1 KORINTIANG KVDVNG 12:9 - ANU LUGOD N. T. (BSI)

⁹ akonkoncm csa:mokula:namdok amancm Yalo akko:dokki,

1 KORINTIANG KVDVNG 12:9 ပူးပေါင်းရင်းမြစ်များ

METIU 10:8

Kinckvdv:dcm csa:molangkula, sinckvdv:dcm turmolangkuk, ngero: ro:namkvdv:dcm narc:molangkuk, uikvdv:dcm mcnpaklang. Nolu atv arcko bima:pc pa:to, atv arc bimangv:pc bilang.

METIU 21:21

Odokkc Jisubv bulum lubito, “Aroru:pc, ngo nolum lubidung, nolukkc mc:jvgc du:ru:mvlo odokkc cdvlosin mc:moma:mvlo, nolu tajvg vsv:dcm kapc itonc cdcmo:pc ima:yc, cmpige:la sc adi:scmci lumvlo, ‘Gvpakla sokkc siycngolo ojvngkangka cmmvlo,’ cdcmpc iyc.

MARKKC 16:18

bulu tabbcm gagsa:la:yc, odokkc bulu tvngkesula sipcnamko tv:mvlogom, cdc bulum tv:nvgsumoma:yc; bulu mola:ma:nc tani:kvdvdcm alagcm riyitbiyc bulu csa:ycku.”

MARKKC 6:13

Odokkc bulu bojcrungko uiycm mcnpagamto, tulangki ri:yidla bojcrungko ramnckinncm csa:motoku.

LU:KKC 10:9

Odok du:nc kinc-ramnc tani:kvdv:dcm csa:molangkuka odokkc bulum lulang, ‘Ru:ncpvnckc migom doko mo:pvdc noluk kcra:pc pvnga:du:bong.’

LU:KKC 9:2

odokkc Bv bulum Ru:ncpvnckc migom doko mo:pvdok agomcm lugo:bidopc. Odokkc csa:modokupc tornamcm bila mclenamlvgto.

AGER KVDVNG 10:38

kapc Najaretdok Jisumc vrtoji Angunnc Yalodokki odokkc ilang-gvlangkokki; kapc gvgongkaji ainc ager gergo:la odokkc csa:molangkula uipa:nam appv:dcm, kapila:nc Ru:ncpvncbv bvk lcdulo dunggai.

AGER KVDVNG 5:15

cdcmpc ika:nc jc bulu mola:ma:nc tani: kvdv:dcmci nogordok lambckvdv:do:pc jo:lenambomto, odokkc bulum asubkokki odokkc tani: jo:nanclo jo:lvgamto; odomvlojen Pitorbv gvla bvk yalodci buluk akekvdv:dok tayc:lo vgrumycpc cmna.

1 KORINTIANG KVDVNG 12:28

Odokkc Ru:ncpvncbv Kristokc mondoli:do mclvgla ager germonamkvdv:dcm bia:danna bitung, lckondo lungor lunckvdv:dcm, lcumdo poyirnckvdv:dcm, odokkc mcngapla:ma:nam ager gernckvdv:dcm, odokkc csa:mokunckvdv:dcm, ager gerdumsunc-kvdv:dcm, migom donc kvdv:dcm, angu angupc agom lunckvdv:dcm.

1 KORINTIANG KVDVNG 12:30

Appvnglokkc csa:mokumnam amanc olang? Appvngc angu angu agom lulangki ludolang? Appvngc lukonsunamcm ludolang?

1 KORINTIANG KVDVNG 13:2

Odokkc ngokkc lungor lunanc ilang gvlangc jodi dung, odokkc appvng kinnam agom kinyc, odokkc ngokkc appvng mc:jvgc dung, adi: kvdv:dcm ncrpakla:namc, cmpige:la ayang ka:ma:mvlo, ngo okosinmang.

2 KORINTIANGKVDVNG 4:13

Ngolukkc c:mo:pinc mc:jvgnam yallo du:namc sc:kobv adtoji, “Ngo mc:jvgto odokkc cmpila ngo luto,” ngolusin, mc:jvgdo, odokkc ngolu ludo,

IPESIANG KVDVNG 2:8

Kapila:nc ayangkokki nolum mc:jvgkokki mopvttak; odokkc cdc noluk avkc inamkokkimang.

HIBRIUKVDVNG 11:33

sc:kobulu mc:jvgkokki migom dungko amongkvdv:dcm mopvtoji, arro cmna lunamcm nvnggabla lulvgto, pesubinamcm tolvgsuto, inggo simvn nappangcm mokabamto,