1 JO:N 5:20 - ANU LUGOD N. T. (BSI)

²⁰ Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

1 JO:N 5:20 ပူးပေါင်းရင်းမြစ်များ

JO:N 17:3

Odokkc cdcna turyarla turnamdc, jc bulu nom kindag nowong aro Ru:ncpvncdc cmna, odokkc Jisu Kristomc sc:kom no mclvgtagnc.

LU:KKC 24:45

Odo Bv Ru:ncpvnckc agom adgabnam kvdv:dcm mcngkindopc buluk asinkvdv:dcm mcngkinmoto,

JO:N 14:9

Jisubv bvm lubito, “Ngo siddv longcko du:mvnma:lang, odokkc ckvdaggom nolu ngom kinmang, Pilipa? Sc:kobv ngom ka:tobo:nc Abubvmci ka:tobong; no kapc lula:don, ‘Ngolum Abudcmci lcngkanteika cmna?

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

1 JO:N 5:1

Appvngc sc:kobvi Jisumc Kristobv cmna mc:jvgdonc Ru:ncpvnckc ommangc, odokkc appvngci anc abbom aipc mc:ncdc omma:dcm aipc mc:dag.

JO:N 20:28

Tomabv Bvm lubito, “Ngok Ru:tumclang ngok Ru:ncpvnna!”

LUNGOR LUNAM 3:7

“Odokkc Piledelpia:dok taycng among lutad lunckvdv:do:pc: “Angunncdok agomkvdv:dcm, cdc aronc akodokkcm, sckkc Dawidkc sabi:dc du:ji, sc:kobv moge:dagji odokkc sc:kobv:sin mokapla:maji, sc:kobv mokapdagji odokkc sc:kobv:sin moge:la:mang.

1 JO:N 4:16

Cdcmpidag ngolu kindag odokkc mc:jvgtoka Ru:ncpvnckc ngoluk lcgangc aipc mc:namc dung. Ru:ncpvncbv aipc mc:namc, odokkc sc:kobv aipc mc:namlo du:mvndoji Ru:ncpvnckolo du:do, odokkc Ru:ncpvncbv Bvkkolo du:do.

ROMANKVDVNG 9:5

odokkc bulukkc lenpo:nc tani:kvdv:dc, odokkc buluk ope:kvdv:dc, adinamvrpc, Kristokolo. Ru:ncpvncbv sc:kobv appvngcm bottcya:n akirba:d pa:ncpc lo:dv:pc ika:langka. Amen.

JO:N 10:30

Ngo:lang Abubv akkongc.”

1 JO:N 4:2

Odokki nolu Ru:ncpvnckc yalodcm kinycpc: appvng yallo okodc lude:sudagji jc Jisu Kristobv adinamvrpc gvika cmna cdc Ru:ncpnckc,

1 JO:N 2:6

Sc:kobv ludonc ngo Bvk dungkolo du:mvndo Bvk gvko lambcdok bv:sin gvmvnpcnamc.

HIBRIUKVDVNG 1:8

Cmpige:la Awodok agomcm bv ludag, “Nok migom dungkodc, O Ru:ncpvnc, lo:dv longkcm du:yc! Dormo kanc migom ilang–gvla:namdc nok migom doko mo:pvdok ilanggvla:nammc.

TITUS 2:13

cdc ngoluk bottcnc Ru:ncpvnc odokkc Moturnc Jisu Kristobv lenkunamdc,

AGER KVDVNG 20:28

okodo Angunnc Yalodcm nolum kanggabya:ncpc itu:ji, Ru:ncpvnckc mondoli:dcm ka:sv:mosv:dopc okodcm bv Avkc Awodok i:kokki pa:tokuji.”

JO:N 17:14

Ngo bulum nok agomcm bitobong; odokkc rcngamso bulum tayumto lcga:dc bulu mo:pvsokkcpc imangga:lok, ngo:sinci rcngamsokkcpc imangkammcmpc.

LUNGOR LUNAM 19:11

Odo ngo taycng amo:tcm moge:dopc ka:to, odokkc ka:toka, kamponc gure: adorkonc! Sc:kobv odok tayc:do teddagji ludag Mc:jvgjvrvgdag odokkc Arro, odokkc dormokanamlo bv kcbangcm ba:dag odokkc mimagcm modag.

LUNGOR LUNAM 15:3

Odokkc Mose:kc ni:tomdcm modag, cdc Ru:ncpvnckc ager gerya:ncdcm, odokkc scmpc Me:r Awodok ni:tomdcm lula:lula: “Bottcru:nc odokkc mc:la mcngapla:ma:namdc nok agerkvdv:dc, O Ru:tum Ru:ncpvnc Appvngcm ilang-gvla:ncdc! Aropc kcbang ba:namc odokkc nok lambc kvdv:dc arodag, O: dv:takloksin dv:tak kvdv:dok Migom!

