1 JO:N 5:6 - ANU LUGOD N. T. (BSI)

⁶ Cdc Bv sc:kobv asikokkilang i:kokki gvkaji, Jisu Kristobv, asso:dokkimang cmpige:la odokkc asidokkilang i:dokki.

1 JO:N 5:6 ပူးပေါင်းရင်းမြစ်များ

HIBRIUKVDVNG 9:14

Kristokc i:dc cddvko abaya:pc, sc:kobv lo:dv-longkvpc du:nc Yalodc avdc atvko lumurko kama:pc Ru:ncpvnckolo:pc bisutonc, noluk mc:namsagnamcm narc:moycnc sinam agerkvdv:dokkcm turra du:nc Ru:ncpvncmc agerki kumpc.

JO:N 15:26

“Cmpige:la cdvlo Luyirncdc gviycnc, sc:kom ngo nolukkolo:pc Abukodokkc mclvgycnc, cdc arodok Yalodcmcina, sc:kobv Abudokkc gvlendagnc, Bv ngok agomcm lukanbiycpc;

JO:N 16:13

Cdvlo arodok yalodc gvycnc, Bv nolum appvng arodo:pc gvyirboyc; kapila:nc Bv avkc ilang gvlangkokki agomcm luma:yc, cmpige:la oko okkomci tadycji Bv luyc, odokkc Bv nolum a:pcnc atv agomkvdv:dcm lukanna lubiyc.

HIBRIUKVDVNG 12:24

cdc anu lugoddok pongkokdok dunggurncdc, odokkc crkat i:dcm cdc Abelkc i:dcmpcyam aya:ya:pc ludag.

MARKKC 14:24

Odokkc Bv bulum luto, “Sc ngok i:yc pesula lugodnamdokkc, okodcm bojcrungkc lcgangc pvlenlvgtoji.

JO:N 14:17

cdcmangagom Arodok Yalodcmsin, sc:kom rcngamsc torvgsula:ma:ycji, lcga:dc cdc Bvm ka:ma:sin cdcmanggom kinma:sin; nolu Bvm kindag, kapila:nc Bv noluk lcdulo du:mvndag, odokkc noluk lcdulo du:mvnyc.

LUNGOR LUNAM 7:14

Ngo bvm lubito, “Mcnggcnamma, no kindag.” Odokkc bv ngom luto. “Sc:bulu cdcbulu sc:kobulu cdc bottcru:nc du:g gvnamdokkc gvlennc kvdv:dc; buluk migom gcnam rvbvkvdv:dcm nvpu:to odokkc Me:r Awodok i:do cdcmbulum kampodopc imoto.

LUNGOR LUNAM 5:9

odokkc bulu scmpc lula: lula, anu ni:tomko moto: “No yednam potindcm bompc arc kannc odokkc odok tubjetnam kvdv:dcm mopenpc, Kapcnc nom palvgto odokkc nok i:dokki Ru:ncpvnckc lcgangc tani:kvdv:dcm mogvt momatnamlokkcm rcpvtnato appvng rcngamlokkc odokkc agom lunclokkc odokkc tani:kvdv:lokkc odokkc opvnnokkc.

1 PITOR 1:2

Ru:ncpvnc Abubv balenna odokkc ru:scgla lc:namc odokkc Yalodokki narc:dopc mopu:la Jisu Kristomc lukam taddopc odokkc Bvk i:dokki abkatdopc: Ayangc odokkc mcnganc nolukkolo bojc bojcla dungka:langka.

HIBRIUKVDVNG 13:20

Su:pak mcngannok Ru:ncpvncbv sc:kobv ngoluk Ru:tum Jisumc sikolokkcm la:sa:tokunc me:r sobennok bottcru:nc kanggabya:ncdc, lo:dv-longkvpc du:nc lugoddok i:dokki,

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

LU:KKC 22:20

Ngom mc:pa:la cdcm ilangka” odokkc cdcmv:pc bati:dcm dodag lcdudo, scmpc lula, “Sc bati:scm noluk lcgangc pvlennammc cdc ngok i:kokki anu lugodc.

METIU 26:28

“Cdcm tv:toka, nolu appvngc; Kapila:nc sc lugoddok ngok i:yyc okodcm bojcru:lok pa:bkvdvngcm mc:yinsunam lcgangc pvlentonc.

