1 KORINTIANG KVDVNG 1:2 - ANU LUGOD N. T. (BSI)

² Korinto:do Ru:ncpvnckc oko mondoli:do du:nc odopc, Kristo Jisukolo sc:kobulum narcngmotonc odobulu:pc, lckko:pc angunnctani:pc gognamkvdv:do:pc appvng mo:taklo ngoluk Ru:tum Jisu Kristokc amincm gognckvdv:dokki lckko:pc, bulukkclang ngoluk Ru:tum Jisu Kristo anyipakpc:

1 KORINTIANG KVDVNG 1:2 ပူးပေါင်းရင်းမြစ်များ

ROMANKVDVNG 1:7

Ro:mdo Ru:ncpvnckc aipc mc:nam appv:do:pc, sc:kobulum angunnc tani:pc gogtoji bulukkolo:pc: Ngoluk Abu Ru:ncpvnckolokkc nolukkolo:pc ayangc mc:po odokkc Ru:tum Jisu Kristokolokkc.

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

AGER KVDVNG 26:18

jc bulu kcmolokkc pva:lo:pc gvdopc odokkc Satandok ilanggvla:dokkc Ru:ncpvnckc ilanggvla:do:pc gvlatdokupc, jc bulu pa:plok mc:yinsunamcm pa:dopc odokkc ngom mc:jvgnc kvdv:dok dungkodo pa:dopc.’

HIBRIUKVDVNG 13:12

Cdcmv:pc Jisubv:gom yabgo mo:rongolo ipusire:ycm pa:to tani:kvdv:dcm avkc i:dokki mopu:pc cmna.

1 TISSALONIANG 4:7

Kapcnc Ru:ncpvncbv ngolum napvnarc:ma:namlo:pc gogmang. Cmpige:la angunno:pcmvn.

HIBRIUKVDVNG 10:10

Odokkc odo mcngkamdokki ngolum narcdopc mopu:to Jisu Kristokc amvrdcm tolvgla bila lckkattcrcm lo:dvlongkv lcgangc.

2 KORINTIANGKVDVNG 4:5

Kapila:nc okodcm ngolu lutadbidonc cdc ngoluk av avkcmang, cmpige:la Jisu Kristobv Ru:tumpc incdc cmna, ngolu av-avyc noluk ager gerya:ncpc Jisukc lcgangc.

AGER KVDVNG 9:14

odokkc sc:na bvkkc dormo ager gerncdokkcm ilang gvla:namlok jvgnamc dung nok amincm minnc appv:dcm ycnggabampc.”

LUNGOR LUNAM 19:16

Bvk migom gcnam rvbvdo odokkc bvk ki:ru:do bvkkc arrvgnammc aminc dung, Migomkvdv:lok migomc odokkc Ru:tum kvdv:lok ru:tumc.

JU:D 1:1

Ju:dbv, Jisu Kristokc ager gerya:nc odokkc Jakobkc bvrro– Cdc sc:kobulum gogtagji bulukkolo:pc, Ru:ncpvnckolo odokkc Abudo aipc mc:bomsunamdo odokkc Jisu Kristokcpc lc:nam kvdv:do:pc:

HIBRIUKVDVNG 2:11

Kapila:nc Bv sc:ko palvgdagnc odokkc cdc sc:kobulum angumodagnc appv:dokkc lenko akkongko.

2 TIMOTI 1:9

sc:kobv ngolum moturtonc odokkc ngolum angunnc gognamki gogtonc, ngoluk aipc ager gernamkokkimang cmpige:la Bvk avkc mc:jongkokki mcngkampc odokkc dv:takkvdv:dok po:pcbong cdc oko aya:dcm ngolum Kristo Jisukolo bitoji,

1 TIMOTI: 3:15

jodi ngo lcdupc gvyc, nolu kinpa:yc jc kapc Ru:ncpvnckc okumcra:dcm ka:sv:mosv:pcnamcji, okodc turnc Ru:ncpvnckc mondoli:ycji, arolok du:rasunc gai kunta odokkc gcrinamdc.

2 TISSALONIANG 1:1

Poulbv, Silbanu:bv, odokkc Timoti:bv, Tissaloniangkvdv:dok mondoli:do:pc Ru:tumkolo ngoluk Abu odokkc Ru:tum Jisu Kristokolo:

1 TISSALONIANG 1:1

Poulbv, Silbanu:bv, odokkc Timoti:bv, Tissaloniang kvdv:dok mondoli:do:pc Ru:ncpvnc Abukolo odokkc Ru:tum Jisu Kristokolo: Nolukkolo:pc ayangc odokkc mcnganc.

IPESIANG KVDVNG 5:26

Jc bv bvm narc: pc:sc:mola:ycpc cmna, bvm agom asidokki vrpu:la:yam.

