1 JO:N 4:6 - ANU LUGOD N. T. (BSI)

⁶ Ngolu Ru:ncpvnckc. Sc:kobvi Ru:ncpvncmc kindagji ngoluk agomcm taddag, odokkc sc:kobv Ru:ncpvnckcma:ji ngoluk agomcm tadmang. Odokki ngolu arodok yalodcmlang imur incdok yalodcm kindag.

1 JO:N 4:6 ပူးပေါင်းရင်းမြစ်များ

JO:N 14:17

cdcmangagom Arodok Yalodcmsin, sc:kom rcngamsc torvgsula:ma:ycji, lcga:dc cdc Bvm ka:ma:sin cdcmanggom kinma:sin; nolu Bvm kindag, kapila:nc Bv noluk lcdulo du:mvndag, odokkc noluk lcdulo du:mvnyc.

JO:N 10:27

Ngok bera sobenkvdv:dc ngok gomugcm tadkindag, odokkc ngo bulum kindag, odokkc bulu ngok lcdulo gvmvndag;

JO:N 15:26

“Cmpige:la cdvlo Luyirncdc gviycnc, sc:kom ngo nolukkolo:pc Abukodokkc mclvgycnc, cdc arodok Yalodcmcina, sc:kobv Abudokkc gvlendagnc, Bv ngok agomcm lukanbiycpc;

1 JO:N 4:1

Aipc mc:bomsunam kvdvnga, appvng yallom mc:jvgyok, cmpige:la yalokvdv:dcm anka:la ka:langka Ru:ncpvnckcji: bvkkcma:ji; kapcnc bojcrung lume:pc lungor-lunnc mo:pvsc gvlenamka:bong.

1 JO:N 4:4

Ameo:nc ommangkvdvnga, nolu Ru:ncpvnckc, odokkc cdcmbulum mopvtobong; kapcnc nolukkolo sc:kobv du:nc rcngamso sc:kobv du:ji cdcm bottcya:dag.

JO:N 18:37

Pilatbv Bvm luto, “Cdcmpcmvlo no migomci?” Jisubv lubito, “No:na ludagnc ngo:jc migomkonc cmna. Kapila:nc scmpc ngom onamai, odokkc sok lcgangcna ngo rcngamso:pc gvdu:nc, okodok lcgngc lukanko lubikapc. Sc:kobvi arodokkcnc ngok gomugcm taddag.”

1 KORINTIANG KVDVNG 14:37

Akonc jodi bv lungor luncko cmna mc:suyc, cdcmanggom yalo agom lukampc gvncko, bv togcsupa:do jc nolukkolo:pc ngo okodcm do:jvg jvgtu:ji cdc Ru:tumkolokkc kvnggv:pc lulvgc.

2 TISSALONIANG 1:8

bulum palvgcm lvgla cdcmbulum sc:kobulu Ru:ncpvncmc kinma:ji odokkc cdc sc:kobulu ngoluk Ru:tum Jisukc tadponc lutaddcm lukamdcmpc tadma:ji.

JO:N 16:13

Cdvlo arodok yalodc gvycnc, Bv nolum appvng arodo:pc gvyirboyc; kapila:nc Bv avkc ilang gvlangkokki agomcm luma:yc, cmpige:la oko okkomci tadycji Bv luyc, odokkc Bv nolum a:pcnc atv agomkvdv:dcm lukanna lubiyc.

1 JO:N 4:8

Sc:kobv aipc mc:ma:ji Ru:ncpvncmc kinnang; Kapcnc Ru:ncpvncbv aipc mc:namc.

1 TIMOTI: 4:1

Su:pak Yalodc lulendanna ludag jc lcdukc ayirkvdv:do akke mc:jvglokkc gvpakycku yadgo:nc yalokvdv:dok agomcm tadla odokkc uikvdv:dok lukamcm orv:n ncrkvg agomkvdv:dcm tadla,

JO:N 13:20

Aroru:pc, aroru:pc, ngo nolum lubidung, sc:kobv ngo sc:kobvm torvgsudagnc ngommci torvgsudag; odokkc sc:kobv ngom torvgsudagnc Bvmmci torvgsudag sc:kobv ngom mclvgtagji.”

JO:N 8:19

Bulu Bvm cdcmpila tawuto, “Okolon nok Abudc?” Jisubv lubito, “Nolu ngomba: ngok Abudcmba: kinmang; nolu ngom kinya:mvlo, nolu ngok Abumcsin kinya:pc.”

LU:KKC 10:22

“Appvng attarcm ngom bitung ngok Ba:bukokki; odokkc Abudc:ma:mvlo sc:kosin Awodcm kinmang, cdcmpcmanggom Abudc sc:kosong Awodcma:mvlo odokkc sc:komci lcngkanlv:dagnc Awodc bvm lcngkan dag.”

JU:D 1:17

Cmpige:la nolu mc:pa:ru:pa:yc, mc:bomsupcnam kvdvnga, ngoluk Ru:tum Jisu Kristokc luno:la lunamkvdv:dcm;

2 PITOR 3:2

jc nolu angunnc lungor-lunckvdv:dok ro:yampokc do:yvng kvdv:dcm mc:pa:pcnamc odokkc Ru:tumclang Moturnckc lulvg agomkvdv:dcm noluk mclvgla ager gernc tani:kvdv:dokkcm.

2 KORINTIANGKVDVNG 10:7

Ka:tok noluk amik kcra:pc okko du:ji. Jodi sc:kaikc aropakpc Kristokcji, cdcmv:pc ngolusin.

ROMANKVDVNG 11:8

cdcm adla lc:namdcmpc, “Ru:ncpvncbv bulum yallom bito, amigkvdv:dcm ka:pa:ma:ncm odokkc yerung kvdv:dcm tadbegma:ncm, silokc longckvdv:so:pc.”

ROMANKVDVNG 1:1

Poulbv, Jisu Kristokc ager gerya:nc akonc, mclvgla gerdopc mclvgnampc gognamkonc.

JO:N 20:21

Jisubv lckoda bulum luto, “Nolukkolo mc:pomcnganc dungka:langka. Abubv kapc ngom mclvgtonc, cdcmv:pc ngo:sin nolum mclvgdung.”

JO:N 10:16

Odokkc ngokkc angu bera sobenc du:da, okodc:bulu sc kcrc:sokkcma:ji; ngo bulumsin gonga:rungkupcnammc, odokkc bulu ngok gomugcm tadkindag. Cdcmpidag odo kcrcng akkongkopc iyc, ka:sv:nc akkongko.

JO:N 8:23

Bv bulum luto, “Nolu kcvgsokkc, ngo tayc tokkc; nolu sc mo:pvsokkc, ngo sc mo:pvsokkcmang.

JO:N 10:3

Bvk lcga:pc yabgodok kanggabya:ncdc moge:bidag; bera sobenkvdv:dc bvk agomcm tadkindag, odokkc bvk avkc bera kvdv:dcm bv amin minna gogdag odokkc cdcmbulum go:lenbomdag.

1 JO:N 5:19

Ngolu kindag jc ngolu Ru:ncpvnckc, odokkc rcngam appv:sc aima:ncdok ilang gvla:lo dung.