1 JO:N 3:18 - ANU LUGOD N. T. (BSI)

¹⁸ Ameo:nc ommang kvdvnga, kajc ngolu gompir gomugongcba: agom lunamongki aipc mc:yoka cmpige:la agerkokki odokkc arokokkisin.

1 JO:N 3:18 ပူးပေါင်းရင်းမြစ်များ

LU:KKC 7:5

odokkc ngoluk lcga:pc bv kumko okumcm motung.”

JO:N 17:19

Odokkc buluk lcgangc ngo avyc tolvgsudung, bulusinjen arolo tolvgsuycpc cmna.

ROMANKVDVNG 12:9

Aipc mc:namc mc:jup mcngkaplangkangka; tayumlang okodc aima:nc agercji, gagla du:lang okodc aidagji;

GALATIANG KVDVNG 5:13

Kapila:nc nolum motunam lcga:lo:pc gogtungai, bvrokvdvnga; noluk motunammcm adin amvr ipogvpo lcgangongc ina-sa:nayoka, cmpige:la aipc mc:namkokki akonc akonkc kcvgpc ager gerya:ncpc ilangka.

IPESIANG KVDVNG 4:15

Cdcmyam, arodcm aipc mc:la lula, ngolu Bvkkcpc appvng agerlo bottcpcnamc sc:kobv mittukdc:ji.

1 TISSALONIANG 1:3

ngoluk Ru:ncpvnc odokkc Abukc kcra:la noluk mc:jvglok agerkvdv:dcm odokkc aipc mcnamlok kvnggv:pc ager gernamcm odokkc mcma:ru:pc mc:tinnammcm ngolu Ru:tum Jisu Kristokolo mc:pa: mc:pa:la.

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

1 JO:N 2:1

Ngokkc adji:onc ame:yo:nc ommang kvdvnga, ngo scm nolukkolo:pc addung odomvlojen nolu pa:bcm ima:ycpc; cmpige:la jodi sc:kaiyc pa:bcm iyc, ngolukkc Abudcm lubiya:ncko dung, Jisu Kristobv dormokancdc;

1 JO:N 3:7

Ameo:nc ommang kvdvnga, nolu sc:kosin yadkosuyoka. Sc:kobv aro agercm gerdonc dormokannc, kapc Bv dormokadagji.

2 JO:N 1:1

Abv:ncdokkc cdc balennam nc:do:pc odokkc bvk ommang kvdvdo:pc, sc:kom ngo aropc aipc mc:dagji, odokkc ngowo:mang cmpige:la appv:dc sc:kobulu arodcm kindagji,

3 JO:N 1:1

Abv:ncdokkc, aipc mc:bomsunam Gaiukolo:pc, sc:kom ngo arodokki aipc mc:dagji.