1 KORINTIANG KVDVNG 1:30 - ANU LUGOD N. T. (BSI)

³⁰ Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

1 KORINTIANG KVDVNG 1:30 ပူးပေါင်းရင်းမြစ်များ

METIU 1:21

bv aowo ako pa:yc, odokkc no bvk amincm Jisu cmna minnang, kapila:nc Bv Bvk tani:kvdv:dcm pa:blokkcm moturyc.”

LU:KKC 11:49

Cmdcmpidag Ru:ncpvnckc Kinnc agomdc:sin ludag, ‘Ngo bulukkolo:pc lungor lunncmlang Ru:ncpvnckc ager gerdopc mclvgnam tani:kvdv:dcm mclvgyc, odokbuluk akedcm bulu mokeyc odokkc irvsinyom iyc.’

LU:KKC 21:15

Kaila:nc ngo nolum nappangkala kinnamko biyc, okodcm noluk agom tadma:pc lunc akosin lurasula:ma:yc cdcmanggom lukepla:ma:ycji.

JO:N 1:18

Sc:kosin cdvlosin Ru:ncpvncmc kangkvmang; Awo atcrdcwong; sc:kobv Abudok kcra:do dungkuji, Bv Bvm kinapmoto.

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

JO:N 17:26

Ngo nok amincm bulum kinmoto, odokkc ngo cdcm kinma:yc, jc no oko aipc mc:namdokki no ngom aipc mc:tonc bulukkolo:jen du:ycpc, odokkc ngo bulukkolo du:mvnycpc.”

JO:N 17:8

kapila:nc ngo bulum agomkvdv:dcm bitobong okodcm no ngom bitoji, odokkc bulu cdcmbulum torvgsutobong odokkc aropc kindag jc ngo nokkolokkc gvdung; odokkc bulu mc:jvgtobong jc no ngom mclvgtag.

JO:N 8:12

Jisubv lckoda bulum luto, scmpc lula, “Ngo mo:pvsok pvangc; sc:kobv ngok lcdulo gvmvnycnc kcmolo gvgo:ma:yc, cmpige:la turra du:namsok pvangcm pa:yc.”

AGER KVDVNG 26:18

jc bulu kcmolokkc pva:lo:pc gvdopc odokkc Satandok ilanggvla:dokkc Ru:ncpvnckc ilanggvla:do:pc gvlatdokupc, jc bulu pa:plok mc:yinsunamcm pa:dopc odokkc ngom mc:jvgnc kvdv:dok dungkodo pa:dopc.’

ROMANKVDVNG 1:17

Kapila:nc Ru:ncpvnckc dormo kanamdc mc:jvgkokki mc:jvglcgangc lenkang; cdcm kapc adla lc:tagji, “Sc:kobv mc:jvgki dormokadagaji turyc.”

ROMANKVDVNG 11:36

Kapila:nc Bvkkolokkc odokkc Bvkkokki odokkc Bvkkolo:pc appvng attarkvdv:dc. Lo:dvscm Bvkkolo:pc amin gvnamdc dungka:langka! Amen.

ROMANKVDVNG 12:5

Kristokolo amvr atcrcngkonc, odokkc tani: akkongkopc akonkcpc akonc alcalagc.

ROMANKVDVNG 16:11

Ngok ope:ncgvng Herodionmc kumtadsubilang. Sc:kobulu Ru:tumkcpc du:nc sc:kobulu Narkisukc ope:dokkcpc idagnc cdcmbulum kumtadsubilang. Cdc Ru:tumkolo ager gernckvdv:dcm kumtadsubilang,

ROMANKVDVNG 16:7

Andronikumc odokkc Junia:mc kumtadbilangka, ngok ope:ncgvngc odokkc ngok makana:lo du:jonc; bulu mclvgla ager gernamkvdv:dok amin gvnc tani:yc, odokkc ngokkcmyam po:pc bulu Kristokolo dungai.

ROMANKVDVNG 4:25

sc:komc ngolum imur siyarnamkokki sidopc tolvgtoji odokkc ngoluk aikunam lcgangc turmotokuji.

ROMANKVDVNG 4:6

Cdcmv:pc Dawidbv:sin tani:dcm akirba:d bito sc:kom Ru:ncpvncbv agerkvdv:dcm mcge:la:sin dormo kannc cmna lutoji:

ROMANKVDVNG 5:19

Kapila:nc kapc tani:akolok agom tadma:pc inamki bojcrungcm papi:pc imotonc, cdcmv:pc tani:akolok agom tadma:pc inamki bojcrungcm dormo kancpc imoyc.

