1 KORINTIANG KVDVNG 13:13 - ANU LUGOD N. T. (BSI)

¹³ Cdcmpidag, mc:jvgc, mc:tinc, aipc mc:namc dungkolo du:mvndag, cdc awumdok, cmpige:la odok bottarya:ncdc aipc mc:namdc.

1 KORINTIANG KVDVNG 13:13 ပူးပေါင်းရင်းမြစ်များ

1 KORINTIANG KVDVNG 16:14

Noluk inam appv:dcm ayangkokki ilangka.

KOLOSIANG 3:14

Odokkc odo appv:dokkcmyam aipc mc:namcm gctoka, okodc appvngcm lckopc aropakpc ogpumsudagji.

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

PILIPIANG KVDVNG 1:9

Odokkc cdc ngok kumnamc jc noluk aipc mc:namdc jen bojc bojcya:pc du:ycpc kinnamkokkilang mcngkin-sagkinnam-kokki.

1 TIMOTI: 1:5

cmpige:la ngoluk lujcmdc aipc mc:namdc cdc narc:nc asinnokkc lennc odokkc aipc mc:jvglokkc.

1 JO:N 2:10

Sc:kobv bvk bvrodcm aipc mc:dagnc pva:lo du:dag, odokkc odo oko mc:murmc:yarsunamkosin kamang.

1 TISSALONIANG 5:8

Cmpige:la, ngolu longcdokkcpc ila:yam, kajc ngolu asinc ansv:lai, odokkc mc:jvgloklang aipc mc:namlo angkcng torasunancdcm gclai, odokkc tukkudok tornc dumlupko moturdokkcm gclai.

2 KORINTIANGKVDVNG 5:10

Kapila:nc ngolu Kristokc kcbang bangko tedkodo appvngc aincmnang aimangcm pa:ycpc, bv okkom amvrki ikaji cdcmpc.

1 KORINTIANG KVDVNG 8:3

Cmpige:la akonc Ru:ncpvncmc aipc mc:mvlo, Bvkkokki akonc kinnampc idag.

KOLOSIANG 1:27

Bulum Ru:ncpvncbv kinmopc bala la:to cddvko Ru:ncmc kinma:nc tani:kvdv:dok ara:do cddvko Bvk mcngapla:ma:nam amin gvnamkvdv:dc bottadagji, okodc Kristobv noluk ara:do du:ji, amin gvnamdok mc:tindc.

1 PITOR 1:21

Bvkkokki nolukkc Ru:ncpvnckolo mc:pv:namko mc:jvgc dung, sc:kobv Bvm sikolokkc turmotokuji odokkc Bvm amin gvnamdcm bitoji, odomvlo jen noluk mc:jvgclang mc:tinc Ru:ncpvnckolo du:ycpc.

1 JO:N 3:9

Ru:ncpnckolokkc onam sc:kosin pa:bcm imang; kapcnc Ru:ncpvnckc mcngkamgvkamdc bvkkolo du:mvndag, odokkc bv pa:bcm ila:mang lcga:dc bv Ru:ncpvncklokkc lennc.

1 JO:N 3:3

Odokkc appvngc sc:kobulu cdcmpc mc:tinna du:doji Bvkkolo avyc Bv narc:modag Bv kapc narc:dagji.

1 JO:N 2:14

Ngo nolukkolo:pc addung abukvdvnga, lcga:dc nolu kindag sc:kobv dunga: dokkcbong du:ji. Ngo nolukkolo:pc addung, ya:me:kvdvnga, lcga:dc nolu kvnggv:dag, odokkc Ru:ncpvnckc gomugdc nolukkolo du:mvndag, odokkc nolu aima:ncdcm mopvto.

