1 KORINTIANG KVDVNG 10:8 - ANU LUGOD N. T. (BSI)

⁸ Ngolu aisi:ma:nc agercm germopc mcngkvmopc lagimang bulukkolok akke gernamdcmpc, odokkc vyvngkolang awum lvngkokopc longc atcro:do singapkang.

1 KORINTIANG KVDVNG 10:8 ပူးပေါင်းရင်းမြစ်များ

1 KORINTIANG KVDVNG 6:18

Aisi:ma:nc ager gernamcm mcpaktoka. Tani:akonc inam ake pa:p appv:dcm amvrdok ru:yido idag; cmpige:la aisi:ma:nc ager gernc tani:dc bvk avkc amvrdok birudivpc gerdag.

1 KORINTIANG KVDVNG 6:9

Nolu kinma:nci jc dormokama:nckvdv:dc Ru:ncpvnckc migom doko mo:pvdo dungkuma:yc? Yadkosuyoka; ager gernckvdv:dcmba aisi:ma:nc moimang kumnckvdv:dcm, cdcmanggom ami yamnc langgo:nckvdv:dcm, cdcmmanggom la:tcr la:tcr langgo:nc kvdv:dcm,

LUNGOR LUNAM 2:14

Cmpige:la ngokkc asudowko nok birudi:pc lupcnammc dung: nokkc akke sc:kobulu Balamkc luyir gagdagji dung, sc:kobv Balakmc poyirtoji Israel ommang kvdv:dcm lcsutsunam sv:tungcm dvngkomtoji, jc bulu murti:ycm binam donamcm dola:dopc cmna odokkc aisi:ma:nc agercm gerdopc.

METIU 5:32

Cmpige:la ngo nolum ludungkc sc:kobvi avkc nc:ngcm mcpakdokunc, aima:nc ka:bo-mc:bomvnsunamlok ma:mvlo, bvm amikc milbongkokki la:mvngvmvnsumonampc idag; odokkc sc:kovi mcpakkunam nc:ngcm la:donc, amikc nc:ngcm bv:sin la:nampc idag.