1 JO:N 4:1 - ANU LUGOD N. T. (BSI)

¹ Aipc mc:bomsunam kvdvnga, appvng yallom mc:jvgyok, cmpige:la yalokvdv:dcm anka:la ka:langka Ru:ncpvnckcji: bvkkcma:ji; kapcnc bojcrung lume:pc lungor-lunnc mo:pvsc gvlenamka:bong.

1 JO:N 4:1 ပူးပေါင်းရင်းမြစ်များ

MARKKC 13:21

“Odokkc sc:koiyc nolum atvko luycmvlo, ‘ka:toka, sc:na Kristobv dung cmna!’ Cdcmanggom ‘ka:toka, clc Bv dung!’ Cdcm mc:jvgyoka.

LU:KKC 12:57

“Odokkc nolu kapila avyc avkcm kcbangcm ba:suma:n okodc arodagji?

LU:KKC 21:8

Odo Bv luto, “Nolumjen gvyodla gvbopckc ansutoka; kapila:nc bojcrungc ngok aminno scmpc lula: lula gvyc, ‘Ngo Bv!’ Odokkc ‘Ayirdc aninpc pvnga:dandu:bong!’ Buluk lcdulo gvyoka.

AGER KVDVNG 17:11

Cdcmpc inamc cdc Jiwukvdv:dc Tissalonika kvdv:dok Jiwukvdv:dcmyam asin aiya:dagai, kapcnc bulu airu:pc longgcm longgcm astorong agomkvdv:dcm lukamdcmpc idagji ima:ji cmna ka:la tadtvla agomdcm torvgsuto.

AGER KVDVNG 20:29

Ngo kindag jc ngok gvpakdoku lcdulo aima:nc ra:ng ikiyc noluk ara:lo duga:ycpc, kcrc:dcm aima:ru:pc iycpc;

1 KORINTIANG KVDVNG 12:10

akonkoncm mcngapla:ma:nam ager gernamcm, akonkoncm lungor lunamcm, akonkoncm yalokvdv:dcm angu angupc kangkinna lubila:dopc, akoncm angu angu agom lula:namcm akondcm agom lunamkvdv:dcm lukurbila:dopc.

1 KORINTIANG KVDVNG 14:29

Anyikoba: awum lungor lunncm lumotoka, odokkc akedcm asino:bo mcngka:la ka:motoka okodcm lutoji.

1 TISSALONIANG 5:20

cmpige:la appvngcm anka:la ka:lang;

1 TISSALONIANG 5:21

okodc aidagji kvnggv:pc gagla du:lang,

2 TISSALONIANG 2:2

lomdanna asinbo yonkungkosuyoka cdcmanggom dungkinyckinma:pc iyoka, yalodokki cdcmanggom agomkokki, cdcmanggom do:jvgkokki ngolukkolokkcm mclvgnamdcmpc, cdcmpc idopc jc Ru:tumkc longcdc pvnga:du:bong.

1 TIMOTI: 4:1

Su:pak Yalodc lulendanna ludag jc lcdukc ayirkvdv:do akke mc:jvglokkc gvpakycku yadgo:nc yalokvdv:dok agomcm tadla odokkc uikvdv:dok lukamcm orv:n ncrkvg agomkvdv:dcm tadla,

2 TIMOTI 3:13

cdvlo aima:nc tani:kvdv:dc aima:namlokkc aima:pc ila gvboycnc, yadnc kvdvngc odokkc yadnamc.

2 PITOR 2:1

Cmpige:la lume:pc lungor lunckvdv:dc:sin tani:kvdv:dok ara:lo lenkang, kappar noluk ara:lo lume:pc luyir lunnc lenycnc, sc:kobulu kinmango:pc momvgmosvgpcnc dormokama:nc agomcm lua:biycji, cdcmo:mang Ru:tumdcmsin lupaksula sc:kobv bulum rctoji, buluk avkc ara:lo mcna:pc lomdanna momvnsunamcm.

1 JO:N 2:18

Ommangkvdvnga, sc du:tcrnam ayirdc; odokkc nolu kapc tattonc jc Kristo birudi: gvdobong, cdcmpila su:pak bojcrungko Kristo birudi:yc lenka:bong; cdcmpige:la ngolu kindag jc sidc du:tcr ayircbong.

1 JO:N 2:7

Aipc mc:bomsunamkvdvnga, ngo nolum anu lulvg agomko lumang, cmpige:la aku lulvg agomko okodcm nolu gagla dunganc lekelokkcbbong; leke lulvg lunamdc cdc okodcm nolu tattoji.

2 JO:N 1:7

Kapcnc bojcrungko yadnc rcngamso gvlenamka:bong, sc:ko tani:kvdv:dc Jisumc adin amvrpc gvnamdcm arro cmna luma:ji; cdcmpinc tani:dc:na yadncdc odokkc Kristobirudi:dc.

3 JO:N 1:11

Aipc mc:bomsunam kvdvnga, aima:ncdcm ka:yv:sula gvyoka cmpige:la aincdcm ka:yv:sula imvngvmvnnangka. Sc:kobv aincm idagji Ru:ncpvnckc; sc:kobv aima:ncm idagnc Ru:ncpvncmc kangkvmang.

LUNGOR LUNAM 2:2

Ngo nok agerkvdv:dcm kindag, nok du:g-gvla ager gernamdcm odokkc nok sagtumsula dungge:la mentumsunamdcm, odokkc kapc no aima:nc tani:kvdv:dcm ka:la:ma:ji cmpige:la ankvla ka:to sc:kobulu avkvdv:dc mclvgla ager germonammc cmna lusudagai cmpige:la gerncmang, odokkc bulum lume:luncpc pa:to;