1 JO:N 5:3 - ANU LUGOD N. T. (BSI)

³ Kapcnc cdcna Ru:ncpvnckc aipc mc:namdc, jc ngolu Bvk lulvg lunam kvdv:dcm gagdo. Odokkc Bvk lulvg lunam kvdv:dc jo:la:ma:pc inammang.

1 JO:N 5:3 ပူးပေါင်းရင်းမြစ်များ

JO:N 14:15

“Nolu ngom aipc mc:mvlo, nolu ngok kvnggv:pc lulvgnam agom kvdv:dcm lukamdcmpc iyc.

JO:N 15:10

Nolu ngok lulvgnam agomkvdv:dcm mcnggabla tadmvlo, nolu ngok aipc mc:namdo du:tvyc, ngok Abukc lulvgnam agomkvdv:dcm mcnggabla tadkamardcmpc odokkc Bvk aipc mc:namdo du:do.

2 JO:N 1:6

Odokkc sc:na aipc mc:namdc, jc ngolu Bvk lulvg lunamdcm lukamdcmpc gvmvndo; cdcna lulvg lunamdc, kapc nolu lendo dokkcbong tattoji, jc nolu aipc mc:namcm lukamdcmpc gvmvnnangka.

1 JO:N 2:3

Odokkc sokkokki ngolu arorung mc:sula:ycpc jc ngolu Bvm kindag, jodi ngolu Bvk lulvgkvdv:dcm gagla du:yc.

ROMANKVDVNG 7:22

Kapila:nc ngo Ru:ncpvnckc lujvglurodo mc:po mcngando, ngok aipc arangkc amibokki,

JO:N 15:14

Nolu ngok ajonc ngok lulvgnam kvdv:dcmpc tadla nolu imvlo.

HIBRIUKVDVNG 8:10

Sc:na Israel okum cra:dokki lugoddcm luycnc ngo odo longckvdv:dok lcdulo, Ru:tumbv ludag ngok lujvg lurrom buluk asin ara:do lvgyc, odokkc buluk asin ara:do adyc, odokkc ngo buluk Ru:ncpvncpc iyc, odokkc bulu ngok tani:pc iyc.

ROMANKVDVNG 7:12

Cdcmpila lujvglurodc angudag, odokkc kvnggv:pc lulvgnamdc angudag odokkc aropc kcba: ba:dag odokkc aidag.

METIU 23:4

Bulu i:dnc jo:nam kvdv:dcm ragdag, jo:pc jo:la:mang, odokkc cdcmbulum tani: gordu:lo jo:lvgdag; ckvdaggom bulu avkvdv:dc buluk lakke:kokkisinci kingkvmang.