1 JO:N 1:7

cmpige:la ngolu jodi pva:lo lambcm gvyc, kapc Bv pva:lo du:nc, ngolukkc akonki akonc ajonc jonsunammc dung, odokkc Jisukc Bvk Awodok i:dc ngolum appvng pa:plokkcm la:pakdag.

TITUS 3:5

ngoluk dormokanam ngoluk ainc ager gernamong kokkimang, cmpige:la Bvk avkc mc:yinsunam aipc mc:jongkokkimvn, opvnkvdv:dcm vrpu:namdokki odokkc Angunnc yalodokki anumonamkokki,

IPESIANG KVDVNG 1:7

Bvkkolo ngolukkc arc bila rcpvtnammc Bvk i:dokki dung, ngoluk imurgvmurkvdv:dok lcgangc mc:yinsunamc,

JO:N 6:55

Kapila:nc ngok adinsc aropakpci donamc odokkc ngok i:dc aropakpci tv:namc.

JO:N 4:10

Jisubv bvm luto, “No Ru:ncpvnckc amanpc binamdcm kinya:mvlo, odokkc sc:kobvi nom, Asiko tv:pc bi:pcn cmna kodu:song, no Bvm tawuya:pc, odokkc Bv nom turyarla du:nc asidcm biya:pc.”

JO:N 3:5

Jisubv lubito “Aro-aroru:pc, ngo nolum lubidung, akoncm asiloklang Yalodokki okuma:sisscm, bv Ru:ncpvnckc migom doko mo:pvdo:pc gva:a:ma:yc.

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

1 PITOR 3:21

Buptisma la:namdc, okodc sokkokki dungkonsudagnc, su:pak nolum mopvtdag, cdc amvrdokkcm koiyangcm mopu:sunamcmpcmang cmpige:la Ru:ncpvnckolo:pc kumna:sola lukamcmpc narc:pc mcngcsagcla mc:namcpmc,

HIBRIUKVDVNG 10:29

cddvko bojcya:pc palvgcm pa:pcnamcm sc:kobv Ru:ncpvnckc Awodcm mc:yamc:sancdc, odokkc lugoddok i:dcm narc:ma:pc imoncdc okodokki bvm narc:motagaji, odokkc aya:nc Yalodcm ipusire:ncdcm?

HIBRIUKVDVNG 9:7

cmpige:la akono:do:pc dormo ager gerncdc gvdag, odokkc cmpige:la Bv dv:taklo lckkongko, odokkc i:ycm la:mango:pcmang okodcm bv bvk avk lcgango:pc bidoji odokkc tani:kvdv:dok imurnamkvdv:dok lcga:pc.

KOLOSIANG 1:4

lcga:dc ngolu taddung noluk Kristo Jisukolo mc:jvgnam odokkc noluk aipc mc:namdcm appvng aipc kumnc tani:kvdv:dok lcgangc.

ROMANKVDVNG 3:25

sc:kom Ru:ncpvncbv porasit inckoncmpc bvk i:dokki topolvgtoji, mc:jvgkokki torvgsunamdcmpc. Cdc Ru:ncpvnckc dormo kanamdcm lcngkampc, kapcnc Bvk taycng among oila dunggcnamdokki Bv po:pckc inam pa:b kvdv:dcm gvbo:la gvkang;

AGER KVDVNG 8:36

Odokkc bulu asiko gvpa:suto, odokkc magma:ncdc luto, “Ka:toka, sc:na assc du:nc!

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

1 JO:N 4:10

Odo aipc mc:namdo ngolujc Ru:ncpvncmc aipc mc:to cmmang cmpige:la jc Bv ngolum aipc mc:to odokkc Bvk Awodcm ngoluk pa:p lcngangc palvgnapc inapc cmna.

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

METIU 3:16

Odokkc Jisumc baptismo bitoncm, Bv asidokkc oddung daroptoku, odokkc ka:toka, taycngamo:tok yabgokvdv:dc moge:kang odokkc Ru:ncpvnckc Yalodc pckv pcttangkoncmpc dc:yi:dopc Bv ka:to odokkc Bvk avkc tayc:do dcnggabdopc ka:to;