1 JO:N 4:9 - ANU LUGOD N. T. (BSI)

⁹ Odokki Ru:ncpvnckc aipc mc:namdcm ngolukkolo lenmoto, jc Ru:ncpvncbv Bvk avkc Awo atcrdcm rcngamso mclvgtungai, odomvlo jen ngolu Bvkkokki turra du:ycpc.

1 JO:N 4:9 ပူးပေါင်းရင်းမြစ်များ

MARKKC 12:6

Bvkkc ckvdaggom akoda dungai, airu:pc mc:bomsunam awoko; lcddardo bvm bulukkolo:pc mclvgto, scmpc lula, ‘Bulu ngok awoscm mcnggcru:ycpc;’

LU:KKC 4:18

“Ru:tumkc Yalodc ngokkolo dung, kapila:nc Bv ngom opannckvdv:dcm tadponc do:yv:dcm lutaddopc vrtung. Bv ngom makana:lo lvgla lc:namkvdv:dcm mclvgkunamcm odokkc miglunckdv:dcm ka:begkunamcm lutaddopc ngom mclvgtag, sc:kobulum nv:jcmna lc:tagnc bulum motudokupc,

JO:N 10:10

Dopsongkvdv:dc dopsongkapclang mokekapc odokkc mopen-moyenkapc gvdag; Ngo gvka bulujen turnamcm pa:ycpc cmna, odokkc cdcm pv:se-pv:yedopc pa:ycpc cmna.

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

JO:N 3:16

Kapila:nc Ru:ncpvncbv mo:pvscm cddvpcjc aipc mc:tonc Bv avkc atcr Awodcm bito, Bvm mc:jvgnc takamci sima:yc cmpige:la turyarla turla du:namcm pa:yc.

JO:N 3:18

Sc:kobv Bvm mc:jvgdonc aimang cmmang; sc:kobv Bvm mc:jvgma:nc kcba:lo aimang cmtoibong, kapila:nc bv Ru:ncpvnckc Awo atcrdok aminno mc:jvgtomang.

JO:N 5:23

appvngcjen Awodcm mcnggcm mcnggcsudopc, bulu Abudcm mcnggcm mcngkamv:pc. Sc:kobv Awodcm mcnggcm mc:ma:ycnc Abudcm mcnggcm mc:mang sc:ko Bvm mclvgtu:ji.

JO:N 6:29

Jisubv bulum lubito, “Ru:ncpvnckc agerdc scmpcna, jc sc:kom Bv mclvgtagji nolu Bvm mc:jvgtoka.”

JO:N 6:51

Ngo:na turnc donamdc okodc taycng amo:tokkc gvidu:ji; sc:koiyc akonc sc donamscm domvlo, bv lo:dvscm turyc: odokkc mo:pvsok lcgangc turnam bipcnam donamdc ngok adinc.”

JO:N 6:57

Turra du:nc Abudc kapc ngom mclvgtoji, odokkc ngo Abukc lcgangkokki turdu:nc, cdcmpc sc:kobv ngom doycnc ngok lcgangkokki turyc.

JO:N 8:29

Odokkc sc:kobv ngom mclvgtagji ngok lcdulo dung; Bv ngom atcrc mcpakmang, kapila:nc ngo lo:dvscm Bv okodcm mc:podagji ido.”

JO:N 8:42

Jisubv bulum lubito, “Ru:ncpvncbv noluk Abuya:mvlo, nolu ngom aipc mc:ya:pc, kapcnc ngo Ru:ncpvnc kolokkc lennc odokkc gvnnc; ngo avkc mcngkampc gvmang, cmpige:la Bv ngom mclvgtung.

JO:N 9:3

Jisubv lubito “Sc tani:sc:jc pa:bcm itonc cdcmang, cdcmanggom bvk anc-abudc:sinmang, cmpige:la Ru:ncpvnckc agerkvdv:dcm bvkkolo ka:begamycpc cmna:mvn.

ROMANKVDVNG 8:32

Sc:ko Bv Bvk avkc Awodcm cmmumpc mctoma:ji cmpige:la ngoluk appvngkcpc bipaktonc, Bv ngolum appvng attarcm Bvkkokki bima:yclang?

HIBRIUKVDVNG 1:5

Kapcnc taycng lutad lunckvdv:dc lekelokkcbong Ru:ncpvncbv sc:kom okkomna lukanc, “No ngok Aowo, Silo ngo nom otobong?” Cdcmanggom lckoda, “Ngo Bvkkcpc abukcpc badyc, odokkc Bv ngokkcpc awokopc iyc?”

1 JO:N 3:16

Odokki ngolu aipc mc:namcm kindag, jc Bvk turnamcm ngoluk lcgangc tolvgto; odokkc ngoluk turnam kvdvngcm bvrokvdv:dok lcgangc tolvgpa:do.

1 JO:N 4:10

Odo aipc mc:namdo ngolujc Ru:ncpvncmc aipc mc:to cmmang cmpige:la jc Bv ngolum aipc mc:to odokkc Bvk Awodcm ngoluk pa:p lcngangc palvgnapc inapc cmna.

1 JO:N 4:16

Cdcmpidag ngolu kindag odokkc mc:jvgtoka Ru:ncpvnckc ngoluk lcgangc aipc mc:namc dung. Ru:ncpvncbv aipc mc:namc, odokkc sc:kobv aipc mc:namlo du:mvndoji Ru:ncpvnckolo du:do, odokkc Ru:ncpvncbv Bvkkolo du:do.

1 JO:N 5:11

Odokkc sc:na lukanbinamdc, jc Ru:ncpvncbv ngolum lo:dvlongkvpc turnamdcm bito, odokkc cdc turnamdc Bvk Awodo dung.

1 JO:N 5:13

Ngo scm nolukkolo:pc addung sc:kobulu Ru:ncpvnckc Awodok aminno mc:jvgdagji, jc nolu kinycpc jc nolukkc lo:dvlongkvpc turnamc dung.