1 JO:N 4:7 - ANU LUGOD N. T. (BSI)

⁷ Aipc mc:bomsunam kvdvnga, kajc akoncm akonc aipc mc:mvnsulai; kapcnc aipc mc:namdc Ru:ncpvnckc, odokkc sc:kobv aipc mc:dagji Ru:ncpvnckolokkc lennc odokkc Ru:ncpvncmc kindag.

1 JO:N 4:7 ပူးပေါင်းရင်းမြစ်များ

JO:N 13:34

Ngo anu lulvgko ngo nolum lubidung, jc nolu akoncm akonc aipc mc:mvnsulangka.

JO:N 17:3

Odokkc cdcna turyarla turnamdc, jc bulu nom kindag nowong aro Ru:ncpvncdc cmna, odokkc Jisu Kristomc sc:kom no mclvgtagnc.

1 KORINTIANG KVDVNG 8:3

Cmpige:la akonc Ru:ncpvncmc aipc mc:mvlo, Bvkkokki akonc kinnampc idag.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

GALATIANG KVDVNG 4:9

Cmpige:la su:pak nolu Ru:ncpvncm kintobong, cdcmanggom Ru:ncpvnckokki cdcmyam kinnampc ika:bong, kapc nolu lckoda ilang gvlang ma:ncdo:pc odokkc opannc ncrkvg yalodo:pc gvlatyckun, sckkcpc lckoda nolu pagbopc ilv:dagji?

GALATIANG KVDVNG 5:22

Cmpige:la Yalodok apva:yckvdv:dc aipc mc:namc, mcnganc, mentumsula du:namc, ayangabonammc,

2 TIMOTI 1:7

Kapcnc Ru:ncpvncbv ngolum pcsonc yaloko bimangai cmpige:la ilang-gvla:nc yaloko odokkc aipc mc:namc odokkc avycm mentumsula du:namko.

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

1 JO:N 2:10

Sc:kobv bvk bvrodcm aipc mc:dagnc pva:lo du:dag, odokkc odo oko mc:murmc:yarsunamkosin kamang.

1 JO:N 2:29

Jodi nolu kindo jc Bv dormokannc, nolu aroru:pc mc:sula:yc jc ainc agercm sc:kobvi gerdonc Bvkkolok onamc.

1 JO:N 2:3

Odokkc sokkokki ngolu arorung mc:sula:ycpc jc ngolu Bvm kindag, jodi ngolu Bvk lulvgkvdv:dcm gagla du:yc.

1 JO:N 2:4

Bv sc:kobv ludagnc “Ngo Bvm kindag” cmpige:la Bvk lulvgkvdv:dcm lukamdcmpc tadma:yc lume:luncko, odokkc arro bvkkolo kamang;

1 JO:N 2:7

Aipc mc:bomsunamkvdvnga, ngo nolum anu lulvg agomko lumang, cmpige:la aku lulvg agomko okodcm nolu gagla dunganc lekelokkcbbong; leke lulvg lunamdc cdc okodcm nolu tattoji.

1 JO:N 3:9

Ru:ncpnckolokkc onam sc:kosin pa:bcm imang; kapcnc Ru:ncpvnckc mcngkamgvkamdc bvkkolo du:mvndag, odokkc bv pa:bcm ila:mang lcga:dc bv Ru:ncpvncklokkc lennc.

1 JO:N 4:11

Mc:bomsunam kvdvnga, jodi Ru:ncpvncbv ngolum aipc mc:to, ngolusin akoncm akonc aipc mc:mvnsupa:do.

1 JO:N 4:12

Oko tani:ycsin cdvlosin Ru:ncpvncmc kangkvmang; jodi ngolu akoncm akonc aipc mc:mvlo. Ru:ncpvncbv ngolukkolo du:mvndag odokkc Bvk aipc mc:namdc ngolukkolo du:pvtdag.

1 JO:N 4:16

Cdcmpidag ngolu kindag odokkc mc:jvgtoka Ru:ncpvnckc ngoluk lcgangc aipc mc:namc dung. Ru:ncpvncbv aipc mc:namc, odokkc sc:kobv aipc mc:namlo du:mvndoji Ru:ncpvnckolo du:do, odokkc Ru:ncpvncbv Bvkkolo du:do.

1 JO:N 4:20

Jodi akoncmum ludo, “Ngo Ru:ncpvncmc aipc mc:dag,” odokkc bvk avkc bvrodcm tayumdo, bv lume: luncko; kapcnc sc:kobv bvk avkc bvrodcm aipc mc:ma:ji sc:kombv ka:begdagji, Ru:ncpvncmc aipc mc:la:mang sc:kom bv ka:begma:ji.

1 JO:N 4:8

Sc:kobv aipc mc:ma:ji Ru:ncpvncmc kinnang; Kapcnc Ru:ncpvncbv aipc mc:namc.

1 JO:N 5:1

Appvngc sc:kobvi Jisumc Kristobv cmna mc:jvgdonc Ru:ncpvnckc ommangc, odokkc appvngci anc abbom aipc mc:ncdc omma:dcm aipc mc:dag.

2 JO:N 1:5

Odokkc su:pak ngo nom kumna ludung, ambvra, ngo anu lulvgkkoncm addung cmna lumang, cmpige:la cdc ngolukkc po:pclokkcbong du:ncdcm, jc ngolu akoncm akonc aipc mc:dag.