo appvngcm ko:ka:dodo asin pvtala bottapc lula:ycpc tadponc lutaddok mcngapla:ma:nam agomdcm lubidodo,

1 KORINTIANG KVDVNG 4:1

Cdcmpcna kapc akonc ngolum mcnggcpcnamcnc Kristokc ager gerya:ncmpc odokkc Ru:ncpvnckc mcngapla:ma:nam agomlok kanggab-daggab-ya:ncpc.

ROMANKVDVNG 16:25

Su:pak Bvkkolo:pc sc:kobv nolum ilang-gvla:mola:dagnc ngok tadponc lutaddcmpc odokkc Jisu Kristom lutad lubikamdcmpc okodcm lc:sula dv:tag dv:tagkvdv:dc lc:tagaji.

ROMANKVDVNG 11:25

Ckvma:mvlo nolu agom kinncpa:ncpc imvlo noluk avkc bottcpc mc:sunamkokki, ngo nolum scm mcngkinla:ma:nam agomscm mcngkintoka cmna mc:dag, bvrrangkvdvnga: tornamko Israeldok atakkolo lenkang, Angun Tani:kvdv:dc pv:namkopc gvanggamma:sisscm, odokkc cdcmpc Israel appv:dcm mopvtyc;

METIU 21:19

Odokkc lambc ru:yido tajvg vsvng amvngko ka:begsula:yam Bv odopc gva:to, odokkc okkomsin pa:tomang cmpige:la annongc dungai. Odokkc Bv cdcm luto, “Nokkolo cdvlosin lckoda a:yc e:mangka:langka!” Odokkc cdc tajvg vsvng amv:dc oddung sanangkang.

METIU 13:11

Odokkc Bv bulum lubito, “Nolukkcpc taycng amo:tok migom mo:pvdok lc:sula lc:nam agom kindopc lubitagbong, ckvdaggom bulum cdcm bima:da.

2 KORINTIANGKVDVNG 12:11

Ngo monba:-ba:ncpc dungai! Nolu cdcmpc imoto, kapila:nc ngo nolukkokki aidag cmna lukosupcnammai. Kapcnc ngo kapcsin sc bottcya:nc mclvgla ager gernamkvdv:scm adji:ya:ncmang.

1 KORINTIANG KVDVNG 14:39

Cdcmpidag ngokkc bvrrangkvdvnga, kvnggv:pc lungor lupc cmna mc:langka, odokkc angu gomugki agom lunam kvdv:dcm mc:yoka;

1 KORINTIANG KVDVNG 8:4

Cdcmpidag, monam moimangcm binamcm donamcm donamdcm, ngolu kindag “Jc monam moimangdokkc aro:ru:pc du:namc kamang,” odokkc “Ru:ncpvnc kamang cmpige:la akkongko.”

AGER KVDVNG 13:1

Cdcmpidodcm Antiokdok du:nc mondoli:do lungor lunnclang poyirnc dungai, Barnaba:bv, Simionbv sc:kom Niger cmna gogdagaji, Sirene:dok Lusiubv, Mana-en-bv Herodkc mo:tak appi:lok migom kcbang bangko okumdok amikonc, odokkc Soulbv.

ROMANKVDVNG 15:14

Ngo av avyc noluk agomcm mc:tv:sudag, ngok bvrokvdvnga jc nolu av avkvdv:dc ainammc pv:namkopc dung, appvng kinnam-pa:namc bi:la dung, odokkc akoncm akonc luyirla:dag.

1 KORINTIANG KVDVNG 11:4

Tani: akoncmum sc:kobv kumdoji cdcmanggom lungor ludoji bvk tukkom u:rumsuge:la bv bvk ru:tumdcm mcnggcsuma:pc ido.

1 KORINTIANG KVDVNG 13:8

Aipc mc:namc cdvlosin mc:tcrsumang; lungor lunam kvdv:dokkcpcdan, cdcbulu lungasuyc, kinnamdokkcpc, cdc yogpakyc.

1 KORINTIANG KVDVNG 14:4

Sc:kobv angu agomki agomcm ludagnc bv avdc avdcm lusv:sudag, cmpige:la sc:kobv lungorcm ludonc mondoli:dcm bojcla gvdopc lusv:dag.

1 KORINTIANG KVDVNG 14:29

Anyikoba: awum lungor lunncm lumotoka, odokkc akedcm asino:bo mcngka:la ka:motoka okodcm lutoji.

1 KORINTIANG KVDVNG 15:51

Ka:tok! Ngo nolum mcngapla:ma:nam agomko lubidung. Ngolu appvngc singapma:yc, cmpige:la ngolu appvngc badyugsuyc,