ROMANKVDVNG 5:21

odomvlojen, pa:bc sinamlo migom doto ayangcsin dormo kanamki turyarla turnamdo Jisu Kristo ngoluk Ru:tumkokki migom doycpc cmna.

ROMANKVDVNG 8:1

Cdcmpila odo kcba:ba:la mokenammc kama:bong cdc sc:kobulu Kristo Jisukolo du:ji.

ROMANKVDVNG 8:23

Odokkc ru:namo:dc:mang, cmpige:la ngolu avycsin, sckkc Yalodok e:pongarnc a:ycdc du:ji, asin ara:bo svgvn-gvnna kabla dung ngolu unam awa:pc inamdcm toya:la du:la:yam, ngoluk amvrkvdv:dok arc bila rclenkunam moturkunam kvdv:dcm.

ROMANKVDVNG 8:9

Cmpige:la nolu adin amvrdo du:mang, nolu Yalodo dung, jodi aropakpc nolukkolo Ru:ncpvnckc Yalodc du:mvlo. Sc:kkci Kristokc Yalodc kama:ji Bvkkcmang.

1 KORINTIANG KVDVNG 1:2

Korinto:do Ru:ncpvnckc oko mondoli:do du:nc odopc, Kristo Jisukolo sc:kobulum narcngmotonc odobulu:pc, lckko:pc angunnctani:pc gognamkvdv:do:pc appvng mo:taklo ngoluk Ru:tum Jisu Kristokc amincm gognckvdv:dokki lckko:pc, bulukkclang ngoluk Ru:tum Jisu Kristo anyipakpc:

1 KORINTIANG KVDVNG 1:24

ckvdaggom sc:kobulum gogtagnc, Jiwuclang Girik anyipagcm, Kristobv Ru:ncpvnckc ilang gvlangc odokkc Ru:ncpvnckc kinnampa:namc.

1 KORINTIANG KVDVNG 12:18

Cmpige:la cdcm kapc, Ru:ncpvncbv ru:lvgtonc amvrdo alcalagkvdv:dcm, appv:dcm ako akkopc, Bv kapc mc:toji.

1 KORINTIANG KVDVNG 12:27

Cdcmpinamc nolu Kristokc amvrc odokkc atckpc odok adinamvrc.

1 KORINTIANG KVDVNG 12:8

Akoncm Yalodokki kinjvgla kinnam agomcm bitung lukur lule:la lubila:dopc, odokkc akonkoncm kinnam agomcm lubila:dopc cdc Yalo atcro:doggongkcmpc, akonkoncm mc:jvgnammcm cdc Yalo akko:dokki,

1 KORINTIANG KVDVNG 4:15

Kapila:nc nolukkc kvngapla:ma:nam gvyirnc Kristokolo dunggom, nolukkc bojcrungko tadponc lutaddokkc Kristokolo abupc ikang.

1 KORINTIANG KVDVNG 6:11

Cmpige:la nolum vrpu:to, nolum narc:pc:scmoto, nolum Ru:tum Jisu Kristokc aminno ainc cmna kcbangcm ba:tobong odokkc ngoluk Ru:ncpvnckc Yalodo.

2 KORINTIANGKVDVNG 12:2

Ngo tani: akoncm kindag Kristokolo sc:kobvm dv:tak tagyvngkolang takpi:ko po:pc taycng among awumpc dc:sa:moto– amvrtc:tc:pc manggom cdcmanggom amvrkama:pc ngo kinmang, Ru:ncpvncbv kindag.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

GALATIANG KVDVNG 1:4

sc:kobv ngoluk pa:pkvdv:dok lcngangc avdcm tolvgsutoji ngolum aima:nc du:nam dv:takkvdv: sokkcm mopvtpc cmna, ngoluk Ru:ncpvnc odokkc Abudok mcngkampc;

GALATIANG KVDVNG 3:13

Kristobv ngolum lujvg lurodok pelvgnamdokkcm rcpvtto, ngoluk lcga:pc pelvgnampc ige:la–Kapila:nc cdcm attak, “Vsv:lo sc:kom ragsa:donc bv pelvgnampc ika:langka.”

IPESIANG KVDVNG 1:10

appvngcm Bvkkolo lckomopc cmna, attarkvdv:dcm taycng amongtokkc kvdv:dcm odokkc mo:pvsokkc kvdv:dcm.

IPESIANG KVDVNG 1:14

Okodc ngolu cdcm pangkuma:dodo:pc ngoluk pa:mvnkunamdok bigapla lc:namcji.

