1 JO:N 5:7 - ANU LUGOD N. T. (BSI)

⁷ Odokkc Yalodc lukanbinamc, lcga:dc Yalodc:na arodc.

1 JO:N 5:7 ပူးပေါင်းရင်းမြစ်များ

METIU 28:19

Gvkang cdcmpiga:lok odokkc appvng opvncm agom tadjvgla gvmvnncpc badmota:ka, bulum baptismongcm bila: bila: Abukc odokkc Awodok odokkc Angunnc Yalodok aminno,

2 KORINTIANGKVDVNG 13:14

Ru:tum Jisu Kristokc aya:dc odokkc Ru:ncpnckc aipc mc:namdc odokkc Angunnc Yalodok du:jonnamdc noluk appvngkc lcdulo dungka:langka.

AGER KVDVNG 5:32

Odokkc ngolu odo agomkvdv:dok lukanbinnc, odokkc cdcmv:pc Angunnc Yalodokkc Ru:ncpvncbv sc:kobulum Bvk agom lukamdcmpc tadnckvdv:dcm bitoji.”

JO:N 1:1

Lendo-a:dodo Gomugdc dungai, odokkc Gomugdc Ru:ncpvnckc lcdulo dungai, odokkc Gomugdc Ru:ncpvncbvai.

AGER KVDVNG 2:33

Cdcmpila Ru:ncpvnckc lagbvg alakdo:pc la:sa:langkula:yam, odokkc Abudokkcm Angunnc Yalodok pesubinamdcm pa:la:yam, Bv scm to:lvgtag okodcm nolu ka:begdu:nc odokkc tadbegdu:nc.

1 JO:N 5:6

Cdc Bv sc:kobv asikokkilang i:kokki gvkaji, Jisu Kristobv, asso:dokkimang cmpige:la odokkc asidokkilang i:dokki.

JO:N 8:54

Jisubv lubito, “Ngo avyc amincm gvmosumang, ngok amin gvnamdc okkosinmang, cdc ngok Abudc:mvn sc:ko ngom amin gvmotoji, sc:kobvm noluk Ru:ncpvncbv cmdu:ji.

METIU 17:5

Bv agom luposula du:dodcm, ka:toka cdvlo, kamponc mukkang atakkonc bulum yv:lubto, odokkc mukkang ara:dokkc gomugko lukang, “Sc ngok mc:bomsunam Aowo, sc:kom ngo aipc mc:lvgsudagnc; Bvk agomcm tattoka.”

JO:N 10:30

Ngo:lang Abubv akkongc.”

JO:N 5:26

Kapila:nc Abudokkc kapc avkc turnamc du:ji, cdcmv:pc Awodcmsin bvkkolo turnamc du:dopc Bv bito,

LUNGOR LUNAM 19:13

Bvm i:lo jv:budnam rvbvkokki moru:tag, odokkc oko amindokki bvm gogdagji cdc Ru:ncpvnckc Agomc.

JO:N 12:28

Odo taycng amo:tokkc gomugkko bugyi:kang, “Ngo cdcm amincm gvmoto, odokkc ngo lckoda cdcm amincm gvmoyc.”

JO:N 8:18

Ngo avkcpc avyc lukansudo, odokkc Abudc sc:kobv ngom mclvgtagnc ngom lukanbidag.”

METIU 18:16

Cmpige:la bv nok agom tadma:mvlo, nok lcdulo akomanggom anyiko gvbolang, cdc agom appv:dc arro cmna lenycpc anyikomanggom awum tadkolo appvng lude:sumvlo.

1 JO:N 1:1

Cdc okodc lendoa:dodokkc dunganc, okodcm nolu tattonc, okodcm ngolu ngoluk avkc amikkokki ka:sutonc, ngolu ka:lvgto odokkc ngoluk avkc alakkokki gakkvto,

JO:N 14:17

cdcmangagom Arodok Yalodcmsin, sc:kom rcngamsc torvgsula:ma:ycji, lcga:dc cdc Bvm ka:ma:sin cdcmanggom kinma:sin; nolu Bvm kindag, kapila:nc Bv noluk lcdulo du:mvndag, odokkc noluk lcdulo du:mvnyc.

JO:N 15:26

“Cmpige:la cdvlo Luyirncdc gviycnc, sc:kom ngo nolukkolo:pc Abukodokkc mclvgycnc, cdc arodok Yalodcmcina, sc:kobv Abudokkc gvlendagnc, Bv ngok agomcm lukanbiycpc;

1 JO:N 5:8

Awumko lukan lubinc dung, Yalodc, asidc, odokkc i:dc; odokkc cdc awumdc lckopc ila tolvgmvnsudag.