1 JO:N 3:12 - ANU LUGOD N. T. (BSI)

¹² odokkc Kainkcmpc ipcnammang sc:kobv aima:ncdokka:nc odokkc bvk bvrodcm mokesutonc. Odokkc kapila bv bvm moketon? Lcga:dc bvk avkc agergvdv:dc aimangai odokkc bvk bvrodokkcdc dormokadagai.

1 JO:N 3:12 ပူးပေါင်းရင်းမြစ်များ

HIBRIUKVDVNG 11:4

Mc:jvgkokki Abelbv Ru:ncpvncmc Kainmcyam aiya:pc torvgsunam palvgcm bito, okodokki bv dormokadag cmna lunamcm pa:to, Ru:ncpvncbv lukanbinamcm bito bvk amancm torvgsuge:la; bv sikang, cmpige:la bvk mc:jvgkokki bv su:paksin lutvla dung.

JU:D 1:11

Bulukkcpc mc:dvrpcnamc! Kapcnc bulu Kainkc lambclok lambcm gvdag, odokkc arc pa:nam lcgangc avkvdv:dc mc:paksudag Balaamkc imurgvmurdcm, odokkc Kora:kc birudi:pc mimag monamdo singabamdag.

LU:KKC 11:51

Abelkc i:dokkc Jakariangkc i:do:pc, sc:kobulu kumko amo:doklang angunnc mo:takdok pongkokdo singapka:ji. C:, ngo lubidung nolum, cdc sc opvnsokkcpc lagiyc.

METIU 23:35

Odomvlo noluk tayc:lo mo:pv appv:sok dormokanc tani:kvdv:dok i:bidmonamdc pa:ycpc, Abelkc atv imurkama:nc i:bidrrobomna Berakia:kc awo Jakariangkc awodok i:do:pc, sc:kobulum nolu kumko okumdokla: kumko mcramdo moketonc.

1 PITOR 4:4

Bulu mcngabla:mang jc nolu su:pak bulum jonsuma:bong cdc c:mo:pinc aisi:ma:pc igong-gvgongdcm imvnmang odokkc bulu nolum aimang cmna ge:la ludag;

HIBRIUKVDVNG 12:24

cdc anu lugoddok pongkokdok dunggurncdc, odokkc crkat i:dcm cdc Abelkc i:dcmpcyam aya:ya:pc ludag.

1 JO:N 3:8

Sc:kobv pa:bcm idoji bv uidokkc; kapcnc uidc lendoa:do dokkcbong pa:bcm ito. Ru:ncpvnckc Awodok lennamdok lcga:dc uidok agerdcm momvgkapc cmna.

AGER KVDVNG 7:52

Lungor lunckvdv:dok sc:kom noluk abukvdv:dc ipusire:ycm itoma:n? Odokkc bulu cdc Dormokancdc gviyc cmna lungor lunckvdv:dcm mokkeyamto, sc:kom nolu su:pak mirupc mcpaktonc odokkc moketonc,

JO:N 10:32

Jisubv bulum lubito, “Ngo nolum bojcrungko ainc agercm Abudokkcm lcngkanto; odokbuluk okodok lcgangc nolu ngom vlvngki crkepc cmna mc:dang?”

METIU 27:23

Odokkc bv luto, “Kapila, Bv oko aima:nc agerko iton?” Cmpige:la bulu bottcru:pc jc:batla jc:la luto, “Bvm kuruslo pvtketoka.”

METIU 13:38

arvgdc mo:pvcidc:bong, odokkc ainc amni:kvdv:dc migom dungko mongkvdog ommangkvdv:dc; v:ngkvdv:dc aima:ncdok ommangkvdv:dc,

METIU 13:19

Cdvloi sc:koi akonc migom dungko mo:pvdok agomcm tadycnc odokkc cdcm mcngkinma:ycnc, cdc aima:ncdc gva:dag odokkc bvk asinbo okodcm pidlvgtaganc cdcm scppakla bompakdag; cdcna lambcru:yidok okodcm pittungaji cdc.

LUNGOR LUNAM 17:6

Odokkc ngo nc:dcm ka:to, aipc kumnc tani:kvdv:dok i:dcm odokkc Jisukc lcgang sinckvdv:dok i:kvdv:dcm tv:la tvngvrsukang.

1 TISSALONIANG 2:14

Kapcnc nolu, bvrokvdvnga, Ru:ncpvnckc mondoli:dok iko-gvkolo imvngvmvnncpc ikang Kristo Jisuk okodc:bulu Judia:do du:nc; kapila:nc nolu c:mo:pinc ipusire:ycm pangkvsuto noluk avkc do:lu: tani:kvdv:dokkc kapc bulu Jiwukvdv:dokkc ikaji.

METIU 5:37

No okkom ludonc cdc ‘Cdcmpc’ cdcmanggom cdc cdcmpcmang cmtoka; odokkc lubarnam atv appv:dc papi:nckvdv:dokkc lendo.

JO:N 8:40

ckdaggom su:pak nolu ngom mokepc cmna mago:dag, nolum arodcm oko tani:dc lubitonc okodcm ngo Ru:ncpvnckolokkcm tattoji; Abrahamkc inamdc cdcmpc imangai. Noluk abudc okkom ikaji cdcm itok.”

JO:N 8:41

Bulu Bvm luto, “Ngolum jo:ra:pc onammangai; ngolukkc Abbo ako dung, Ru:ncpvnc bvci.”