IPESIANG KVDVNG 1:7

Bvkkolo ngolukkc arc bila rcpvtnammc Bvk i:dokki dung, ngoluk imurgvmurkvdv:dok lcgangc mc:yinsunamc,

IPESIANG KVDVNG 2:10

Kapcnc ngolu Bvk ager gernc, Kristo Jisukolo ainc ager lcgangc ru:namc, okodcm Ru:npvncbv po:pcbong ru:toji, jc ngolu odokbuluk ara:do gvpcnammc.

IPESIANG KVDVNG 4:30

Odokkc Ru:ncpvnckc Angunnc Yalodcm mc:nying moyoka, sckkolo nolum muworcm tubjettagji motunam longcdok lcgangc.

IPESIANG KVDVNG 5:26

Jc bv bvm narc: pc:sc:mola:ycpc cmna, bvm agom asidokki vrpu:la:yam.

PILIPIANG KVDVNG 3:9

Cdcmpc ipc cmna jc ngo Kristomc avpc pa:pc odokkc bvkkolo pa:supc, ngok avkc dormo kanamkokkimang, lujvg-lurodokki, cmpige:la jc okodc Kristokolo mc:jvgnamkokkipak, Ru:ncpvnckolokkc dormokanamdc cdc mc:jvglo togcsudag.

KOLOSIANG 1:14

sckkolo ngolukkc rcpvtnammc du:ji, pa:plokkcm mcyinsubinammc.

KOLOSIANG 3:16

Odokkc aipai bisuncpc itoka. Kristokc agomdc nolukkolo mitcmircmpc dungka:langka, akoncm akonc poyirra odokkc lusv:la, appvng taycngamong kinnamki, odokkc ni:tomcmna: kumnam ni:tomcm odokkc yalosok ni:tomkvdvngc Ru:ncpvnckolo:pc noluk asinkvdv:do aipai bipc bila.

1 TISSALONIANG 5:23

Mcngannclok Ru:ncpvncbv avdc nolum appvngcm lckko:pc narc:moteika; odokkc noluk yalodc odokkc atma:dc odokkc amvrdcm lujckko kama:dopc anpola du:dopc Ru:tum Jisu Kristokc gvdokudo:pc lcngkanlangka.

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

HIBRIUKVDVNG 9:12

sc ru:nampvnam kvdv: sokkcmang,) Bv lo:dvlokkcpc Angunnc Dungkodo:pc gva:to, sobenlokkcmba: so:bo awolok i:ycm la:ma:pc cmpige:la Bvk avkc i:ycm langge:la, cdcmpc lo:dvlongkvlcgangc rclennapc ito.

JAKOB 1:5

Nolukkolok sc:koiyc jodi kinjvgla kinnam pv:ramyc, bvm Ru:ncpvnckolok komotoka, sc:kobv appvng tani:ycm aya:la mc:jong kadjo:la odokkc sc:kobv aima:pc ge:ma:pama:pc, odokkc cdcm bvm biycpc.

1 PITOR 1:2

Ru:ncpvnc Abubv balenna odokkc ru:scgla lc:namc odokkc Yalodokki narc:dopc mopu:la Jisu Kristomc lukam taddopc odokkc Bvk i:dokki abkatdopc: Ayangc odokkc mcnganc nolukkolo bojc bojcla dungka:langka.

2 PITOR 1:1

Simion Pitorbv, Jisu Kristokc ager gerya:nckolang mclvgla ager germonamko– Odobulu:pc sc:kobulu ngoluk lcdulo dagmvnnam mc:jvgcm pa:mvntonc ngolu Ru:ncpvnckc dormokanamdokki odokkc Mopvnc Jisu Kristokokki:

1 JO:N 5:6

Cdc Bv sc:kobv asikokkilang i:kokki gvkaji, Jisu Kristobv, asso:dokkimang cmpige:la odokkc asidokkilang i:dokki.

LUNGOR LUNAM 14:4

Cdc cdcbulu sc:kobulu nc:ngkokki napvnarc:ma:pc itoma:ji, kapcnc bulu angunna du:namc; cdc cdcbulu sc:kobulu Me:r Awo sobendok gvkolo okolopci bv gvdoji gvmvndagaji; cdc bulu Ru:ncpvnckc lcgangc e:pongarnc a:yckvdv:dc odokkc Awo Me:r sobendokkcpc tani:kvdv:dokkcm rcpvttoku,

LUNGOR LUNAM 5:9

odokkc bulu scmpc lula: lula, anu ni:tomko moto: “No yednam potindcm bompc arc kannc odokkc odok tubjetnam kvdv:dcm mopenpc, Kapcnc nom palvgto odokkc nok i:dokki Ru:ncpvnckc lcgangc tani:kvdv:dcm mogvt momatnamlokkcm rcpvtnato appvng rcngamlokkc odokkc agom lunclokkc odokkc tani:kvdv:lokkc odokkc opvnnokkc.