4 Kapcnc okodci Ru:ncpvnckolokkc lenncnc rcngamscm mopvla:dag; odokkc cdcna rcngamscm mopvnamdc, ngoluk mc:jvgdc.
sc:kobulu i:kokki cdcmanggom adin-amvrkokkisinmang cdcmanggom tani:mc:ngkamdcmpc onammang, cmpige:la Runcpvnckokki onamcji.
Ngo scm nolum lubitu:bong, ngokkolo mc:pomcnganc nolukkcjen du:ycpc. Rcngamso nolukkc kvnggv:pc mc:dvrc dung; ckvdaggom aipc mc:potoka, ngo rcngamscm mopvto.”
Jisubv bvm lubito, “Aro-aroru:pc, ngo nolum lubidung, akoncm anupc otenkuma:-sisscm, bv Ru:ncpvnckc migom doko mo:pvdcm ka:begma:yc.”
Cmpige:la Ru:ncpvncmc aipai bitoka, sc:kobv ngolu Ru:tum Jisukokki mopvnammcm bidagji.
Jodi nolu kindo jc Bv dormokannc, nolu aroru:pc mc:sula:yc jc ainc agercm sc:kobvi gerdonc Bvkkolok onamc.
Ru:ncpnckolokkc onam sc:kosin pa:bcm imang; kapcnc Ru:ncpvnckc mcngkamgvkamdc bvkkolo du:mvndag, odokkc bv pa:bcm ila:mang lcga:dc bv Ru:ncpvncklokkc lennc.
Ameo:nc ommangkvdvnga, nolu Ru:ncpvnckc, odokkc cdcmbulum mopvtobong; kapcnc nolukkolo sc:kobv du:nc rcngamso sc:kobv du:ji cdcm bottcya:dag.
Appvngc sc:kobvi Jisumc Kristobv cmna mc:jvgdonc Ru:ncpvnckc ommangc, odokkc appvngci anc abbom aipc mc:ncdc omma:dcm aipc mc:dag.
Ngolu kindag jc akonc Ru:ncpvnckolokkc lenncdci pa:bcm imang, cmpige:la sc:kobv Ru:ncpvnckolokkc lenncji Bvm gagla du:dag, odokkc aima:ncdc Bvm gakkvmang.
Sc:kobv:n cdc rcngamscm mopvncdc jc Jisumc Ru:ncpvnckc Awodc cmna mc:jvgncdcma:mvlo?
Odokkc bulu bvm Awo Me:rdok i:dokki bulu mopvto odokkc buluk lukan lubinam agomkvdv:dokki, kapcnc bulu buluk turnam kvdv:dcm sidodo:pci aipc mc:tomang.
Odokkc ngo ka:to okodc siycng arscmpc ka:dagji vmvkokki lckola, odokkc cdc sc:kobulu simvndcm mopvttoji odokkc odok monam moima:dcm odokkc odok amindok kvnam kvdv:dcm, siycng arsidok ru:yido dagla du:dopc buluk alagkvdv:do Ru:ncpvnckc be:langcm bomla.
Sc:kokc yerungc du:ji, bvm tadmotoka okodcm Yalodc mondoli:dcm ludagji. Sc:kobv mopvdoji lckon sinamdokki sikuma:yc.
“Sckkc yerungc du:ji, bvm tadmotoka okodcm Yalodc mondoli:kvdv:do ludagji Bvkkolo:pc sc:kobv mopvycji ngo lc:sula lc:nam manna:dcm biyc, odokkc ngo bvm kamponc vlvngcm biyc, vlv:do anu amin annamko okodcm sc:ko pa:ycji bv:ma:mvlo sc:kosin kinma:yc.
Sc:kobv mopvycji odokkc sc:kobv ngok agercm du:tcrdo:pc gerycnc, ngo bvm angu opvnkvdv:dcm mopvla:nanc tornamcm biyc,
“Sc:kokc yerungc du:ji, bvm tadmotoka okodcm Yalodc mondoli:kvdv:dcm ludagji. “Sc:kobv mopvdagji ngo bvkkcpc turnamdok vsvnga:ycdcm biyc, okodc Ru:ncpvnckc taycng among ba:ri:do du:ji.
Sc:kobv mopvycji, ngo bvm ngok Ru:ncpvnckc kumko okumdok kuntapc moyc; cdvlosin bv odokkc gvlenkuma:yc, odokkc ngo bvkkolo ngok Ru:ncpvnckc amincm adlvgyc, odokkc ngok Ru:ncpvnckc nogordok amindcm, cdc anu Jerusalemdcm okodc ngok Ru:ncpvnckc taycng amongtokkc gvidagji, odokkc ngok avkc amincm.
Sc:kobv mopvdonc, ngo bvm ngok migom dungkodo du:mvndopc du:mvnmoyc, kapc ngo avycsin mopvtoji odokkc ngok Abudokki bvk migom dungkodo teddoji.
Sc:kobv mopvycnc kampopc attarcm gcyc, odokkc ngo bvk amincm turnc kvdv:dok potindokkcm notpakma:yc; ngo bvk amincm ngok Abukc kcra:do odokkc bvk taycng among lutad lunckvdv:do lukanbiycku.