1 JO:N 3:2 - ANU LUGOD N. T. (BSI)

² Aipc mc:bomsunamkvdvnga, ngolu su:pak Ru:ncpvnckc ommangc; ngolu okopci iyckusong cdc lenma:da, cmpige:la ngolu kindag jc cdvlo Bv lenyckunc ngolu Bvkkcmpc iycku, kapcnc ngolu Bvm Bv kapc idagji cdcmv:pc ka:begycku.

1 JO:N 3:2 ပူးပေါင်းရင်းမြစ်များ

METIU 5:8

“Narc:nc asin gcnc kvdv:dc aipc luitpcnamc, kapila:nc bulu Ru:ncpvncmc ka:begyc.

LU:KKC 17:30

Cdcmv:pc cdvlo tani:kc Awodc lenyckunc cdc iyc.

LU:KKC 20:36

kapila:nc bulum taycng among lutad lunckvdvngcla Ru:ncpvnckc ommang kvdv:dcmpc imotagbong.

JO:N 1:12

Cmpige:la Bvm torvgsunc appv:dc, Bvk aminnok mc:jvgnc kvdv:dc, Ru:ncpvnckc omma:pc ilang-gvlangcm bito;

JO:N 11:52

Odokkc opvndok lcgango:mang, cmpige:la mo:tc: mo:tc:lo Ru:ncpvnckc ommangkvdv:dc okolo gvpitsula du:nc cdcmbulum akkongkopc gvkumsumokupcnammc.

JO:N 17:24

“Abba, ngo mc:dag jc bulusin, sc:kobulum no ngom bitonc, ngokkolo du:ycpc okolo ngo du:ycji, ngok amin gvnamcm ka:dopc okodcm nok ayangki ngom bitonc ngok lcgangc rcngamscm ru:sa:ma:dapc.

ROMANKVDVNG 8:16

cdc Yalodc avdcvng ngoluk yalokvdv:d lukanbidag jc ngolu Ru:ncpvnckc ommangc,

ROMANKVDVNG 8:18

Ngo avyc mc:sudo jc sc siyumsv:rokc ipusire: pa:namkvdv:sc ngolukkolo lcngkanpcnam amin gvnamdcm luyv:supc arc kamang.

ROMANKVDVNG 8:19

Kapila:nc ru:namkvdv:sc airu:pc Ru:ncpvnckc awodcm lcngkannamdcm ka:lv:la dung;

ROMANKVDVNG 8:29

Kapila:nc cdc sc:kobulum Bvk po:pcbong kindagji Bv Bvk Awodok migomdcmpc imopc cmna:sin po:pcbong cmmo:pc ru:tag, cdcmpc idopc jc bv:jen bojcrung bvrokvdv:dok bv opongarnampc idopc.

1 KORINTIANG KVDVNG 13:12

Kapila:nc su:pak ngolu arsilo ka:soka:mola ka:do, cmpige:la odo dagrvgsudanna ka:begyc. Ngo su:pak intagongko kindag; odo ngo appv:dcm kinyc, ngo kapc appv:scmci kintoji

1 KORINTIANG KVDVNG 15:49

Ngolu among tani:dok mokampc monamdcmpc onampagc, ngolusin taycng among tani:dok mokampc monamdcmpcsin dumsimigmo kamvnnc.

1 KORINTIANG KVDVNG 2:9

Cmpige:la cdcm adla lc:tag, Okodcm oko amigcsin ka:begtoma:nc, cdcmanggom yerungc tadbbegtoma:nc, cdcmanggom tani: asinc mcnga:toma:nc, okodcm Ru:ncpvncbv mosv:tonc cdc sc:kobulu bulu Bvm aipc mc:toji.

2 KORINTIANGKVDVNG 3:18

Odokkc ngolu appvngc, ungkomma:nam nappangkokki, Ru:tumkc amin gvnamdcm ka:la du:nckvdvngc kapc lcko dungaji odokkc cdc amingvnamdokkc akono:pc Ru:tumkcpc imvnla dung; kapila:nc cdc Ru:tumkolokkc pa:do sc:kobv Yalloa:ji.

