1 KORINTIANG KVDVNG 10:20 - ANU LUGOD N. T. (BSI)

²⁰ Ma: ngo lukanbidung jc uikumnc kvdv:dc okodcm palvgdagnc bulu uiycm bidag Ru:ncpvnc kolo:pcmang. Ngo nolum uikokki ajoncmpc imolv:mang.

1 KORINTIANG KVDVNG 10:20 ပူးပေါင်းရင်းမြစ်များ

LUNGOR LUNAM 9:20

Tani: rcngamsok akedc, sc:ko bulum moketoma:ji cdc joar a:la sinam kvdv:dokki buluk alakki ager gernamkvdv:dok lcgang asinc mc:dvrra mc:latsutomang cdcmanggom uiycm kumtvnammcm odokkc avn moimangcmbulum odokkc pitolcm odokkc vlvngcm odokkc vsvnglokki monamc, okodc:bulu ka:begla:sinmang odokkc tadbegsinmang odokkc lambcmsin gvla:mang;

2 KORINTIANGKVDVNG 4:4

Buluk agomdo sc mo:pvsok uidc mc:jvgma:nckvdv:dok asinkvdv:dcm migluammoto, bulum amin gvnc Kristokc tadponc lutaddcm kamoge:mang cmna, sc:kobv Ru:ncpvncbv kapc idagji cdcmpc incdc.

METIU 4:9

odokkc bv Bvm luto, “Sc appv:scm nom ngo biyc, no tunga:la ngom kummvlo.”

GALATIANG KVDVNG 4:8

Po:pc, cdvlo ngolu Ru:ncpvncmc kinmangaji, nolu yc:la lc:namai sc:kobulu mc:nam-sagnamlo ru:ncpvncmangai.

LUNGOR LUNAM 2:14

Cmpige:la ngokkc asudowko nok birudi:pc lupcnammc dung: nokkc akke sc:kobulu Balamkc luyir gagdagji dung, sc:kobv Balakmc poyirtoji Israel ommang kvdv:dcm lcsutsunam sv:tungcm dvngkomtoji, jc bulu murti:ycm binam donamcm dola:dopc cmna odokkc aisi:ma:nc agercm gerdopc.

LUNGOR LUNAM 2:20

Cmpige:la sc nok birudi:pc ngokkc dung, jc no Jejebel nc:dcm mc:yinsuto, sc:kobv av avdc lungor lunnc cmna lusudagji odokkc ngok ager gerya:nc kvdv:dcm aisi:ma:nc agercm geryiddopc odokkc moimang kvdv:dok kcra:lo tvlvgnam donamcm dodopc luyirdung odokkc yaddag.