1 KORINTIANG KVDVNG 1:27 - ANU LUGOD N. T. (BSI)

²⁷ ckvdaggom Ru:ncpvncbv okodc monba:ba:ncji cdcm ballenna la:to kinncpa:nc kvdv:dcm anyi:sumopc cmna, Ru:ncpvncbv okodo ilang gvla:modagji rcngamso balenna la:to ilang gvla:nckvdv:dcm anyi:sumopc cmna,

1 KORINTIANG KVDVNG 1:27 ပူးပေါင်းရင်းမြစ်များ

JAKOB 2:5

Tattoka, ngok aipc mc:nam bvrrangkvdv:nga. Ru:ncpvncbv cdc sc:kobulu opandagnc Balenna mc:jvglo mircmdopc la:ma:lang odokkc migom doko amo:dok du:sonsuncpc sc:kobulu Bvm aipc mc:dagji okodcm cdcmbulum pesubitoji?

METIU 11:25

Odo ayirdo Jisubv lutadla lubito, “Ngo nom aipai bido, Ba:ba, taycng amo:tok odokkc mo:pvsok Ru:tuma, no:na scmbulum kinnc-pa:nc tani:kvdvdokkcm odokkc mcngkinma:nc kvdv:dokkcm lc:sitonc odokkc kowaukvdv:dcm lcngkanto;

1 KORINTIANG KVDVNG 1:20

Kinncpa:nc tani:dc okolon? Agom poyirncdc okolon? Sc ayirkvdv:sok agom svgka:mvnsula luka:mvnsunc kvdv:dc okola:n? Ru:ncpvncbv mo:pvsok kinnampa:namkvdv:dcm Ru:ncpncbv monba: ba:ncpc imoma:lang.

LU:KKC 21:15

Kaila:nc ngo nolum nappangkala kinnamko biyc, okodcm noluk agom tadma:pc lunc akosin lurasula:ma:yc cdcmanggom lukepla:ma:ycji.

2 KORINTIANGKVDVNG 4:7

Cmpige:la ngoluk sc lcngkumnam murko:sc among lcnggcng kvdv:l dung, cdcm lcngkanpc jc appvngcm bottaya:nc ilang gvla:dc Ru:ncpvnckc odokkc ngolukkcmang.

METIU 21:16

odokkc bulu Bvm tauto, “No tadbegdagyc sc:bulu okkomna ludagji?” Odokkc Jisubv bulum lubito, “C:; nolu cdvlosinyc pokvma:n. ‘Kowaukvdv:dok odokkc anyug tv:nckvdv:dok nappa:lokkcmsin aropakpc luidla lunamcm pa:to.’ ”

2 KORINTIANGKVDVNG 10:10

Kapila:nc bulu ludag, “Bvk do:jvgkvdv:dc i:ddag odokkc tordag, cmpige:la bvk adin amvrpc du:mvnnamdc rcmakdag, odokkc bvk agomdc okopcsin aimang.”

METIU 9:9

Jisubv odokkc gvnamc, Bv Metiu cmnam tani: akonc migom murkong urkumsuko ager gerkolo tedla du:dopc ka:begto; odokkc Bv bvm luto, “Ngok lcdu lcdulo gvmvntoka.” Odokkc bv darobla Bvk lcdu lcdulo gvmvnkang.

AGER KVDVNG 17:18

Ipikuriang kvdv:dokkclang Istoik kvdv:dok mc:lenna agom lunckvdv:dc bvm rvgsuto. Odokkc akke luto, “Sc belbelaincsc okkom ludagji?” Akke luto, “Bv ami mongkvlok taycng among agom lutadbinc koncmpc idag–” kapila:nc bv Jisumclang Bvk sige:la turkunamdcm lutadbidag.

AGER KVDVNG 7:54

Cdcmpc bulu cdcmbulum tadnamc kvnggv:pc aglvng sangkang, odokkc bulu bvm ka:la buluk a:yckvdv:dcm dokcrcbamsukang.

AGER KVDVNG 7:35

“Cdc Mose:dc sck agomcm bulu tattoma:nc, scmpc lula, ‘Nom sc:ko ngoluk migompc odokkc ka:sv:-mosv:nckopc imotang?’ Ru:ncpvncbv migom doncpclang mopvncpc mclvgto bvm agrubnc vsv:do lcngkansunc taycng among lutad luncdok alagdokki.

1 KORINTIANG KVDVNG 1:21

Kapila:nc, Ru:ncpnckc kinnam-pa:namdo, rcngamsc kinnampa:nam kokki Ru:ncpvncmc kinma:pc inamc, cd Ru:ncpvncmc mcngkin-mc:parang ma:namdokki mc:lvgsumoto okodcm ngolu lutadbidonc sc:kobulu moturpc mc:jvgdonc.

1 KORINTIANG KVDVNG 2:12

Su:pak ngolu rcngamsok yalodcm pa:mang, cmpige:la cdc Yalodcm okodc Ru:ncpvnc kolokkcji jen odomvlo ngolu Ru:ncpvnckokki ngolum binam amankvdv:dcm mcngkinycpc cmna.