17 Cmpige:la jodi sc:kaikc mo:pvsok attarappv:dc dung odokkc bvk bvrodok manamdcm ka:dag, ckvdaggom bvk asindcm bvk birudi:c mentumsudo, kapcnu Ru:ncpvnckc aipc mc:namdc bvkkolo du:ycn?
Ainc agercm gerpc mc:yamc:sayok odokkc nolukkc okko du:ji cdcm bisupc, kapcnc cdcmpinc palvgnam kvdv:dc Ru:ncpvncmc mc:lvgsumodag.
Jodi akoncmum ludo, “Ngo Ru:ncpvncmc aipc mc:dag,” odokkc bvk avkc bvrodcm tayumdo, bv lume: luncko; kapcnc sc:kobv bvk avkc bvrodcm aipc mc:ma:ji sc:kombv ka:begdagji, Ru:ncpvncmc aipc mc:la:mang sc:kom bv ka:begma:ji.
Odo bv bulum luto, “sckkc galugc bornyiko du:nc, sckkc kama:nc bvm bisumotoka; odokkc sckkc dogangc du:nc, bvmsin cdcmv:pc imotoka.”
Bvro akonc jodi cdcmanggom bvrmc akonc aima:si:ma:nc attarcm gcla du:do odokkc lo:dcm donam apincm dobegma:pc du:do,
Kapcnc nolu ngoluk Ru:tum Jisu Kristokc ayangcm kindag, jc Bv jodi mircmdagagom, ckvdaggom noluk lcgangc Bv opanncmpc ikang, odomvlo jen Bvk opandokki nolu jen mircmncpc iycpc.
Appvngc sc:kobvi Jisumc Kristobv cmna mc:jvgdonc Ru:ncpvnckc ommangc, odokkc appvngci anc abbom aipc mc:ncdc omma:dcm aipc mc:dag.
odokkc nolukkolok akonc bulum luyc, “Mc:po:pc gvkangkuka, ingga:pc du:toka odokkc aki:bi:la du:langka,” cdc o:ko arc kadang bulum amvrdok lcgangc laginam attarcmbulum bima:pc?