1 KORINTIANG KVDVNG 1:18 - ANU LUGOD N. T. (BSI)

¹⁸ Kapila:nc Kurusdok agomdc monba: ba:nclok agomc sc:kobulu sidagaji, cmpige:la cdc sc:kobulum moturtagnc cdc Ru:ncpnckc ilanggvlangc.

1 KORINTIANG KVDVNG 1:18 ပူးပေါင်းရင်းမြစ်များ

AGER KVDVNG 13:41

‘Ka:toka, c:i lupaknckvdnga, odokkc mc:lamcngapla: ma:pc mc:tok, odokkc yogpagam ka:langka kapila:nc Ngo noluk longckvdv:do agerko gerdo, nolu cdvlosin mc:jvgma:nam agerko, sc:kaiyc cdcm lutadbidaggomsinci.’ ”

AGER KVDVNG 17:18

Ipikuriang kvdv:dokkclang Istoik kvdv:dok mc:lenna agom lunckvdv:dc bvm rvgsuto. Odokkc akke luto, “Sc belbelaincsc okkom ludagji?” Akke luto, “Bv ami mongkvlok taycng among agom lutadbinc koncmpc idag–” kapila:nc bv Jisumclang Bvk sige:la turkunamdcm lutadbidag.

AGER KVDVNG 17:32

Cdcmpidodcm cdvlo bulu sinc tani:yc turkunamdcm tadtoji, akedc yirka:la luto; ckvdaggom akedc luto, “Ngolu lckoda sok agomcm tadycku.”

AGER KVDVNG 2:47

Ru:nc pvncmc aipai lula odokkc appv:tani:lok aipc mcngkosula. Odokkc Ru:tumbv bulum longgcm longgcm sc:kobulum moturtoji: mca:lvgsetbomto.

ROMANKVDVNG 1:16

Kapcnc ngo tadponc lutaddcm lubipc anyi:mang: cdc Ru:ncpnckc ilang-gvlang turnam lcganc sckkc mc:jvgc du:ji appv:lo, Jiwu kvdv:do:pc lupo:danna odokkc Girik kvdv:do:pcsin.

1 KORINTIANG KVDVNG 1:21

Kapila:nc, Ru:ncpnckc kinnam-pa:namdo, rcngamsc kinnampa:nam kokki Ru:ncpvncmc kinma:pc inamc, cd Ru:ncpvncmc mcngkin-mc:parang ma:namdokki mc:lvgsumoto okodcm ngolu lutadbidonc sc:kobulu moturpc mc:jvgdonc.

1 KORINTIANG KVDVNG 15:2

okodokki nolu turdu:ji, cdcm nolu kvnggv:pc gagla du:mvlo–ckvma:mvlo nolu cmmumpc mc:jvgto.

1 KORINTIANG KVDVNG 2:14

Taycng among agom kinma:nc tani:dc Ru:ncpvnckc Yalodcm torvgsumang, kapila:nc bvkkcpc cdcbulu monba:ba:namc, odokkc bv cdcmbulum mcngkinmang lcga:dc bulu taycng among agomlokkipak aidag aimang cmna angumodag.

1 KORINTIANG KVDVNG 2:2

Kapila:nc nolukkolok Jisu Kristomc kurusdo pvtkenam agomdokma:mvlo okkomsin kinge:mang cmna mc:tckto.

1 KORINTIANG KVDVNG 3:19

Kapila:nc Ru:ncpvnckc mo:pvsok kinnam pa:namdc monba:ba:namc kapila:nc cdcm adla lc:tag, “Bv kinnc-pa:nckvdv:dcm buluk aima:pc kinnamlok gagdag,”

1 KORINTIANG KVDVNG 4:10

Ngolu Kristokc lcgangc monba:ba:nc, cmpige:la nolu Kristokolo kinncpa:nc. Ngolu ilang gvla:ma:nc ckvdaggom nolu ilang-gvla:nc. Nolum mcnggcla du:namc, cmpige:la ngolum amin aima:pc gvmonammc.

2 KORINTIANGKVDVNG 10:4

Kapila:nc ngoluk mimag monanc gvdv:-yoktung kvdv:dc mo:pvsokkcmang cmpige:la kvnggv:pc morasula dungkodok momvgla:nanc taycng among ilang gvlangc,

2 KORINTIANGKVDVNG 4:3

Odokkcsinci jodi ngoluk tadponc lutaddcm ungkomto, cdcm cdc sc:kobulu singapdu:nc bulug lcgangongc ungkomtag.

1 TISSALONIANG 1:5

kapcnc ngoluk tadponc lutaddc nolukkolo:pc agomongkokki pvnga:mang, cmpige:la kvnggv:pc ilang gvla:lo:sin odokkc Angunnc Yalodo odokkc pv:namko aropakpc mc:namc bi:danna. Nolu kindag kapinc tani:pc ngolu noluk kcra:lo lcngkansubikaji noluk lcgangc.

2 TISSALONIANG 2:10

Odokkc appvng aima:nc yadnamc cdc sc:kobulu singapkupcncji buluk lcgangc, kapila:nc bulu arodcm aipc mc:pc mc:lv:tomang odokkc cdcmpila turpc.

HIBRIUKVDVNG 12:2

Jisukolo:pc ka:la ka:la, sc:kobv Bvk kcra:pc lc:nam mc:podok lcga:pc kurusdcm mentumsula mc:tapsuto, any:dcm mcge:la, odokkc Ru:ncpvnckc migom tedkodo lagbvgpc tedkang.

HIBRIUKVDVNG 4:12

Kapcnc Ru:ncpvnckc agomdc turra du:nc odokkc ager gerla du:nc, kekon-kesagdok radnc matsvgcmsin radya:nc, yalodoklang atma:dok du:pansukodo:pc tu:setsukodo:pc odokkc ammobo:pc gva:nc, odokkc asinlok mc:namkvdvngclang odokkc mcngkam kvdvngcm kinabla.