HIBRIUKVDVNG 6:19

Ngolukkc sc yalodok arorungc dung odokkc lo:dvpc du:nc ollung ke:tumsunanc, mc:tinko kumko okumdok arang sorkomnam gasor kekondo:pc gva:nanc,

2 TIMOTI 1:7

Kapcnc Ru:ncpvncbv ngolum pcsonc yaloko bimangai cmpige:la ilang-gvla:nc yaloko odokkc aipc mc:namc odokkc avycm mentumsula du:namko.

HIBRIUKVDVNG 6:11

Odokkc ngolu mc:dag noluk appvngc c:mo:pinc kvnggv:pc mc:namcm pv:namkopc mc:tindokkc du:tcrdo:pc du:ma:sisscm lcngkanka:langka cmna,

2 KORINTIANGKVDVNG 5:15

Odokkc Bv appvngkc lcgangc sikang, jc cdc sc:kobulu turycji buluk avkc lcganc cdvlosin turma:bong cmpige:la Bvk lcgangc sc:kobv buluk lcgangc sikaji odokkc turmotokuji.

1 KORINTIANG KVDVNG 14:1

Noluk turnamsok kanggoddcm aipc mcnamdcm itoka, odokkc kvnggv:pc taycng among aman binam kvdv:dcm pa:pc cmna mc:toka, anguru:pc nolu jen lungordcm ludopc.

1 KORINTIANG KVDVNG 3:14

Mogablvgkodo tani:konc agerdcm gergablvgmvlo du:tvyc, bv amanko pa:ycpc.

1 JO:N 2:24

Okodcm nolu lendodokkcbong tadtoji du:mvmka:langka. Jodi nolu okodcm dunga:dodokkc tadtonc nolukkolo du:mvntvyc, odo nolu Awodo odokkc Abudo du:mvntvyc.

LU:KKC 22:32

cmpige:la ngo nok lcgangc kumdung nok mc:jvgdc:jen yogma:pcka; odokkc cdvlo no gvlatyckunc nok bvrokvdv:dcm tormolangka.”

LU:KKC 10:27

Odo bv lubito, “No Ru:tummc aipc mc:langka nok Ru:ncpvncmc nok asin appvngkokki, odokkc nok appvng yalokokki, odokkc nok appvng ilang gvlangkokki, odokkc nok appvng mc:namsagnamkokki; odokkc nok kumrvko:rcm nok avyvngkcmpc mc:sulang.”

HIBRIUKVDVNG 10:39

Cmpige:la ngolu cdc ngedlatsukunc kvdv:dokkcmang odokkc momvgnam kvdv:dokkc, cmpige:la cdc sc:kobulukkc mc:jvgc du:ji odokkc buluk yalokvdv:dcm lc:do.

1 KORINTIANG KVDVNG 8:1

Su:pak donamcm moimang kumkolo ilvgnamdcmbulum: ngolu kindo jc “Ngolu appvngc kinnam agomcm kindo.” “Kinnamc” da:li:pimpudcmpc go:sa:modag, cmpige:la aipc mc:namc mosa:do.

ROMANKVDVNG 15:13

Mc:tomnamdok Ru:ncpvncbv nolum appvng mc:po mcngancm bimoteika odokkc mc:jvgkoko mcnganc, odomvlo jen Angunnc yalodok ilang-gvlang kokki nolu mc:tomlo du:ycpc.

HIBRIUKVDVNG 10:35

Cdcmpidag noluk mcngkvsunam kvdv:dcm crpakyoka, odokkc bottcru:nc amanko du:ji.

KOLOSIANG 1:5

Kapila:nc noluk lcgangc taycng amo:to mc:tincm lc:namdokki. Sokkcm nolu arolok agom gomugdcm po:pcbong tatto.

1 TISSALONIANG 1:3

ngoluk Ru:ncpvnc odokkc Abukc kcra:la noluk mc:jvglok agerkvdv:dcm odokkc aipc mcnamlok kvnggv:pc ager gernamcm odokkc mcma:ru:pc mc:tinnammcm ngolu Ru:tum Jisu Kristokolo mc:pa: mc:pa:la.