1 JO:N 5:13 - ANU LUGOD N. T. (BSI)

¹³ Ngo scm nolukkolo:pc addung sc:kobulu Ru:ncpvnckc Awodok aminno mc:jvgdagji, jc nolu kinycpc jc nolukkc lo:dvlongkvpc turnamc dung.

1 JO:N 5:13 ပူးပေါင်းရင်းမြစ်များ

JO:N 20:31

ckvdaggom scmbulum Jisu Kristomc mc:jvgycpc cmna adto, Ru:ncpvnckc Awodcm, odokkc mc: jvgla nolu jen Bvk aminno turnamcm pa:ycpc cmna.

JO:N 1:12

Cmpige:la Bvm torvgsunc appv:dc, Bvk aminnok mc:jvgnc kvdv:dc, Ru:ncpvnckc omma:pc ilang-gvlangcm bito;

1 JO:N 3:23

Odokkc sc Bvk Awo Jisu Kristokc aminno mc:jvgpcnamc odokkc akoncm akonc aipc mc:pcnammc, kapc bv ngolum lulvgla lutoji.

JO:N 3:18

Sc:kobv Bvm mc:jvgdonc aimang cmmang; sc:kobv Bvm mc:jvgma:nc kcba:lo aimang cmtoibong, kapila:nc bv Ru:ncpvnckc Awo atcrdok aminno mc:jvgtomang.

1 JO:N 2:21

Ngo nolukkolo:pc addung, nolu arodcm kinmang cmna:mang, cmpige:la lcga:dc nolu cdcm kinga:lok, odokkc kinnangka jc oko lume:namcsin arodokkcmang.

GALATIANG KVDVNG 4:6

Odokkc nolu awa:pc inamc, Ru:ncpvncbv Bvk Awodok Yalodcm noluk alakkvdv:do:pc mca:lvgto, jc:la lula, “Abba! Ba:ba!”

1 JO:N 5:10

Sc:kobv Ru:ncpvnckc Awodo mc:jvgtonc bvk avyvngkolo lukanbinamdc dung. Sc:kobv Ru:ncpvncmc mc:jvgma:nc, Bvm lume: lunckopc ludag, lcga:dc bv Ru:ncpvnckc lukanbinamdcm mc:jvgtomang jc Ru:ncpvncbv Bvk Awodcm lubinamdcm.

1 JO:N 2:1

Ngokkc adji:onc ame:yo:nc ommang kvdvnga, ngo scm nolukkolo:pc addung odomvlojen nolu pa:bcm ima:ycpc; cmpige:la jodi sc:kaiyc pa:bcm iyc, ngolukkc Abudcm lubiya:ncko dung, Jisu Kristobv dormokancdc;

1 JO:N 1:4

Odokkc ngolu sc do:jvgscm addung jc ngoluk mc:podc pv:danycpc.

1 PITOR 5:12

Silbanu kolokkc, aipc mc:jvg jvrvgnc bvrokopc kapc ngo mcnggabdagnc bvm, ngo nolukkolo:pc andcngo:pc adtobong, luyirra lula odokkc lulenbila jc cdc Ru:ncpvnckc aropc ayangdc; oddong nolu du:di:di:la du:toka.

2 KORINTIANGKVDVNG 5:1

Kapila:nc ngolu kindag jc ngoluk mo:pvsok tombu okumdc jodi omvgyc, ngolukkc Ru:ncpvnc kolokkc monam okumko dung, alakkokki moma:nam okumko, lo:dvpc taycng amo:to du:ncko.

AGER KVDVNG 4:12

Odokkc sckkolo:sin motur turnamc kamang, kapila:nc taycng kcyvgso oko amincsin kamang tani:kvdv:dok ara:lo okodokki ngolu mopvsupcnammcji.”

JO:N 2:23

Cdcmpidodcm Bv Jerusalemdo Gvbo:la Gvnamdok donam tv:namdcm dododcm, Bvk aminno bojcrungc mc:jvgto cdvlo Bvk kanggod inamkvdv:dcm ka:toji;

1 JO:N 2:26

Ngo scm nolukkolo:pc addung cdc sc:kobulu nolum yadycnc buluk agomcm;

AGER KVDVNG 3:16

Odokkc bvk amindc, bvk amindcm mc:jvgkokki, sc aminscm tormotoku sc:kom nolu ka:begdu:nc odokkc kindu:nc; odokkc Jisukokki mc:jvgnamdc:na okodc sc amiscm aiyo:pc ainc amvr-ammom bitokunc noluk appvngkc kcra:do:pc.

JO:N 21:24

Cdcna agom tadjvgla gvmvnncdc sc:kobv cdc agomkvdv:dok lukamcm lubidu:ji, odokkc sc:kobv agomkvdv:scm adtu:ji odokkc ngolu kindag jc Bvk lukanbinamdc arro.

JO:N 5:24

Aroru:pc, aroru:pc, ngo nolum lubidung, sc:kobv ngok gomugcm tadge:la Bvm mc:jvgdagnc sc:kobv ngom mclvgtagnc, turyarla turnamc dung; bv kcbang bangkolo gvangkumang, cmpige:la sikolokkc turnamlo:pc gvbatsutokubong.

1 JO:N 2:25

Odokkc cdcna okodcm Bv ngolum pesubitonc, lo:dvnscm du:tvnc turnamdc.

1 JO:N 4:9

Odokki Ru:ncpvnckc aipc mc:namdcm ngolukkolo lenmoto, jc Ru:ncpvncbv Bvk avkc Awo atcrdcm rcngamso mclvgtungai, odomvlo jen ngolu Bvkkokki turra du:ycpc.

1 JO:N 5:11

Odokkc sc:na lukanbinamdc, jc Ru:ncpvncbv ngolum lo:dvlongkvpc turnamdcm bito, odokkc cdc turnamdc Bvk Awodo dung.

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.