1 JO:N 3:10 - ANU LUGOD N. T. (BSI)

¹⁰ Odokki cdcm ka:begycpc jc sc:kobulu Ru:ncpvnckc ommangcji, odokkc sc:kobulu uikc ommangcji: sc:kobvi arrom ima:ji Ru:ncpvnckcmang, cdcmanggom sc:kobv bvk bvrodcm aipc mc:ma:ji.

1 JO:N 3:10 ပူးပေါင်းရင်းမြစ်များ

METIU 13:38

arvgdc mo:pvcidc:bong, odokkc ainc amni:kvdv:dc migom dungko mongkvdog ommangkvdv:dc; v:ngkvdv:dc aima:ncdok ommangkvdv:dc,

LU:KKC 6:35

Cmpige:la noluk mirukvdv:dcm aipc mc:langka, odokkc ainc agercm gerrangka, odokkc murkongcm bipo:langka, okkomsin pa:latkupc cmna mc:ma:pc; odokkc noluk amanc bojcru:yc, odokkc Appvng Udbo:ya:pc Du:ncdok omma:pc iyc; kapila:nc ainc agerko ibincdcm mcngkinma:ncdcmlang avwongkcpc mc:suncdcm ayangabodag.

JO:N 1:12

Cmpige:la Bvm torvgsunc appv:dc, Bvk aminnok mc:jvgnc kvdv:dc, Ru:ncpvnckc omma:pc ilang-gvlangcm bito;

JO:N 11:52

Odokkc opvndok lcgango:mang, cmpige:la mo:tc: mo:tc:lo Ru:ncpvnckc ommangkvdv:dc okolo gvpitsula du:nc cdcmbulum akkongkopc gvkumsumokupcnammc.

JO:N 8:44

Nolu noluk uiabudokkcmmvn. Bv lendoa:dodokkcbong tani:mokenckkai, odokkc arodokki okkomsin ipcnam kamang, kapila:nc bvkkolo apirkosin arro kamang. Bv cdvlo yaddoji, bvk avkc lukam-gvkamdcmpc bv agomcm ludag, kapila:nc bv lume: luncko odokkc lume:luncdok abudc.

JO:N 8:47

Sc:kobv Ru:ncpvnckcnc Ru:ncpvnckc agomcm taddag; nolu kapila cdcmbulum tadma:nc lcga:dc nolu Ru:ncpvnckcmang.”

AGER KVDVNG 13:10

“C:i uikc aowa no appvng dormo kanamlok mirua, yadnam agom kannc odokkc lujcgjcgmona, Ru:tumkc lambcdcm gc:yodgc:madmonamdcm ingasuma:ycbonci!

ROMANKVDVNG 13:8

Sc:komsin dogcsuyoka, akoncm akonc aya:mvnsunamdcmyam; kapila:nc sc:kobv bvk kumrvdcm aipc mc:doji lujvglurodcm lukamdcmpc gertobong.

IPESIANG KVDVNG 5:1

Cdcmpidag Ru:ncpvnckcmpc imvntoka, aipc mc:bomsunam ommangcmpc.

KOLOSIANG 3:14

Odokkc odo appv:dokkcmyam aipc mc:namcm gctoka, okodc appvngcm lckopc aropakpc ogpumsudagji.

1 TIMOTI: 1:5

cmpige:la ngoluk lujcmdc aipc mc:namdc cdc narc:nc asinnokkc lennc odokkc aipc mc:jvglokkc.

1 JO:N 2:29

Jodi nolu kindo jc Bv dormokannc, nolu aroru:pc mc:sula:yc jc ainc agercm sc:kobvi gerdonc Bvkkolok onamc.

1 JO:N 3:1

Ka:toka kapinc aipc mc:namcm Abudc nolum bitonc, jc ngolum Ru:ncpvnckc ommang cmna gogto; odokkc cdcmv:pc ngolusin. Nolum rcngamsc kinma:namdok lcga:dc jc cdcbul Bvm kintomang.

1 JO:N 3:2

Aipc mc:bomsunamkvdvnga, ngolu su:pak Ru:ncpvnckc ommangc; ngolu okopci iyckusong cdc lenma:da, cmpige:la ngolu kindag jc cdvlo Bv lenyckunc ngolu Bvkkcmpc iycku, kapcnc ngolu Bvm Bv kapc idagji cdcmv:pc ka:begycku.

1 JO:N 4:21

Odokkc sc lulvgnamsc ngolukkc Bvkkolo dung, jc sc:kobv Ru:ncpvncmc aipc mc:dagji bvk bvrodcm aipc mc:pa:do.

1 JO:N 4:6

Ngolu Ru:ncpvnckc. Sc:kobvi Ru:ncpvncmc kindagji ngoluk agomcm taddag, odokkc sc:kobv Ru:ncpvnckcma:ji ngoluk agomcm tadmang. Odokki ngolu arodok yalodcmlang imur incdok yalodcm kindag.

1 JO:N 4:8

Sc:kobv aipc mc:ma:ji Ru:ncpvncmc kinnang; Kapcnc Ru:ncpvncbv aipc mc:namc.

1 JO:N 5:19

Ngolu kindag jc ngolu Ru:ncpvnckc, odokkc rcngam appv:sc aima:ncdok ilang gvla:lo dung.

1 JO:N 5:2

Odokki ngolu kindag jc ngolu Ru:ncpvnckc ommangcm aipc mc:dag, cdvlo ngolu Ru:ncpvncmc aipc mc:doji odokkc Bvk lulvg lunamkvdv:dcm.

3 JO:N 1:11

Aipc mc:bomsunam kvdvnga, aima:ncdcm ka:yv:sula gvyoka cmpige:la aincdcm ka:yv:sula imvngvmvnnangka. Sc:kobv aincm idagji Ru:ncpvnckc; sc:kobv aima:ncm idagnc Ru:ncpvncmc kangkvmang.