2 KORINTIANGKVDVNG 4:17

Kapila:nc sc adji:oko vgcmpc ipusire: pa:namsc ngolum cdvlosin yogma:nc bottcru:nc amin gvnclo:pc mosv:dung okkomsin luyv:sunam kama:pc.

GALATIANG KVDVNG 3:26

Kapila:nc Kristo Jisukolo nolu mc:jvgkokki Ru:ncpvnckc awokvdvngc.

GALATIANG KVDVNG 4:6

Odokkc nolu awa:pc inamc, Ru:ncpvncbv Bvk Awodok Yalodcm noluk alakkvdv:do:pc mca:lvgto, jc:la lula, “Abba! Ba:ba!”

PILIPIANG KVDVNG 3:21

sc:kobv ngoluk cmmum amvrcm amin gvnc amvrpc motenyckupc, Bv appvng attarcmci Bvk kcvgpc ila:nanc ialang-gvla:dokki idopc.

KOLOSIANG 3:4

Cdvlo Kristobv sc:ko ngoluk turnamc lcngkansuycji, odo nolusin amin gvla Bvk lcdulo lcnyckupc.

HIBRIUKVDVNG 9:28

cdcmv:pc Kristobv, bojcru:lok pa:p lcgangc lenycku, pa:pkokki imvn gvmvnsupc cmna ilamang cmpige:la cdc sc:kobulu kvnggv:pc mc:tinna toya:la du:nc cdcmbulum mopvtpc cmna.

2 PITOR 1:4

okodokki Bv ngolum bitonc Bvk airu:pc arc kanc odokkc bottcru:nc pesubinamdcm, jc odokbulukki nolu aima:n ager gernamdokbulukkc dunggcnla:ycpc cdc mo:pvso du:ncdc mc:boka:bokokki, odokkc taycng dungkotok inam gvnam gctc:mvnncpc ikang.

1 JO:N 2:28

Odokkc su:pak, ameo:nc ommangkvdvnga, Bvk dungkolo du:mvntoka, odomvlo jen cdvlo Bv lcngkansuycnc ngolukkc ncrkvgpc mcnga:nammc du:ycpc odokkc Bvkkolokkc ngetsuk suma:ycpc Bvk gvdokudo anyv:sula.

1 JO:N 2:7

Aipc mc:bomsunamkvdvnga, ngo nolum anu lulvg agomko lumang, cmpige:la aku lulvg agomko okodcm nolu gagla dunganc lekelokkcbbong; leke lulvg lunamdc cdc okodcm nolu tattoji.

1 JO:N 3:1

Ka:toka kapinc aipc mc:namcm Abudc nolum bitonc, jc ngolum Ru:ncpvnckc ommang cmna gogto; odokkc cdcmv:pc ngolusin. Nolum rcngamsc kinma:namdok lcga:dc jc cdcbul Bvm kintomang.

1 JO:N 3:10

Odokki cdcm ka:begycpc jc sc:kobulu Ru:ncpvnckc ommangcji, odokkc sc:kobulu uikc ommangcji: sc:kobvi arrom ima:ji Ru:ncpvnckcmang, cdcmanggom sc:kobv bvk bvrodcm aipc mc:ma:ji.

1 JO:N 3:21

Aipc mc:bomsunamkvdvnga, ngoluk asinkvdv:dc ngolum aimang cmna luma:yc, ngolukkc Ru:ncpvnckolo mc:jvg mcnggod dung;

1 JO:N 5:1

Appvngc sc:kobvi Jisumc Kristobv cmna mc:jvgdonc Ru:ncpvnckc ommangc, odokkc appvngci anc abbom aipc mc:ncdc omma:dcm aipc mc:dag.

LUNGOR LUNAM 2:28

Odokkc ngo bvm ro:rokomlok takardcm biyc.

LUNGOR LUNAM 22:4

bulu Bvk dumsimigmom ka:begycku, odokkc Bvk amindc buluk tuptakvdv:do du:ycku.