2 KORINTIANGKVDVNG 1:1

Poulbv, Ru:ncpvnckc mcngkampc Kristo Jisukc mclvgla agom lunc, odokkc Timoti:bv ngoluk bvrodc, sc:kobulu Korintodo, Ru:ncpvnckc kumnc airu:nc tani: Akhaiang appv:do du:ji mondoli:kvdv:do:pc.

1 KORINTIANG KVDVNG 8:6

Ckvdaggom ngolukkcpc Ru:ncpvnc akkongko dung, Abudc, okolokkc appvng attarcm ru:lentoji odokkc okolokkc ngolu du:doji, odokkc Ru:tumako, Jisu Kristobv, sckkokki appvng attarkvdv:dc odokkc sckkokki ngolu du:du:ji.

ROMANKVDVNG 10:12

Kapila:nc angupc lunamc okkosin kamang Jiwukvdv:doklang Girikdok; cdc Ru:tumv:dc appv:lok Ru:tumdc odokkc Bvk mitcmircmcm Bvm gognc appv:dcm bidag.

ROMANKVDVNG 3:22

Ru:ncpvnckc dormokanamdc Jisu Kristom mc:jvgnamkokki appvngkc lcgang sc:kobulu mc:jvgdagji. Kapila:nc angupc lcngkannammc kamang;

AGER KVDVNG 22:16

Odokkc no kapila su:pak toya:la du:n? Darobtok odokkc baptismongcm la:to, odokkc nok pa:pkvdv:dcm Bvk amincm minna vrpu:tok.

AGER KVDVNG 18:1

Odok lcdupc bv Etendcm mcto odokkc Korintodo:pc gvto.

AGER KVDVNG 15:9

Odokkc Bv bulukkoloklang ngolukkolok oko angucmsin du:motomang, cmpige:la buluk asinkvdv:dcm mc:jvgkokki mopu:to.

AGER KVDVNG 10:36

Israelkvdv:pc oko agomcm mclvgtagji nolu kindag, Jisukokki mcngannok tadponc do:yv:dcm lutad lugo:bila (Bv appv:lok Ru:tumc,)

AGER KVDVNG 9:21

Odokkc sc:kobulu bvk agomdcm tadtoji tadngagamsukang, odokkc luto, “Sc tani:sc:ma:lang Jerusalemolo mopit-moyitncdc sc aminscm minnckvdv:dcm? Odokkc bv odok lcgangv:pc gvdu:nc, bulum dormo ager gerncdok kcra:do:pc ycnggabam bomkupc cmna.”

2 TIMOTI 2:22

Cdcmpidag ya:me: sv:sang aima:pc mc:namcm mcpaktoka odokkc dormokama:ncm ka:mi:toka, mc:jvgcm, aipc mc:namcm, odokkc mcngancm, cdc sc:kobulu Ru:tummc gogdagji narcngo:nc asinki.

GALATIANG KVDVNG 1:2

Odokkc sc:kobulu ngok lcdulo du:ji cdc bvrrang appv:dokki Galatiangdok mondoli: appv:do:pc:

AGER KVDVNG 9:13

Cmpige:la Anania:bv lubito, “Ru:tuma, cdc amidok agomcm bojcrungko ngo tadtung, nok Jerusalemolok kumnc tani:kvdv:dcm cddvkopc okkom itoji;

ROMANKVDVNG 8:28

Ngolu kindag jc appv:lo Ru:ncpvncbv ainam lcgangc agercm gerdag sc:kobulu Bvm aipc mc:dagji, sc:kobulu Bvk mcngkamppc gogtagji.

1 KORINTIANG KVDVNG 10:32

Jiwukvdv:dcmba Girikkvdv:dcm oko aima:p mcnamcmsin mcngkosuyok cdcmanggom Ru:ncpvnckc mondoli:dcm,

1 KORINTIANG KVDVNG 12:27

Cdcmpinamc nolu Kristokc amvrc odokkc atckpc odok adinamvrc.

1 TIMOTI: 2:8

Ngo pa:pc cmna mc:dag odokkc jc appvng dungkolo milbong tani:kvdv:dc kumpcnammc, angunnc alagkvdv:dcm lagsa:la aglvng sa:ma:pc cdcmanggom pamvnsuma:pc;

2 TIMOTI 2:19

Cmpige:la Ru:ncpvnckc kvnggv:nc dunggabkodc du:dag, sc muhorscm bomna: “Ru:tumdc kindag cdc sc:kobulu Bvkkcji,” odokkc, “Kajc appvngc sc:ko Ru:tumkc amindcm mindagji aima:nc agerlokkc germa:pc du:la:jc.”