1 JO:N 3:24 - ANU LUGOD N. T. (BSI)

²⁴ Sc:kobulu Bvk lulvgla lunam gagla du:nc appv:dc Bvkkolo du:mvndag, odokkc Bv bulukkolo. Odokkc odokkokki ngolu kindag jc Yalodokki okodcm Bv ngolum bitoji, Bv ngolukkolo du:mvndag.

1 JO:N 3:24 ပူးပေါင်းရင်းမြစ်များ

1 KORINTIANG KVDVNG 3:16

Nolu kinma:nci nolujc Runcpvnckc Yalodc:jc nolukkolo du:dag cmna?

2 TIMOTI 1:14

Angunnc Yalodokki oko arodcm nom togc:lvgtaganc aipc mc:toka okodc ngolukkolo du:ji.

1 JO:N 2:6

Sc:kobv ludonc ngo Bvk dungkolo du:mvndo Bvk gvko lambcdok bv:sin gvmvnpcnamc.

1 KORINTIANG KVDVNG 6:19

Nolu kinma:nci jc noluk amvrkvdv:dc Angunnc Yalodok kumko cmna noluk arangv:do okodcm nolu Ru:ncpvnckolokkcm pa:toji?

1 JO:N 4:7

Aipc mc:bomsunam kvdvnga, kajc akoncm akonc aipc mc:mvnsulai; kapcnc aipc mc:namdc Ru:ncpvnckc, odokkc sc:kobv aipc mc:dagji Ru:ncpvnckolokkc lennc odokkc Ru:ncpvncmc kindag.

JO:N 17:21

nokkcmpcsinci, Abba, ngokkolo, odokkc ngo nokkolo, bulusinjen ngolukkolo, odomvlojen rcngamsc mc:jvgycpc no ngom mclvgtung cmna.

1 JO:N 3:22

odokkc ngolu Bvkkolokkcm okodcmci kodoji Pa:do, lcga:dc ngolu Bvk lujvg lulvgkvdv:dcm lukamdcmpc gagla du:do odokkc okodc Bvm mc:lvgsumodagji.

2 KORINTIANGKVDVNG 6:16

Ru:ncpvncmc kumko okumdokki monam moimangdokki lckopc oko asin mc:namc du:n? Kapila:nc ngolu turra du:nc Ru:ncpvncmc kumko okumc; Ru:ncpvncbv kapc lutoji, “Ngo buluk lcdulo du:mvnyc odokkc buluk ara:lo gvgo:yc, ngo buluk Ru:ncpvncpc iyc, odokkc bulu ngok tani:pc iyc.

JO:N 10:38

Cmpige:la ngo gerdu:mvlo cdcmbulum, nolu ngom mc:jvgcimanggom, agerkvdv:dcmci mc:jvgtoka, odomvlo nolu kinycpc odokkc Abudc:jc ngokkolo dung odokkc ngo Abudokkolo dung.”

JO:N 14:17

cdcmangagom Arodok Yalodcmsin, sc:kom rcngamsc torvgsula:ma:ycji, lcga:dc cdc Bvm ka:ma:sin cdcmanggom kinma:sin; nolu Bvm kindag, kapila:nc Bv noluk lcdulo du:mvndag, odokkc noluk lcdulo du:mvnyc.

1 TISSALONIANG 4:8

Cdcmpidag sc:kobv:i cdcm tadka:ma:ycnc, tani:ycm mcnggcma:pc imang cmpige:la Ru:ncpvncmcmvn, sc:kobv Bvk Angunnc Yalodcm nolum bitoji.

1 JO:N 2:3

Odokkc sokkokki ngolu arorung mc:sula:ycpc jc ngolu Bvm kindag, jodi ngolu Bvk lulvgkvdv:dcm gagla du:yc.

1 JO:N 2:5

Cmpige:la sc:kobvi Bvk agomcm gagla du:ycji, bvkkolo aroru:pc Ru:ncpvnckc lcgangc aipc mc:namdcm pv:danmodag. Sokki ngolu jen aroru:pc kinyc jc ngolu Bvkkolo dung:

1 JO:N 2:24

Okodcm nolu lendodokkcbong tadtoji du:mvmka:langka. Jodi nolu okodcm dunga:dodokkc tadtonc nolukkolo du:mvntvyc, odo nolu Awodo odokkc Abudo du:mvntvyc.