1 JO:N 4:17 - ANU LUGOD N. T. (BSI)

¹⁷ Odo ngolukkolo aipc mc:pcnamdc du:pvtdag, jc ngolu kcba:ba:nam longcdo:pc mc:tinsula du:ycpc, kapila:nc Bv kapc idagji cdcmv:pc ngolu mo:pvso idag.

1 JO:N 4:17 ပူးပေါင်းရင်းမြစ်များ

1 JO:N 4:12

Oko tani:ycsin cdvlosin Ru:ncpvncmc kangkvmang; jodi ngolu akoncm akonc aipc mc:mvlo. Ru:ncpvncbv ngolukkolo du:mvndag odokkc Bvk aipc mc:namdc ngolukkolo du:pvtdag.

1 JO:N 2:28

Odokkc su:pak, ameo:nc ommangkvdvnga, Bvk dungkolo du:mvntoka, odomvlo jen cdvlo Bv lcngkansuycnc ngolukkc ncrkvgpc mcnga:nammc du:ycpc odokkc Bvkkolokkc ngetsuk suma:ycpc Bvk gvdokudo anyv:sula.

1 JO:N 3:3

Odokkc appvngc sc:kobulu cdcmpc mc:tinna du:doji Bvkkolo avyc Bv narc:modag Bv kapc narc:dagji.

1 JO:N 2:5

Cmpige:la sc:kobvi Bvk agomcm gagla du:ycji, bvkkolo aroru:pc Ru:ncpvnckc lcgangc aipc mc:namdcm pv:danmodag. Sokki ngolu jen aroru:pc kinyc jc ngolu Bvkkolo dung:

ROMANKVDVNG 8:29

Kapila:nc cdc sc:kobulum Bvk po:pcbong kindagji Bv Bvk Awodok migomdcmpc imopc cmna:sin po:pcbong cmmo:pc ru:tag, cdcmpc idopc jc bv:jen bojcrung bvrokvdv:dok bv opongarnampc idopc.

JO:N 15:20

Ngok nolum lunam agomkvdv:dcm mcpa:lang, ‘Ager gerya:nc tani:konc bvk ru:tumdcm bottaya:mang.’ Bulu ngommci ipusire:ycm itomvlo, bulu nolum ipusire:ycm iyc; bulu ngok agomcm tadgabla lc:mvlo, nolukkcmsin tadgabyc.

1 JO:N 3:1

Ka:toka kapinc aipc mc:namcm Abudc nolum bitonc, jc ngolum Ru:ncpvnckc ommang cmna gogto; odokkc cdcmv:pc ngolusin. Nolum rcngamsc kinma:namdok lcga:dc jc cdcbul Bvm kintomang.

2 PITOR 3:7

Cmpige:la cdc agom akku:dokki taycngtc:lang mo:pvsc cdc dunggabla du:ncdcm vmvlo rompcmna mckumsula lc:tag, cdc kcba:bangkunanc longcdo:pc lc:la odokkc dormo kama:nc tani:kvdv:dcm mokekunamdok lcga:pc.

2 PITOR 2:9

odokkc Ru:tumbv kindag kapc dormokancdcm kcba:ba:namlokkc ankang kangkvnamlokkcm mopvpcnamcji, odokkc dormokama:ncdcm palvg lvgpc cdc kcba:bangkunam longcdc pvngangkuma:dapc,

JAKOB 2:22

Nolu ka:tojc mc:jvgdc bvk agerdo du:mvndungai, odokkc mc:jvgdc agerkokki ipvtgvpvtto,

METIU 12:36

“Ngo nolum lubidung tani:kvdv:dc ka:ma:tadma:pc lunam appvng gompirkvdv:dokkcm bottcru:nc kcba:ba:do longcdo kvnamcm kvkanbipa:ycku.

METIU 11:24

Ckvdaggom ngo nolum lubidung cdc bottapaknc kcbang longcdo nolukkcmyam Sodum amo:dokkcpc du:jcmla du:la:ya:ycpc!”

METIU 11:22

Ckvdaggom ngo nolum lubidung, bottcru:nc kcba:ba:doku longcdo Ti:rdc:lang Sidondokkcpc du:jcmna du:poya:ycpc nolukkcmyam.

METIU 10:25

Agom tadjvgla gvmvnnc tani:dokkcpc bvk luyirncdcmpc inamdci pv:dag, odokkc pagbodc bvk ru:tumdcmpc inamdci pv:sepv:yedag. Bulu okum cra:dok ru:tumdcmci Belsobub cmyc, cddvk abayangko lubarla bulu cra:dok luggcm gcync!

METIU 10:15

Aropakpc, ngo lubidung nolum, Sodomclang Gomurang amo:dokkcpci du:jcmla:ycpc bottcru:nc kcbang ba:do longcdcm cdc tawondcmyam!

JAKOB 2:13

Kapcnc sc:kobv aya:pc mc:yinsuma:pc bvm kcbangcm ba:po:yc; ckvdaggom aya:pc mcmvnsunamdc kcba:ba:namdcm mopvdag.

JO:N 17:22

Amin gvnamdcm no okodcm ngom bitonc ngo bulum bitobong, bulujen akkongkopc iycpc ngolu akkongkopc ikamdcmpc,

HIBRIUKVDVNG 9:27

Odokkc cdc kapc tani:ycm lcko sidopc ayircm mctagnc, odokkc odok lcdupc kcbangcm ba:donc,

1 JO:N 2:6

Sc:kobv ludonc ngo Bvk dungkolo du:mvndo Bvk gvko lambcdok bv:sin gvmvnpcnamc.

1 JO:N 3:7

Ameo:nc ommang kvdvnga, nolu sc:kosin yadkosuyoka. Sc:kobv aro agercm gerdonc dormokannc, kapc Bv dormokadagji.