1 JO:N 5:18 - ANU LUGOD N. T. (BSI)

¹⁸ Ngolu kindag jc akonc Ru:ncpvnckolokkc lenncdci pa:bcm imang, cmpige:la sc:kobv Ru:ncpvnckolokkc lenncji Bvm gagla du:dag, odokkc aima:ncdc Bvm gakkvmang.

1 JO:N 5:18 ပူးပေါင်းရင်းမြစ်များ

METIU 5:37

No okkom ludonc cdc ‘Cdcmpc’ cdcmanggom cdc cdcmpcmang cmtoka; odokkc lubarnam atv appv:dc papi:nckvdv:dokkc lendo.

METIU 6:13

Odokkc ngolum ka:bomc:bokolo:p gvboyoka, cmpige:la ngolum aima:nc yalodokkcm moya:langka.

JO:N 1:13

sc:kobulu i:kokki cdcmanggom adin-amvrkokkisinmang cdcmanggom tani:mc:ngkamdcmpc onammang, cmpige:la Runcpvnckokki onamcji.

JO:N 14:30

Ngo bojckoda noluk lcdulo agom luposuma:ycbong, kapila:nc rcngamsok migom doncdc gva:dobong. Bvkkc ngok tayc:lo mopvla:namc kamang;

JO:N 15:4

Ngok dungkolo du:mvnnangka, odokkc ngo nolukkolo du:mvnyc. Rcngke:dc avyc kapc a:yc e:sula:ma:nc, angur amv:lo cdc sanggabmvnna du:ma:sisscm, nolusin e:la:mang, ngokkolo nolu du:ma:mvlo. Ngo angur amv:dc, nolu rcngke:kvdv:dc.

JO:N 15:7

Nolu ngok dungkolo du:mvnmvlo, odokkc ngok gomung kvdv:dc nolukkolo du:mvnmvlo, nolu okkomci madoji kotoka, odo cdcm noluk lcgangc ibiycpc.

JO:N 15:9

Abudc ngom kapc aipc mc:ton, cdcmv:pc ngo:sin nolum aipc mc:to; ngok aipc mc:namdo du:langka.

AGER KVDVNG 11:23

Cdvlo bulu gvla Ru:ncpvnckc ayangcm ka:begtoji, bv mc:pokang; odokkc Ru:tummc mc:jvgla du:ncpc idopc luyircm luto lo:dvscm mc:la gvangkunamdcmpc du:dopc;

JAKOB 1:18

Bvk avkc mc:suki bv ngolum aro agomdokki langa:toku jc ngolu e:pongarnc a:yckvdv:dok akoncmpc Bvk ru:pongarnam kvdv:dokkc.

JAKOB 1:27

Ru:ncpvnckc odokkc Abudok kcra:lo narc:nc odokkc imur siyarma:nc dormodc sc: anc abu kama:nckvdv:dcm buluk du:g gvddom kangkapc gvnamc odokkc tumbonc:ng kvdv:dcm buluk du:ggvddom, odokkc rcngamsokkc akonc narc:pc:sc:pc du:sunamdc.

1 PITOR 1:23

Nolum anupc otungkubong, yogpakpcnc ammolokkcmang cmpige:la yogpakma:nc-kokki,

1 JO:N 2:29

Jodi nolu kindo jc Bv dormokannc, nolu aroru:pc mc:sula:yc jc ainc agercm sc:kobvi gerdonc Bvkkolok onamc.

1 JO:N 3:12

odokkc Kainkcmpc ipcnammang sc:kobv aima:ncdokka:nc odokkc bvk bvrodcm mokesutonc. Odokkc kapila bv bvm moketon? Lcga:dc bvk avkc agergvdv:dc aimangai odokkc bvk bvrodokkcdc dormokadagai.

1 JO:N 3:3

Odokkc appvngc sc:kobulu cdcmpc mc:tinna du:doji Bvkkolo avyc Bv narc:modag Bv kapc narc:dagji.

1 JO:N 3:9

Ru:ncpnckolokkc onam sc:kosin pa:bcm imang; kapcnc Ru:ncpvnckc mcngkamgvkamdc bvkkolo du:mvndag, odokkc bv pa:bcm ila:mang lcga:dc bv Ru:ncpvncklokkc lennc.

1 JO:N 4:6

Ngolu Ru:ncpvnckc. Sc:kobvi Ru:ncpvncmc kindagji ngoluk agomcm taddag, odokkc sc:kobv Ru:ncpvnckcma:ji ngoluk agomcm tadmang. Odokki ngolu arodok yalodcmlang imur incdok yalodcm kindag.

1 JO:N 5:1

Appvngc sc:kobvi Jisumc Kristobv cmna mc:jvgdonc Ru:ncpvnckc ommangc, odokkc appvngci anc abbom aipc mc:ncdc omma:dcm aipc mc:dag.

1 JO:N 5:15

Odokkc ngolu jodi kindo jc Bv ngolum taddag okodcmci ngolu koycji, ngolu kindag jc ngolu Bvkkolo:pc kumna lunamdcm pa:tobong.

1 JO:N 5:19

Ngolu kindag jc ngolu Ru:ncpvnckc, odokkc rcngam appv:sc aima:ncdok ilang gvla:lo dung.

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

1 JO:N 5:21

Ameo:nc ommangkvdvnga, nolu avyc moimang kvdv:dokkc gc:rla du:langka.

1 JO:N 5:4

Kapcnc okodci Ru:ncpvnckolokkc lenncnc rcngamscm mopvla:dag; odokkc cdcna rcngamscm mopvnamdc, ngoluk mc:jvgdc.

JU:D 1:21

nolu avyc Ru:ncpvnckc aipc mc:namlo du:sulangka; Ru:tum Jisu Kristokc lo:dcm du:tvnc turnamdcm pa:ma:dodo:pc toya:la du:langka.

JU:D 1:24

Su:pak Bvkkolo:pc sc:kobv nolum oledma:dopc du:bodagnc odokkc nolum Bvk amin gvkodc mc:po mc:pola atv imurko kama:dopc gva:mola:dagnc, cdc Ru:ncpvnc akko:do:pc,

LUNGOR LUNAM 2:13

Ngo kindag no okolo dagdoji, okolo Satan migom dungkodc:ji; Antipaskc longcdo ngom lukan lubinamdo:sinci no ngok amincm gagtvla dung odokkc no ngok mc:jvgcm lupaksutomang, ngok mc:jvgnc okodc sc:kom nolukkolo moketoji, okolo uidc du:doji.