1 JO:N 3:5 - ANU LUGOD N. T. (BSI)

⁵ Nolu kindag jc Bv pa:bcm la:pakkapc lenka, odokkc Bvkkolo oko pa:bcsin kamang.

1 JO:N 3:5 ပူးပေါင်းရင်းမြစ်များ

METIU 1:21

bv aowo ako pa:yc, odokkc no bvk amincm Jisu cmna minnang, kapila:nc Bv Bvk tani:kvdv:dcm pa:blokkcm moturyc.”

LU:KKC 23:41

Odokkc ngolum aropakpci mokeru:pcnampc kcba: banggapto; kapila:nc ngoluk inam lcgangc ngolu pa:pcnamdcm pa:dung; cmpige:la sc tani:sc okkomsin imurmang.”

LU:KKC 23:47

Cdcmpidodcm mimag monc lvngkolok gvgurboncdc kapc ika:ji cdcm kangge:la, bv Ru:ncpvncmc aipai bito, odokkc luto, “Aropakpc sc tani:sc imurkama:nckkai!”

JO:N 1:29

Longkondcm bv Jisumc bvkkolo:pc gva:dopc ka:to, odokkc luto, “Ka:toka, Ru:ncpvnckc Me:r Soben Awodcm, sc:kobv mo:pvsok pa:bcm jo:pakdagji!

JO:N 1:31

Ngo avyci Bvm kinmangai; cmpige:la odok lcgangc ngo asilo baptismongcm bila gvdung, Bv:jen Israel ara:lo ka:begdopc.”

JO:N 14:30

Ngo bojckoda noluk lcdulo agom luposuma:ycbong, kapila:nc rcngamsok migom doncdc gva:dobong. Bvkkc ngok tayc:lo mopvla:namc kamang;

JO:N 8:46

Nolukkolok sc:ko ngom pa:p kannc cmna lula:ycn? Ngo arodcm lubimvlo, nolu kapila mc:jvgma:n?

2 KORINTIANGKVDVNG 5:21

Ngoluk lcgangc Bv Bvm pa:p kancpc imoto sc:kobv pa:bcm kintoma:ji, odomvlo jen Bvkkolo ngolu Ru:ncpvnckc dormokancpc iycpc.

1 TIMOTI: 1:15

Lunamdc arorungc odokkc torvgsupc arckannc, jc Kristo Jisubv papi:kvdv:dcm moturkapc mo:pvso:pc gvka.

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

HIBRIUKVDVNG 1:3

Bv Ru:ncpvnckc amin gvnamdcm unkonsumodag odokkc Bvk mour tubjedardcmpc inam-sa:nam lcngkandag, mo:pv ap pv:scm agomdok ilang gvlangki jo:sa:la. Cdvlo Bv pa:pkvdv:dok lcgangc narcngmotonc, Bv taycng amo:to Mcngcru:namlok lagbvgpc tedkang.

HIBRIUKVDVNG 4:15

Kapcnc ngolukkc dormo ager gerncko kamang sc:kobv ngoluk ilang-gvlang aya:sitapc mc:ma:pc ima:yc, cmpige:la sc:kobv appvng agerlo anka:la kangkvcm pa:tonc kapcji ngolu, ckvdaggom pa:b ima:pc.

HIBRIUKVDVNG 7:26

Kapcnc cdc kvb-kab cmdagai jc ngolu cdcmpinc dormo ager gernamlok bottcncko pa:pcnammc, angunncko, lugc:ma:nam kancko, koiyang kama:ncko, papi:kvdv:dokkc langgunamko, taycngto la:sa:namko.

HIBRIUKVDVNG 9:26

kapcnc odomvlo Bv du:g gviya:pc mo:pvscm runggabdodokkcbong lckko lckko:lo. Cmpige:la cdc kapc idagji, Bv lo:dv longkv lcgangc Bvk avdcm bisula pa:bcm la:pakpc cmna dv:tak kvdv:dok du:tcrso lcngkansutoji.

HIBRIUKVDVNG 9:28

cdcmv:pc Kristobv, bojcru:lok pa:p lcgangc lenycku, pa:pkokki imvn gvmvnsupc cmna ilamang cmpige:la cdc sc:kobulu kvnggv:pc mc:tinna toya:la du:nc cdcmbulum mopvtpc cmna.

1 PITOR 1:18

Nolu kindag jc nolu arvsu:ma:nc lambcdokkc gvlatkunckvdv:dok du:pakncdci noluk abukvdv:dokkc dungkonsubomna, yogpakpcnc attarkokkimang cdc silborc cdcmanggom avnc,

1 PITOR 1:20

Sc:kobv mo:pvscm mosa:ma:dapc ru:pvlvgtonc cmpigge:la noluk lcgangc ayir du:tcrdo lenmotonc.

1 PITOR 2:22

Bv oko pa:bcmsin itomang; Bvkkolo oko yadgo:pagongcsin katomang.

1 PITOR 2:24

Bv avdc ngoluk pa:pkvdv:dcm Bvk avkc amvrdo Kurus talc:do jonggcbito, jc ngolu pa:p lcgangc siycpc odokkc dormo kanamlokkcpc turycpc. Bvk tarckvdv:dokki nolum csa:motoku.

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

1 JO:N 1:2

cdc turnamlok gomugdok agomcm–turnamcm lendopc lcngkantagaji, odokkc ngolu cdcm ka:begto, odokkc cdcm lukanbito, odokkc nolum lo:dv-longkvpc du:nc turnamdcm lukanna lubito odokkc ngolum lendopc lcngkantoji.

1 JO:N 1:7

cmpige:la ngolu jodi pva:lo lambcm gvyc, kapc Bv pva:lo du:nc, ngolukkc akonki akonc ajonc jonsunammc dung, odokkc Jisukc Bvk Awodok i:dc ngolum appvng pa:plokkcm la:pakdag.

1 JO:N 2:1

Ngokkc adji:onc ame:yo:nc ommang kvdvnga, ngo scm nolukkolo:pc addung odomvlojen nolu pa:bcm ima:ycpc; cmpige:la jodi sc:kaiyc pa:bcm iyc, ngolukkc Abudcm lubiya:ncko dung, Jisu Kristobv dormokancdc;

1 JO:N 2:2

odokkc Bv:na ngoluk pa:pkvdv:dok lcga:pc mopu:bincdc, odokkc ngolugongkcmang cmpige:la mo:pvsok pa:p appv:dok lcgangc.

1 JO:N 2:29

Jodi nolu kindo jc Bv dormokannc, nolu aroru:pc mc:sula:yc jc ainc agercm sc:kobvi gerdonc Bvkkolok onamc.

1 JO:N 3:8

Sc:kobv pa:bcm idoji bv uidokkc; kapcnc uidc lendoa:do dokkcbong pa:bcm ito. Ru:ncpvnckc Awodok lennamdok lcga:dc uidok agerdcm momvgkapc cmna.

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.