LUNGOR LUNAM 6:10

bulu bottapakpc jcla lusangkang, “O: Appvngcm bottaya:nc Ru:tuma, angunnc odokkc arro, cddvkojc po:pcbong no kcbangcm ba:ycnc odokkc ngoluk i:ycm palvgcm lvgyckunc cdc sc:kobulu mo:pvsok tayc:so du:ycdagycji?”

LUNGOR LUNAM 3:14

“Odokkc Laodikia mondoli:dok taycng among lutad luncdo:pc adtoka: ced A:mendok agomkvdv:dcm cdc mc:jvg jvrvgncdokkc odokkc aro lukanbincdokkcm, cdc Ru:ncpvnckc ru:lenamdokkc.

1 JO:N 4:14

Odokkc ngolu ka:tobong jc lukancm lubitu:bong jc Abudc Rcngamsok Mopvtncpc idopc Bvk Awodcm mclvgto.

PILIPIANG KVDVNG 3:9

Cdcmpc ipc cmna jc ngo Kristomc avpc pa:pc odokkc bvkkolo pa:supc, ngok avkc dormo kanamkokkimang, lujvg-lurodokki, cmpige:la jc okodc Kristokolo mc:jvgnamkokkipak, Ru:ncpvnckolokkc dormokanamdc cdc mc:jvglo togcsudag.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

JO:N 15:4

Ngok dungkolo du:mvnnangka, odokkc ngo nolukkolo du:mvnyc. Rcngke:dc avyc kapc a:yc e:sula:ma:nc, angur amv:lo cdc sanggabmvnna du:ma:sisscm, nolusin e:la:mang, ngokkolo nolu du:ma:mvlo. Ngo angur amv:dc, nolu rcngke:kvdv:dc.

JO:N 14:23

Jisubv bvm lubito, “tani: akonc ngom aipc mc:mvlo, bv ngok gomug kvdv:dcm taddag, odokkc ngok Abubv bvm aipc mc:yc, odokkc ngolu bvkkolo:pc gva:yc odokkc ngolu bvm lckko:pc du:bosuyc.

JO:N 14:20

Odo longcdo nolu kinycpc ngo:jc ngok Abukolo du:dag cmna, odokkc nolu ngokkolo, odokkc ngo nolukkolo.

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

JO:N 1:18

Sc:kosin cdvlosin Ru:ncpvncmc kangkvmang; Awo atcrdcwong; sc:kobv Abudok kcra:do dungkuji, Bv Bvm kinapmoto.

LU:KKC 21:15

Kaila:nc ngo nolum nappangkala kinnamko biyc, okodcm noluk agom tadma:pc lunc akosin lurasula:ma:yc cdcmanggom lukepla:ma:ycji.

METIU 13:11

Odokkc Bv bulum lubito, “Nolukkcpc taycng amo:tok migom mo:pvdok lc:sula lc:nam agom kindopc lubitagbong, ckvdaggom bulum cdcm bima:da.

1 JO:N 2:24

Okodcm nolu lendodokkcbong tadtoji du:mvmka:langka. Jodi nolu okodcm dunga:dodokkc tadtonc nolukkolo du:mvntvyc, odo nolu Awodo odokkc Abudo du:mvntvyc.

IPESIANG KVDVNG 3:18

Appvng aipc kumnc tani:kvdv:dokki lckopc mcngkvsuycpc okodc pontadc:nc, araidc:nc, owudc:nc, odokkc o:rv:dcnc.

2 KORINTIANGKVDVNG 5:17

Cdcmpidag, jodi sc:kaiyc Kristokolo du:nc bv anupc ru:namc; akudc katoma:bong, ka:toka, anudc a:du:bong.

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

JO:N 17:25

O dormokanc Abu, rcngamsc nom kintobong, cmpige:la ngo nom kinto; odokkc sc:bulu kindagjc no ngom mclvgtag.

JO:N 8:42

Jisubv bulum lubito, “Ru:ncpvncbv noluk Abuya:mvlo, nolu ngom aipc mc:ya:pc, kapcnc ngo Ru:ncpvnc kolokkc lennc odokkc gvnnc; ngo avkc mcngkampc gvmang, cmpige:la Bv ngom mclvgtung.

1 JO:N 2:23

Sc:koi Awodcm lupakdagji Abudc bvkkolo kamang. Sc:kobv Awodcm arro cmna ludonc Abudc:sin dung.

1 JO:N 5:5

Sc:kobv:n cdc rcngamscm mopvncdc jc Jisumc Ru:ncpvnckc Awodc cmna mc:jvgncdcma:mvlo?

1 JO:N 5:15

Odokkc ngolu jodi kindo jc Bv ngolum taddag okodcmci ngolu koycji, ngolu kindag jc ngolu Bvkkolo:pc kumna lunamdcm pa:tobong.

1 JO:N 5:18

Ngolu kindag jc akonc Ru:ncpvnckolokkc lenncdci pa:bcm imang, cmpige:la sc:kobv Ru:ncpvnckolokkc lenncji Bvm gagla du:dag, odokkc aima:ncdc Bvm gakkvmang.