1 JO:N 4:4 - ANU LUGOD N. T. (BSI)

⁴ Ameo:nc ommangkvdvnga, nolu Ru:ncpvnckc, odokkc cdcmbulum mopvtobong; kapcnc nolukkolo sc:kobv du:nc rcngamso sc:kobv du:ji cdcm bottcya:dag.

1 JO:N 4:4 ပူးပေါင်းရင်းမြစ်များ

JO:N 12:31

Su:pak sc mo:pvsok kcbangcm ba:dung, su:pak sc mo:pvsok migom donckvdv:dcm la:pagamyc;

JO:N 14:30

Ngo bojckoda noluk lcdulo agom luposuma:ycbong, kapila:nc rcngamsok migom doncdc gva:dobong. Bvkkc ngok tayc:lo mopvla:namc kamang;

JO:N 16:11

kcba: ba:nam agomcm, lcga:dc sc rcngamsok migom doncdcm kcbangcm ba:takbong.

JO:N 17:23

ngo bulukkolo odokkc no ngokkolo, bulujen aiyo:pc akkongkopc idopc, odomvlo rcngamso:jen kinycpc ngom jen no mclvgtung odokkc bulum aipc mc:to no ngom aipc mcngkamdcmppvng.

ROMANKVDVNG 8:31

Ngolu okkom cdcmvlo scm luycn? Ru:ncpvncbv ngolukkcpc imvlo, sc:kon ngoluk birudi:dc?

ROMANKVDVNG 8:37

Ma: cdc appvng ara:do ngolu mopvncmsinyam mopvya:nc ngolum sc:kob aipc mc:tonc bvkkoki.

1 KORINTIANG KVDVNG 2:12

Su:pak ngolu rcngamsok yalodcm pa:mang, cmpige:la cdc Yalodcm okodc Ru:ncpvnc kolokkcji jen odomvlo ngolu Ru:ncpvnckokki ngolum binam amankvdv:dcm mcngkinycpc cmna.

1 KORINTIANG KVDVNG 6:13

“Donamdc aki:dok lcgangc odokkc aki:dc donamdok lcgangc” odokkc Ru:ncpvncbv anyipakdcm akondcmna: akondcm anyipakdcm momvgyc. Amvrdcm aisi:ma:nc ager gernam lcgangcmang, cmpige:la Ru:tumkc lcgangc, odokkc Ru:tumbv amvrdok lcgangc.

2 KORINTIANGKVDVNG 4:4

Buluk agomdo sc mo:pvsok uidc mc:jvgma:nckvdv:dok asinkvdv:dcm migluammoto, bulum amin gvnc Kristokc tadponc lutaddcm kamoge:mang cmna, sc:kobv Ru:ncpvncbv kapc idagji cdcmpc incdc.

2 KORINTIANGKVDVNG 6:16

Ru:ncpvncmc kumko okumdokki monam moimangdokki lckopc oko asin mc:namc du:n? Kapila:nc ngolu turra du:nc Ru:ncpvncmc kumko okumc; Ru:ncpvncbv kapc lutoji, “Ngo buluk lcdulo du:mvnyc odokkc buluk ara:lo gvgo:yc, ngo buluk Ru:ncpvncpc iyc, odokkc bulu ngok tani:pc iyc.

IPESIANG KVDVNG 2:2

Sc mo:pvsok rcngam gvkolo gvmvnka, csardok migom awodok ilang-gvla:dok gvkolo gvmvnka, cdc yalodc su:pak agercm idung lunam tadma:nckvdv:dok aowangkvdv:dok ara:lo.

IPESIANG KVDVNG 3:17

odokkc jc Kristobv:jen noluk asin arangkvdv:do mc:jvgkokki du:ycdagycpc; jc nolu, aipc mc:namlo appvrc amo:bo pvrgabycpc.

IPESIANG KVDVNG 6:10

Lcddarpc, Ru:tumkolo kvnggvngtarv:toka odokkc bvk tornamlo ilang gvlangkokki.

1 JO:N 2:1

Ngokkc adji:onc ame:yo:nc ommang kvdvnga, ngo scm nolukkolo:pc addung odomvlojen nolu pa:bcm ima:ycpc; cmpige:la jodi sc:kaiyc pa:bcm iyc, ngolukkc Abudcm lubiya:ncko dung, Jisu Kristobv dormokancdc;

1 JO:N 2:13

Ngo nolukkolo:pc addung, abukvdvnga, lcga:dc nolu Bvm kindag sc:kobv lendoa:do dokkcbong du:ji. Ngo nolukkolo:pc addung, ya:me:kvdvnga, lcga:dc nolu aima:ncdcm mopvto. Ngo nolukkolo:pc addung, ko:kangkvdvnga, lcga:dc nolu Abudcm kindag.

1 JO:N 3:20

Kapcnc Ru:ncpvncbv ngoluk asin kvdv:dcmsinyam bottcya:dag, odokkc Bv appvngcm kindag.

1 JO:N 3:24

Sc:kobulu Bvk lulvgla lunam gagla du:nc appv:dc Bvkkolo du:mvndag, odokkc Bv bulukkolo. Odokkc odokkokki ngolu kindag jc Yalodokki okodcm Bv ngolum bitoji, Bv ngolukkolo du:mvndag.

1 JO:N 4:13

Odokki ngolu kindag jc ngolu Bvkkolo du:mvndag odokkc Bv ngolukkolo, lcga:dc Bv ngolum Bvk avkc Yalodcm bitobong.

1 JO:N 4:16

Cdcmpidag ngolu kindag odokkc mc:jvgtoka Ru:ncpvnckc ngoluk lcgangc aipc mc:namc dung. Ru:ncpvncbv aipc mc:namc, odokkc sc:kobv aipc mc:namlo du:mvndoji Ru:ncpvnckolo du:do, odokkc Ru:ncpvncbv Bvkkolo du:do.

1 JO:N 4:6

Ngolu Ru:ncpvnckc. Sc:kobvi Ru:ncpvncmc kindagji ngoluk agomcm taddag, odokkc sc:kobv Ru:ncpvnckcma:ji ngoluk agomcm tadmang. Odokki ngolu arodok yalodcmlang imur incdok yalodcm kindag.

1 JO:N 5:19

Ngolu kindag jc ngolu Ru:ncpvnckc, odokkc rcngam appv:sc aima:ncdok ilang gvla:lo dung.

1 JO:N 5:4

Kapcnc okodci Ru:ncpvnckolokkc lenncnc rcngamscm mopvla:dag; odokkc cdcna rcngamscm mopvnamdc, ngoluk mc:jvgdc.

LUNGOR LUNAM 12:11

Odokkc bulu bvm Awo Me:rdok i:dokki bulu mopvto odokkc buluk lukan lubinam agomkvdv:dokki, kapcnc bulu buluk turnam kvdv:dcm sidodo:pci aipc mc:tomang.