1 KORINTIANG KVDVNG 1:10 - ANU LUGOD N. T. (BSI)

¹⁰ Ngo nolum kumna ludung, bvrokvdvnga, ngoluk Ru:tum Jisu Kristokc aminkokki, jc noluk ara:lo luker luyermvnsunammc kapcma:namc, cmpige:la jc nolu asin akko:do lckotoka odokkc c:mo:pinc kcbangcm ba:toka.

1 KORINTIANG KVDVNG 1:10 ပူးပေါင်းရင်းမြစ်များ

METIU 9:16

“Odokkc sc:kosin titsumma:nc gaincm aku gainkolo potaglvgmang, kapila:nc cdc potaknamdc attarcm bedyob bomdag, odokkc cdcmyam bedyangc:dag.

MARKKC 2:21

Sc:kosin anu gainkokki aku gainno potakla attarcm ommang; bv cdcmpc imvlo cdc potakdc odokkc bedpakyc, akudc anudokkc, odokkc cdcmyam aima:ya:pc bedyc.

MARKKC 3:24

Migom dungko amongkonc avyc angu angusumvlo, cdc amo:dc du:la:ma:yc.

JO:N 10:19

Cdc agomkvdv:dok lcgangki lckoda Jiwukvdv:dok ara:lo angunammc lengkang.

JO:N 17:23

ngo bulukkolo odokkc no ngokkolo, bulujen aiyo:pc akkongkopc idopc, odomvlo rcngamso:jen kinycpc ngom jen no mclvgtung odokkc bulum aipc mc:to no ngom aipc mcngkamdcmppvng.

JO:N 7:43

Cdcmpila tani:kvdv:dok ara:lo Bvk lcgangc angu-anggamkang.

JO:N 9:16

Parisi:kvdv:dok akke luto, “Sc tani:sc Ru:ncpvnc kotokkcmang, kapila:nc Bv yodla ager germa:pc du:namdcmpc du:mang.” Ckvdaggom akedc luto, “Kapc papi:tani: akonc cdcmpinc agerko gerla:ycn?” Buluk ara:do angu angunammc lenkang.

AGER KVDVNG 4:32

Cdcmpidodcm cdc mc:jvgnc kvdv:dok ajon jonsunamdc asin atcrongkopc odokkc yalo atcrongkopc idagai, odokkc sc:kosin lumangai sc:koi atvko pa:toji cdc bvk avkc cmna, cmpige:la bulukkc appvng attarcmci lcko-lakkopc lc:dagai.

ROMANKVDVNG 1:13

Ngo nolum kintoka cmna mc:dag, bvrokvdvnga, jc ngo mcna:mcna:pc nolukkolo:pc gvpc cmna mc:to (cmpige:la su:paklo:pc motumna lc:tag,) cdcmpc ila jc ngo:jen nolukkolok arvgcm gaddopc Ru:ncpvncmc kinma:nc tani:kvdvng ara:do:pc cdcmv:pc.

ROMANKVDVNG 12:1

Ngo nolum cdcmpila kumna:sola: ludung, bvrrangkvdvnga, Ru:ncpvnckc mc:yinsunamkokki, noluk adin-amvrkvdv:dcm turpc palvgnammcmpc palvgdopc, angunnc odokkc Ru:ncpvnckcpc torvgsula:dopc, okodc noluk yalo dokki kumnamdc:ji.

ROMANKVDVNG 12:16

Akonkc lcdulo akonc lckolakko:pc du:ladaglangka; bottc bottcpc mansuyoka, cmpige:la ame:nc kvdv:dokki lcko-lakko:langka; cdvlosin av avyc bottcpc kinnc cmna mc:suyoka.

ROMANKVDVNG 15:30

Ngo nolum kumna ludung bvrrangkvdvnga, ngolum Ru:tum Jisu Kristokokki odokkc Yalodok aya:dokki, ngok lcdulo sipcturpc cmna imvnna noluk Ru:ncpvncmc ngoluk lcga:pc kumnamkokki,

ROMANKVDVNG 16:17

Ngo nolum kumna ludung, bvrokvdvnga, cdc sc:kobulu agomcm luyot-lumatla odokkc aima:pc imodagnc bulum kanggablang, nolum lubinam ncrkvg agom kvdv:dcm nolum lu:latpc luyirnamkvdv:dokkcm; bulum mcpaklang.

1 KORINTIANG KVDVNG 1:11

Kapila:nc cdcm ngom Kloedok tani:kvdv:dokki lubitag jc noluk ara:lo pamvnsunamc dung, ngok bvrokvdvnga.

1 KORINTIANG KVDVNG 11:18

Kapila:nc dunga:pc du:dodcm cdvlo nolu mondoli:pc gvkumsudonc, ngo tadbegdag jc noluk ara:do angu angunammc dung; odokkc ngo cdcm asudowko mc:jvgdo,

1 KORINTIANG KVDVNG 12:25

Odomvlo amvrdo angunammc kama:ycpc cma, cmpige:la jc adinamvr kvdv:dc c:mo:pinc ka:mvnsunamcm akonc lcgangc ka:ycpc cmna.

