7 Aipc mc:bomsunamkvdvnga, ngo nolum anu lulvg agomko lumang, cmpige:la aku lulvg agomko okodcm nolu gagla dunganc lekelokkcbbong; leke lulvg lunamdc cdc okodcm nolu tattoji.
“Nolu tatto jc scmpc lutungai, ‘Noluk kumrvko:rcm aya:mvnsulangka odokkc noluk mirucm tayumlangka.’
Ngo anu lulvgko ngo nolum lubidung, jc nolu akoncm akonc aipc mc:mvnsulangka.
Odokkc bulu bvm sogabge:la Are-opagu:pc boma:to, scmpc lula, “Ngolu nok sc anu luyir lubinamscm kinna:ycnci?
Ngolu cdcmpc ludaggom, cdcmpc idaggom noluk agomlo, aipc mc:bomsunam kvdvnga, ngolu turnam pa:namdok atvcm aiya:pc mc:dag.
Okodcm nolu lendodokkcbong tadtoji du:mvmka:langka. Jodi nolu okodcm dunga:dodokkc tadtonc nolukkolo du:mvntvyc, odo nolu Awodo odokkc Abudo du:mvntvyc.
Kapcnc sc:na lutad lunamdc okodcm nolu lua:dodokkc tattonc, jc ngolu akoncm akonc aipc mc:mvnsupcnammc,
Aipc mc:bomsunamkvdvnga, ngolu su:pak Ru:ncpvnckc ommangc; ngolu okopci iyckusong cdc lenma:da, cmpige:la ngolu kindag jc cdvlo Bv lenyckunc ngolu Bvkkcmpc iycku, kapcnc ngolu Bvm Bv kapc idagji cdcmv:pc ka:begycku.
Aipc mc:bomsunamkvdvnga, ngoluk asinkvdv:dc ngolum aimang cmna luma:yc, ngolukkc Ru:ncpvnckolo mc:jvg mcnggod dung;
Odokkc sc Bvk Awo Jisu Kristokc aminno mc:jvgpcnamc odokkc akoncm akonc aipc mc:pcnammc, kapc bv ngolum lulvgla lutoji.
Aipc mc:bomsunam kvdvnga, appvng yallom mc:jvgyok, cmpige:la yalokvdv:dcm anka:la ka:langka Ru:ncpvnckcji: bvkkcma:ji; kapcnc bojcrung lume:pc lungor-lunnc mo:pvsc gvlenamka:bong.
Mc:bomsunam kvdvnga, jodi Ru:ncpvncbv ngolum aipc mc:to, ngolusin akoncm akonc aipc mc:mvnsupa:do.
Odokkc sc lulvgnamsc ngolukkc Bvkkolo dung, jc sc:kobv Ru:ncpvncmc aipc mc:dagji bvk bvrodcm aipc mc:pa:do.
Aipc mc:bomsunam kvdvnga, kajc akoncm akonc aipc mc:mvnsulai; kapcnc aipc mc:namdc Ru:ncpvnckc, odokkc sc:kobv aipc mc:dagji Ru:ncpvnckolokkc lennc odokkc Ru:ncpvncmc kindag.