1 KORINTIANG KVDVNG 3:3

Kapila:nc nolu su:paksin adinamvrdokkc. Kapila:nc cdvloi ncka:mvnsunammclang pamvnsunamc nolukkolo du:ji nolu adin amvrdokkcma:lang, odokkc cmmum tani:ycmpc ima:sa:ma:lang?

1 KORINTIANG KVDVNG 4:16

Ngo nolum kvnggv:pc lusv:la ludung, cmpcmvlo, ngom ka:yv:sula gvncpc itoka.

2 KORINTIANGKVDVNG 10:1

Ngo Poulbv, avyc nolum kumna:sola: ludung jc, Kristokc ansv:nc asinkokki odokkc aipc mc:jong gvjongkokki–ngo sc:kobv asinc ansv:do cdvlo ka:rvgmvnsudanna noluklcdulo, cmpige:la nolukkolo bottcpc lusula:do cdvlo ngo gerdoji!

2 KORINTIANGKVDVNG 13:11

Lungapdoso, bvrokvdvnga, cdcbong. Noluk lambckvdvdcm mosv:toka, ngok lunamkvdv:scm tadgapla ansutoka, akonc akoncm tadmvnsutoka, mcnganna du:la:daglangka, odokkc aya:nclang mcngannclok Ru:ncpvncbv noluk lcdulo du:ycpc.

2 KORINTIANGKVDVNG 13:9

Kapila:nc ngolu mc:podo cdvlo ngolu torma:ji odokkc cdvlo nolu tordoji. Okodcm ngolu kumdonc cdc noluk aibomla gvnam lcgangc.

2 KORINTIANGKVDVNG 5:20

Cdcmpidag ngolu Kristokc lcgangc lutad lubinc, Ru:ncpvncbv Bv kcbang ba:nam lcgang kumnamcm kumdung ngolukkokki ludung. Ngolu Kristokc lcgangc kumna ludung, Ru:ncpvnckolo lckotokuka.

2 KORINTIANGKVDVNG 6:1

Bvkkokki lckopc agercm gerbosula, odokkc, ngolu nolum kumna:sola: ludung Ru:ncpvnckc ayangabodcm cmmumpc torvgsuyoka.

GALATIANG KVDVNG 4:12

Bvrokvdvnga, ngo nolum kumna ludung, ngokkcmpc imvntoka, kapila:nc ngo:sin nolugvngkcmpc imvntobong. Nolu ngom oko imurcmsin imang.

PILIPIANG KVDVNG 1:27

Ngoluk turnamlok inamsa:nam kvdvngo:dcm Kristokc tadponc lutaddok arckamotoka, odomvlojen ngo gvla ka:do cdcmanggom du:manggom, ngo noluk agomcm tadbegycpc jc nolu yaloakko:lo kvnggv:la dagdo, asin akkongki tadponc lutaddok mc:jvgdok lcgangc atakkolo:pc,

PILIPIANG KVDVNG 3:16

Ngolu kajc okodcm pa:toji cdcmong aropc gagbomna du:lai.

1 TISSALONIANG 5:13

odokkc bulum airu:pc arckancpc mc:la aya:lo buluk agerkvdv:dok lcgangc. Mcnganna du:toka noluk av-avkc ara:do.

2 TISSALONIANG 2:1

Su:pak ngoluk Ru:tum Jisu Kristokc gvkunamdok agomc odokkc ngoluk Bvm rvgsukapc gvkumsunamdok agomc, ngolu kumna ludung, bvrokvdvnga,

1 TIMOTI: 5:21

Ru:ncpvnckclang Kristo Jisukc odokkc balenna la:nam taycng among lutadlunc kvdv:dok kangkolo ngo nolum lujcmna ludung sc lujvgluro kvdv:scm sckkcpcsin kcmvnsuma:pc lukamdcmpc tadlangka, akonongcm ka:bila okkomsin ibi-gvbima:pc.

2 TIMOTI 4:1

Ngo nom Ru:ncpvnckc ka:de:pc lulvgdung odokkc Kristo Jisukc sc:kobv turnclang sinckvdv:dok kcba:ba:nc, odokkc Bvk lennamdokki odokkc migomdokodokki:

1 PITOR 2:11

Aipc mc:bomsunam kvdvnga, ngo nolum kumna:sola: ludung amikc amonglo du:nc odokkc yc:bomla lcngkunampc adin amvrdok mc:boka:bodcm mcma:pc du:dopc cdc noluk yalo kvdv:dok birudi:pc mimagcm modag.

1 PITOR 5:10

Odokkc nolu adjio:ko ipusire:ycm pangge:la, appvng ayanglok Ru:ncpvncbv, sc:kobv nolum cdc Kristokc lo:dv longkvpc amin gvnamdo:pc gogtonc, Bv avdc mopvtyc, mogabyc, odokkc nolum kvnggv:moyc.